Sunday, 21 February 2016

Caudalie Make Up Removing Cleansing Oil | زيت مزيل للمكياج من كودالي


Caudalie Make Up Removing Cleansing Oil | زيت مزيل للمكياج من كودالي 



السلام عليكم 


المكياج وحبنا له في تطور مستمر ، لكن بعد اي مناسبة جميلة نواجة شيء كلنا مانحبه ..
يالله نمسح المكياااااج ، ساعات ودي اخترع شي يزيلة في ثانية بس للاسف ماخترعته ولا فيه احد اكتشف هالشيء

لكن فيه اشياء جديدة بدت تطلع لنا ، اللي هي مزيل للمكياج بس على شكل زيت 
فيه ماركات كثيرة حاليا بدت تتوجه لهالشيء ، ليش ؟

لانه سهل ، سريع و يوفر وقت منتجنا اليوم من ماركة كودالي الفرنسية ..

Caudalie Make Up Removing Cleansing Oil | زيت مزيل للمكياج من كودالي 


مااخفيكم اني جربت من قبل زيت مزيل للمكياج من ماركة ثانية ، بس ماحبيته ابدا ، يحرق العين وثقيل 
ف كنت شوي متخوفة اجرب هالحلو ، لكن الواحد لازم يجرب عشان يقدر يحكم على الشيء .. 



اولا  شكل وتصميم العلبة :
+ حبيت وجود الاداة اللي نضغط فيها . 
+ له غطاء ف راح يكون ممتاز بالسفر ، عشان تخافين انه ممكن يفتح . 
+ ملمس العلبة شوي خشن ، مو املس او ناااعم بزيادة وهذا شي ممتاز بالحمام لانه غالبا يدك يكون فيها ماي .

ثانيا مكونات الزيت : 

زيت حبوب دوار الشمس / زيت بذور العنب / زيت الخروع / زيت اللوز الحلو / فيتامين E 

ريحة الزيت ، ريحة زيت اللوز الحلو وابدا مو قوية ولا تزعج .

ثالثا طريقة الاستعمال : 

- تحطين ٣ ضغظات من الزيت على وجهك اللي يكون فيه مكياج طبعا ، واهم شي انه ايدك و وجهك جافين تماااما مافيه اي قطرة ماي . 

- تسوين مساااج بالزيت علي وجهك بالكاامل ، الوجة والعيون والماسكرا ، اخذي راحتك وانتي تسوين المساج بحركات خفيفة واهم شي العيون والماسكرا . 

- بعد هالخطوه تبدين تحطين شوية ماي ، وارجعي سوي المساج لين تتكون لك رغوة خفيفة ، وبعدين زيدي الماي شوي شوي 
لين تشوفين انه الرغوة بدت تزيد .. اهم شي تكونين مغمضة عيونك عشان مايدخلها شي . 

- بعدها خلاص اغسلي وجهك بالكاااامل عادي ، لين تحسين انه كل شي نظف . 

...

مايترك اثر زيتي على الوجة بعد الغسيل ، والزيت نفسه خفيف مو من النوع الثقيل او الدبق .. 

بعد مااستعملة انا اغسل وجهي ب غسولي اللي استخدمه يوميا .. ويكون الوجه نظيييف تماما من المكياج .. 
ساعات ممكن بعض انواع الماسكرا او الكحل خصوصي اذا كان داخل العين ماينظف ١٠٠ بالمية ، ف استخدم شوي من micelle solution او المزيل اللي على شكل ماي وانظف بشكل بسيط العين خصوصي مكان الكحل .. 


رائي في المنتج : 

باختصاااار شي اقدر اقول ويني عنه من زماااااان ، رائع رائع رائع ، ماشاء الله من اروع اللي استخدمتهم 
سريع وعملي في اقل من ٣ دقايق انتي مخلصة بالكامل ، مايترك اثر زيتي او انه ممكن يزعج البشرة انه زيت ، لا بالعكس شي ممتااااز ، وحبيت انه ماحرق عيني ، انا عيني حساسة مو اي شي يناسبني .. 

ف هذا لله الحمد جدا ارتحت عليه ، وشي اكيد اكيد بشتريه مره ثانية اذا خلصته 

شي بطل ويستاهل الشراء




حجمة : ١٠٠ ملل ، صالح لمدة ٦ شهور من فتح العلبة .

No comments:

Post a Comment