Thursday, 14 May 2015

Nouba نوبـــا


السلام عليكم 



من فتره كنت بضيافة نوبا لاطلاق مجموعة الصيف ، ونزلت كم صوره بالانستقرام 
فحبيت اني اضيف الصور كلها بالمدونة .. 

نوبا من الماركات القديمة اللي كنت استعملها اول مابديت بحبي للميك اب ، كانت تنباع في باريس غاليري 
وبعدها وقفوها ونسيناها بصراحه ، وخلال هالكم سنه الاخيره رجعت وبقوه .. 

الالوان و التنوع اللي تقدمه صراحه ممتاز .. قد كتبت موضوع عن ارواجهم ممكن تشوفونه هنا 

...


هذي هي المجموعه الجديده ، شوفوا اللي على اليمين كحل بنفسجي و اخضر هو سائل ، بس الحلو فيه تقدرين تحطينه على العين كلها كبيس ، يعني منتج ٢ في واحد ، اعجبتني فكرته و اللون البنفسجي جميل جدا .. 




العارضة الرسمية ل نوبا وهي نفسها اللي بالاعلان 


هالارواج السائله شي خيااااالي ، ثبااات عالي جدا ، على كلامهم تثبت لمده ٢٤ ساعه ، وحتى ازالتها صعبه يبي لها كريم
عشان تروح ولا تترك اثر ، بس خيال .. انصحكم فيها .. وسعرها ب ٩٩ درهم 




عندهم اشياء كثيره وحلوه بصراحه الايشدو والبلشر حلوييييين .. 





...

في النهاية قدموا لي هدية حلوه منهم شنطة ميك اب و هالمجموعة من الميك اب .. 




ماسكرا - روج سائل ب اروع درجة لون احمر وهاللون من الالوان اللي تنباع بشكل مو طبيعي ودائما مخلص رقمه ٧ 

" عشقت هاللون وهالروج "

قلم كحل اسود ، حبيته بصراحه " بس اطول قلم كحل شفته بحياتي " - واي شدو لونه جميل بصراحه عجبني ورقمه ١٦٤


شوفوا لون الظل جميل .. وعلى ذوقي بصراحه .. 

شكرا نوبا .. 

نوبا تتوفر في سنتر بوينت في لايف ستايل 


3 comments:

  1. ما كنت ادرى انها ماركه قديمه لازم اجرب منهم المكياج

    ReplyDelete
    Replies
    1. اهلا افنان ،
      منوره ، ايه هي قديمة بس عندهم اشياء ممتازة بصراحة
      صح انها اغلى شوي من باقي ماركات لايف ستايل بس تستاهل

      Delete
    2. اهلا افنان ،
      منوره ، ايه هي قديمة بس عندهم اشياء ممتازة بصراحة
      صح انها اغلى شوي من باقي ماركات لايف ستايل بس تستاهل

      Delete