The Salad Jar
صحي .. طبيعي .. لذيذ
السلام عليكم
مشروع صغير في دبي الجميلة اسمة The Salad Jar محل مختص بالسلطات الصحية
الحلو فيهم انه كل شي جاهز في العلبة السلطة و الصوص ، كل اللي عليك انه ترجينها زين وتتلذذين بالطعم
انا احب السلطات بجيمع اشكالها واجرب نكهات جديدة ..
عندهم ٨ انواع واقدر هالشي لانه يلبي جميع الاذواق ،واتمنى يزيدون اكثر واكثر ..
والحلو انه عندهم حجمين من العلب
اكثر شي عجبني في المنيو اللي بالموقع انه حاطين كل حجم وكم فيه من البروتين والكالوريز ، ف شي جميل جدا للي يراقب اكلة ،
السلطات مشبعة لانه عالية بالبروتين
اخذت نوعين الاول
Sweet Beet مكوناته : جبن حلوم - شمندر - سبانخ - خيار - رمان - حمص - تمر - شعير
والصوص كان بلسمك مع عسل ..
لذيذة جدا هالسلطة واعجبت الكل بصراحة والطعم مضبوووط
والنوع الثاني D'S Salad ,مكوناتها : كينوا - حمص - فاصوليا خضرا - فلفل احمر - زبيب - بطاطا حلوة - جبن فيتا
والصوص خردل ديجون مع خل ...
لذيذة جدا جدا ، وتستاهل بس كان ينقصها زيادة في الصوص لانه الكينوا يحتاج صوص اكثر
كل السلطات اعجبتني ،الطعم رائع بصراحة
...
+ توصلك مع شوكة ومنديل
المشروع يقدمون خدمة التوصيل في دبي لمناطق معينة حاليا وان شاء الله قريب يتوسعون باذن الله
من الاحد الى الخميس
موقعهم : www.thesaladjar.me
الفيس بوك : The-Salad-Jar
المشروووع جداا جمييييل حبيت صراحه الفكره بس حسافه مافي توصيل لباقي الامارات ، و يعطييج العافيه حبيبتي
ردحذفجميل المشروع ربي يوفقهم محتاجين نفس هالمشاريع ونتريا يكون في توصيل لابوظبي ان شاء الله
ردحذفلذاذة ما شاء الله
ردحذفان شاء الله اجربهم لارحت دبي الحبيبة
يعطيك العافية ❤️