December Glambox 2015 | قلام بوكس لشهر ديسبمر ٢٠١٥

December Glambox 2015 | قلام بوكس لشهر ديسبمر ٢٠١٥

السلام عليكم 

اخر بوكس لهذي السنة ، وباقي باشتراكي معاهم ٣ شهور او ٤ شهور ولحد الحين ماقررت هل برجع اشترك معاهم او لا 

نشوف بعدين نقرر ..

نشوف هالشهر شنو محتويات البوكس 

بوكس البروشرات والخصومات ..

خصم IBX معالج للاظافر ، خصم من درمالوجيكا بقيمة ١٥٠ درهم لاي علاج تسوينه عندهم " حبيت هالشي كانهم يدرون اني ناوية علي فيشل قريب " .

خصم على تطبيق  Vaniday , وخصم ٢٥ ٪ على موقع isaw it first

..

لصقات لازالة الرؤوس السوداء بالفحم من بيورييه ، انا جربت النوع العادي بس اللي بالفحم اول مره 

بجربة لاني احب منتجات بيورييه .. 

...

عدسات من فرش لوك ، عسلية ، تمنيت لو انها نظر لاني البس عدسات بس ماعليه 

من اليمين : 

- زيت جوز الهند من برشوت ريحته خفيفة جدا ، هو يقوي الشعر ويزيد سماكته .. 

- ماسك للوجة والرقبة من abeeco,الماركة جديدة اول مره اعرفها .. نجربة ونشوف 

- صابونة بالليمون من لوكسيتان ، حلوه الصابونة حاليا استخدمها ، ريحتها قوية وحلوه ..

- زبدة الشيا من DXB، حبيت انهم حطو ماركة اماراتية في البوكس ، وهالزبدة عندي منها واستخدمها جدا حلووووه وممتازة .

- صبغ للاظافر ماركة Misa .

وبس هذا كل اللي بالبوكس .. 

للاشتراك بالبوكس من هنا 

November glambox 2015 | علبة قلام بوكس لشهر نوفمبر ٢٠١٥

November glambox 2015 | علبة قلام بوكس لشهر نوفمبر ٢٠١٥

السلام عليكم 

العلبة الجميلة قلام بوكس ، ماشاء الله وصلنا الى نهاية السنة ، باقي شهر وان شاء الله

تكون سنة حلوه و السنة الجاية احلى باذن الله ، اتمنى انكم تكونون حققتوا كل امانيكم واحلامكم 

وابدوا بالتخطيط للسنة القادمة ، وان شاء الله تكون سنة انجاز 

..

نشوف علبتنا ل شهر نوفمبر 

اجمل تصميم شفته لهم ياليت لو يعتمدونة لهم لانه ناعم و راقي جداا، جدا عجبني التصميم حييييل 

ونشوف محتوياتها 

مجموعة عناية جديدة من بايوديرما ، مجموعة خاصة بالترطيب القوي للبشرة الجافة جدا ، حبيت انهم اضافوا شي جديد

وهالنوع لانه جديد حلو الواحد يجربه قبل مايشتري الاحجام الكبيرة .. 

وبايودرما اول مره ينزلون شي خاص بالبشرة الجافة .. 

الحجم الكبير هو سيروم للترطيب 

وهذي عينات 

من اليمين كريم للترطيب مع حماية من الشمس ٣٠ 

اللي بعده سيروم للترطيب نفس الحجم الكبير 

الاخير كريم مرطب للبشرة الجافة الى الجافة جدا .. 

ان شاء الله تكون مجموعة حلوه واكيييد راح اكتب رايي فيها اول مااستخدمها 

...

تونر للوجة بالصبار من ذا بودي شوب ، مناسب للبشرة الحساسة ، بصراحة احتاج لتونر جديد 

...

عطور من الرصاصي ، تيستر عطرين جاذبية 

حبيت انهم اضافوا ماركات جديدة ، خصوصي الرصاصي بما انها ماركة قديمة ومعروفة 

...

