Saturday, 22 August 2015

August Glambox 2015 | قلام بوكس لشهر أغسطس ٢٠١٥


السلام عليكم 


قرب يخلص شهر ٨ ، يعني علبتنا الجميلة وصلت لنا ، علبة قلام بوكس 
اللي احبها وتعجبني منتجاتها .. نشوف محتويات هالشهر .. 




اذا حابه تشتركين بهالعلبة الجملية من هنا 



واستخدمي كود الخصم لانه راح يخصم لك ٣٠ ٪   GBHANAN


...




اول شي في العلبة 
بديل الزيت المغذي من رويال الفيف ، عندي منه من الاول وجدا جدا ممتاز ، احبه لشعري لانه اطراف شعري جافة ،وهذا الشي العجيب ينعم الشعر ويخليه متغذي ، عجبني انهم حطوه لنا لاني اكيد اكيد راح استخدمه خصوصي اللي عندي باقي فيه شوي .. سعر الحجم الكبير ب ٢٥ درهم .  " انصح فيه وبشدة "

عطر من كنزو Flower by Kenzo L'Elixir 
عطور كنزو لها ريحة مميزة وتطلعينها من بين اي عطر ، عجبني بصراحة  
سعر الحجم الكبير ب ٤٢٠ درهم . 



غسول للوجة من VLCC، منقي لطيف ، بالكركم البري ، ثاني مره يحطون لنا منتجات من VLCC 
صراحة ماجربت شي منهم لحد الحين بس ناوية عليهم خصوصي انه احجامهم حلوه وصغيرة 
بخلص من اللي استخدمه حاليا وابدا فيهم .. سعر الحجم الكبير ب ٢٣ درهم .

نوصل لمنتج الشهر .. كريم اساس من محل ذا فيس شوب ، تقنية جديدة وهي الكريم الاساس كوشن 
من الاشياء الكورية الجديدة ،اللي كنت محتمسة اجرب شي منهم .. 

المنتج فيه حماية من الشمس بنسبة ٥٠ ، مدة ثباته عالية ، وخالي من الزيوت 
مااقدر احكم عليه الحين يبي له تجربه واكثر من مره ، جربته حاليا سريع وعملي ..

بكتب رايي فيه بعد اكثر من استعمال ، حاطين لنا المنتج بالحجم الكبير وسعره ١٢٠ درهم 



وهذا شكله من الداخل ، بصراحة يونس ومغري للاستخدام لانه شي جديد ، والاسفنجة اللي معاه حلوه 


وبعد حاطين لنا تعبئة للكريم اساس ، ف شي حلو ، مااعرف كم سعر التعبئة او انه بالاساس هي تجي معاه .. 
مافتحته عشان يبقى جديد ولا يدخله هوا .. 

وبس هذي كل منتجات هالشهر ، وانا اشوف انها حلوه يعني شي للشعر ومكياج وللبشرة 
وعطر .. انا احب هالاشياء .. 

وان شاء الله اننتوا بعد تعجبكم .. 

..


3 comments:

  1. منتجاتك حلوه تتهني فيها يارب.... انا جابولي منتجين زيك إلى هما العطر عجبني جدا حبيتو وكريم الشعر اصلا استعملو وموجود عندي حالياً..... ومنتجاتك الباقية ماجبولي زيها جابولي ماسك من أولاي وقلم كحل من بوبي براون بس.....

    ReplyDelete
    Replies
    1. هلا حبيبتي ،

      تسلمين يارب وتتهنين بكل شي عندك يارب ، ايه فيه البعض اشوف جابوا لهم اشياء ثانيه
      الماسك قد جابوه من قبل ، بس كحل بوبي براون ولا مره اصلا اول مره يحطون شي من بوبي براون

      Delete
  2. منتجاتك حلوه تتهني فيها يارب.... انا جابولي منتجين زيك إلى هما العطر عجبني جدا حبيتو وكريم الشعر اصلا استعملو وموجود عندي حالياً..... ومنتجاتك الباقية ماجبولي زيها جابولي ماسك من أولاي وقلم كحل من بوبي براون بس.....

    ReplyDelete