السبت، 19 ديسمبر 2015

The Counter | ذا كاونتر



The Counter | ذا كاونتر



السلام عليكم 


الاسبوع الماضي كنت مدعوة لافتتاح مطعم ذا كاونتر في دبي مول وهو الفرع الثاني بعد فرعهم اللي في ذابيتش 
اللي في جي بي ار 

كنت مصورة في السناب الافتتاح وكان يوم مميز بصراحة حماااس 

اول تجربة لي ل هذا المطعم هي يوم الافتتاح ، عجبني جدا جدا جدا وبقولكم ليش ؟

اولا المطعم يقدم برقر بانواعة الدجاج - اللحم - الخضار 



وانتي تحطين الاضافات والصلصات على حسب رغبتك .. كل شي انتي تختارينة بنفسك 

احب هالنوع من المطاعم اللي مايكون فيها قيود ، والاهذا وهذا وممنوع هالشي او غيره .. 

عشان تتخيلون العدد الهائل للاشياء اللي عندهم : 



٦ انواع من الخبز - ١٤ نوع جبنة - ٢٦ صوص - ٤٥ نوع من الاضافات ..
...



طلبي كان ساندوش دجاج مشوي - بطاط بالبراميزان - وعصير ليمون بالنعناع لاني مااشرب غازيات 

اخترت الخبز الهوم ميد لذيذ جدا جدا جدا ، ودجاج مشوي - خس - جبنة بربر جاك احبها - فلفل احمر مشوي - مخلل

والصوص اخترت هني ماسترد 

بدون اي مبالغة الذ برجر دجاج اكلته بحياتي كلها ، الدجاج هو السر كله ، طري طري طري طري 
اذا قالوا دجاج جوسي هو فعلا جوسي ، اصلا وانا اكل فيه اشياء تقطررر، طبعا نادرا نلاقي دجاج بهالطراوة 
شي لذيذ بصراحة مع الخبز وباقي المكونااااات .. 

خياااااال ، من صج شي لذيذ جدا جدا ... 

الحلو فيهم انك تقدرين تختارين حجم الدجاج او اللحم .. ماصورت هالشي في المنيو للاسف بس شي حلوو

...



البطاط مع البارميزان .. طبعا لذيذ وابدا ابدا مو مالح لانه كمية البارميزان كبيرة 
هذا اللي الواحد ياكله ولا يقدر يوقف ابدا ابدا ..  اعجبني جدا .. 

حتى العصير كان لذيذ مع ثلج مجروش ، اقدر اللي يسوي هالحركة .. 

بشكل عام المطعم يناسب الكل بنات شباب اطفال ، للعائلة كلهااا 

لانه فيه منيو خاص بالاطفال ، وفيه بعد سلطات ، وساندوش بس بالتوست اللي مايحب البن يعني ..

وغير الخيارات المقبلات ، و ودي اروح لهم بعد واطلب اشياء غير ، لانه حلو ويستاهل 


في الاخير قدموا لنا حلى كان خاص بس بيوم الافتتاح 
دونات محشية ككاو وفراولة وموز ، فكرتها انها برقر 

ولذيذ طعمها 

لهم فروع في دبي ،السعودية وطبعا امريكا

مكانهم في دبي مول الدور الارضي مقابل سكي دبي

الفيس بوك : TheCounterME/?fref=ts

هناك تعليقان (2):

  1. مساءك سعاده حنون

    مره بوست يجوع ، حبيت جداً و شكل المطعم لذيذ ويستاهل زياره ، إن شاء الله بأقرب فرصه ..

    أنا من محبين الليمون بالنعناع جداً في قاسم مشترك بيننا

    واحاول اعتمد الأكل الصحي واغلب اكلي هوم ميد

    لكن مع البرقر و البيتزا مره لازم كولا ((بيبسي )) عارفه عندنا دائماً نقول : زي فرض الصلاه �� انه مره كأنه شيء واجب نعمله ��

    استمتعت بالبوست

    ننتظر منك المزيد

    ردحذف
    الردود
    1. هلا بالزين كله ،
      والله انا اللي جعت يوم رجعت اشوف البوست من جديد و اشتهيت اكلهم لذيذ بصراحة
      يسسس احب الليمون بكل شي وبشكل عام احب الاشياء الحامضة بكثره ، ايه مع الاكل الدسم لازم غازيات لانه ماينهضم

      تسلمين ياعسل ومشكوره لانك نورتيني

      حذف