Sunday, 16 August 2015

Sephora Gift هدية سيفورا


Sephora Gift  هدية سيفورا 


السلام عليكم 

من يومين عرضت بالسناب اني استلمت هديتي من سيفورا عشان وصلت ل ٢٠٠ نقطة 
وكذا وحدة اطلبت اني اكتب عن الهدية واصورهم بشكل اوضح .. 

..

الهدية لكل وحدة توصل ل ٢٠٠ نقطة وكل فترة يغيرون الهدية وهالفترة فيه هديتين 

اللي معاي و الثانية من اربن ديكاي ، قلم كحل بالحجم الكامل + ظل للعيون بعد بالحجم الكامل 

نشوف اللي معاي واللي جدا حبييييتها من اول ماشفتها .. 


العلبة الجميلة  مجموعة مكياج الشفاه ... 



وهذي محتوياتها وبالتفاصيل  ..


٤ ارواج 
محدد للشفايف 
ومحدد شفاف شمعي 

انا عندي من ارواجهم وعندي المحدد الشفاف ، جميلين بصراحة .. اللي تحمست عليه اكثر شي المحدد لاني دايما اسمع انه مممتاز ك محدد للشفايف و ك روج .. 



هذي الارواج الجميلة واختيارهم للدرجات ممتاااز ومتنوع ، والوان انتي اصلا تحتاجينهم وتستخدمينهم 

الارواج اصلا جميلة وثباتها حلو وصبغتها قويه ويبقى اثر لها على الشفايف .. 

وهذي الدرجات 




...


وهذا المحدد ودرجته ، متحمسه اجربه قريب .. واذا عجبني باخذ منه بعد .. 

والمحدد الشفاف عندي من اول واستخدمه ، حلو ومايخلي الروج يطلع بره حدود الشفايف .. حلو للي تعاني من هالمشكله 

..



وهذي الارواج مع الروج بالحجم الاصلي .. 


وبس هذي الهدية الحلوه واعجبني كل شي فيها ..


2 comments:

  1. صباح النور
    الهدية جميلة جداً .. ماشاء الله
    عجبني أختيارهم لدرجات الأرواج 👍🏼
    تتهني فيها ❤❤

    ReplyDelete
    Replies
    1. صباح الورد ياورد ،
      جدا جدا حلوه ، احس اول مره الهدية تسوى ، والدرجات جميلة جدا

      تسلمين يارب

      Delete