السلام عليكم
مراجعه لماسكارا من كلينك .. Clinique High Impact Extreme Volume Mascara
نادر جدا اني ارجع اشتري نفس الماسكرا اللي شريتها من قبل وكل مره ابحث عن شي غير ماجربته
وهالمره وقع الاختيار على هالماسكرا من كلينك .. انا رموشي متوسطه الكثافه و طولها حلو وزاد طولها من بعد مااستخدمت منتج مافالا
وسويت عنه ريفيو هنا بالمدونه تقدرون تشوفونه .. فصرت ابحث عن الكثافه اكثر ابي اي ماسكرا تعطيني حجم كبير وكثيف ..
وشفت هالماسكرا ومكتوب عليها اكستريم جربتها عندهم واعجبتني جدا ..
تعطي كثافه وطول حلو .. وكل ماحطيت طبقه صارت احلى .. والماسكرا سائله يبي لها حذر وقعت الاستخدام عشان ماتلطخ ويبي لها وقت تشوي عشان تجف .. بس النتيجه روعه وعن نفسي حبيتها ..
زي ماتشوفون بالصوره شعيرات الفرشه من البلاستك .. وحتى بنهايه الفرشه فيها شعيرات
حلوه لاطراف الرموش وجدا حبيت هالخاصيه .. بس ماانصح فيها للرموش السفليه لانها كفرشه كبيره
وتوصل للعيون وقت الاستخدام ..
التقييم : ٤ونص من ٥
السعر : ١٤٥ درهم
مكان الشراء : باريس غاليري فرع مردف ستي سنتر
من شكل الفرشة حبيتها ..إن شاء الله أجربها
ردحذفالله يعطيك العافية
اليوم اكتشفت مدونتك
بصراحة عجبتني ..مدونة جميلة و رائعة
أتمنى لك التوفيق :)
هلا عزيزتي بسمه
ردحذفيشرفني تواجدك يالغاليه ومنوره المدونه كلها ، وانا بعد اكتشفت مدونتك وحبيتها
الفرشه جدا جميله وتمسك الرموش بشكل حلو وتعطي كثافه جميله
والتوفيق للجميع ان شاء الله
تشبه مسكرة ريفلون ثري دي فوتو ريدي
ردحذفتوني شفت صور للماسكرا وفعلا تشابها ، بس ماجربتها
حذفانتي شو رايك فيها