Thursday, 12 March 2015

ترتيب درج المكتب


السلام عليكم 

اليوم المزاج اني ارتب شي ، ووقع الاختيار على الاداج اللي في مكتبي
اخترت ارتب بس الدرج الاول الخاص بالاشياء المكتبية ، اما باقي الادراج بعد ابي اخطط لها زين 

هذي صوره الادراج اخذتها من ايكيا واعتقد شفتوها في موضوعي الخاص بمكتبي هنا 




نبدا  .. 

طبعا حوسه وكنت مرتبه بس خلاص يحتاج ترتيب من جديد ..  

حجم الدرج كبير ويشيل اغراض وايد ..
انا قسمتهم بعلب قلام بوكس اللي توصلني كل شهر العلب قويه وحلوه
وحجمها مناسب جدا .. 
..

بالدايه طلعت كل شي بره 

..

وبعدها مسكت علبه علبه طلعت كل شي فيها ومسحتها وحاولت ارتب كل شي فيها 
بحيث كل علبه اخليها لشي معين .. 


اول علبه خليها للدباسه ، والخرامه الورق و موس صغير
وباقي الادوات هي خرامات ورق بآشكال مثلا قلب او نجمه ، اخذتهم من دايسو
اغلب اللي في العلبه من دايسو ، ترى عندهم اشياء حلوه ومثل اللي في اشوفهم في النت ودبل السعر


والعلبه الثانيه ل المقصات و ولاعه للشموع هذي ممتازه لانها طرفها ينحي ولا تحرقين اصبعك


والعلبه الثالثه فيها كذا نوع صمغ و ستكي نوت ، دبابيس ، والشي الاسود كيس اسود احد فيه بطاريات



انواع المقصات اللي عندي
اول واحد من اليمين ممتااااز لقص الورق بشكل دقيق رهييييب ، اللي بعده مشرط او موس رول اخذته من جرير حلو اذا بتقصين ورق هدايا او بتقصين اشياء منحنيه يساعد ..
المقص الاخضر من دايسو صراحه مااستغني عنه هو للخياطه بس انا اقص فيه ورق الهدايا للتغليف ممتاز وحاد
والاخير من ايكيا ، صراحه عادي وخليته لاي لصقه او لزاق ، لانه المقص يخرب اذا كان فيه لقصه


وخلال الترتيب اكتشف انه عندي كذا شي ومتكرر ف شلت اللي مااحتاجه ..


وخلال الترتيب لقيت هالميموري فشلتهم وحطيتهم مع باقي الميموري اللي عندي
واخذت اصغر علبه شفافه واستخدمتها لشي ، ومن زمات ادور شي بهالحجم والنحف



ايه عشان احط فيه شريحه لرقمي السعودي ،، بحجم سفراتنا الكثيره للسعوديه  فخلاص صار على طول موجود بالبوك او محفظتي





وهذا الشكل النهائي بالترتيب
وفيه اماكن فاضيه بي الحين ارتب واريح للعين


وهذا شكلها داخل الدرج 

...


No comments:

Post a Comment