زيت للاظافر ، الماركة جديدة على فيه فيتامين اي و زبدة الشيا 

احس هالشي ممتاز يكون عن كل بنت لانها لازم تهتم ب الجلد اللي حلو الاظافر 

...

وهذي كوبونات خصم ، كل علبة يكون فيها كوبونات ، وحبيتهم هالمره ..

وبس هذا كل اللي كان بالعلبة 

اذا حابه تشتركين بهالعلبة الجملية من هنا 

October 2015 GlamBox | قلام بوكس لشهر اكتوبر ٢٠١٥

October 2015 GlamBox | قلام بوكس لشهر اكتوبر ٢٠١٥

السلام عليكم 

وقرب شهر اكتوبر يخلص وماشاء الله باقي على نهاية السنة شهرين بس ، يارب تكونون حققتوا

احلامكم واهدافكم لهذي السنة .. 

علبة هالشهر استلمتها متاخر لاني كنت مسافرة ، و شفت كم صورة بالانستقرام لعلبة هالشهر 

يعني صراحة ماتحمست على اشياء وايد .. بس نشوف مع بعض ..

من اليمين :

قناع التفتيح الطبيعي للوجة من VLCC، لجميع انواع البشرة ويستخدم مرتين باليوم .

مزيل للعرق من نيفيا علي شكل بخاخ ، بريحة البورة ، ريحته حلوه واعجبتني بصراحة ، والحجم صغير وحلو .

ماء جوز الهند واييد سمعت انه مفيد للجسم ، اول مره اجربة وان شاء الله يطلع حلو ولذيذ ..

عطرين تسيتر من ياردلي ، انا مع روايح الورد البحته مو اصحاب ، ف بجربهم باذن الله واكتب عنهم ، ولا مره جربت عطورهم ، بس مره جربت كريم وكتبت عنه كان لونه بنفسجي ، اعجبتني ريحته ..

لابيلو بريحة البطيخ ، وفيه لون خفيف ، من زماااان عن منتجاتهم ..

وبالاخير سامبل صغير واقي للشمس من ديرما اي هالماركة الطبية الجديدة في الامارات

وماشاء الله هالشهر بطاقات الخصومات اكثر من كل مره ، وان شاء الله استخدمهم هالفترة ..

العلبة هالشهر يعني مو وااااو ، اغلب المنتجات عادية مافيها شي مميز ، اتمنى الشهر الجاي يكون افضل 

اذا حابه تشتركين بهالعلبة الجملية من هنا 

September 2015 GlamBox | قلام بوكس لشهر سبتمبر ٢٠١٥

September 2015 GlamBox | قلام بوكس لشهر سبتمبر ٢٠١٥ 

السلام عليكم 

تاخرت في عرض محتويات بوكس شهر سبتمبر لانهم شحنوا العلب بعد العيد 

وهالشي افضل خصوصي انه الاغلب اجازة ومو موجودين بالبيت لاستلام العلبة 

..

نشوف محتويات هالشهر 

شامبو وبلسم من لوريال الفيف 

انا احب ماركة لوريال وخصوصي منتجاتهم للشعر ، تناسب شعري ، على حبي لهم الا اني ماجربت 

هالنوع ، ف فرصة حلوه اني اجرب هالنوع ، لاني دايما اخذ السيروم وكريم الشعر بنفس هاللاين بس ولا مره اخذت الشامبو والبلسم .. 

..

كريم للايدين من لوكستيان ، احب هالكريم حب مو طبيعي وهالحجم الكيوت جدا مناسب للشنطة .

لوشن للجسم من بالمرز بزبدة الزيتون ، شي جميل انه عندهم غير زبدة الككاو هي حلوة بس مااستحمل ريحتها ابدا 

وهالنوع افضل بالنسبة لي الريحة وااااايد حلوه بعكس زبدة الككاو .

..

كوبون خصم ١٥ بالمية من موقع لوكستيان ، وعلى فكرة الموقع صار يوصل للامارات والسعودية 

عينة عطر ميكاليف بشنطة صغيرة .

والاخير عينة عطر من كارتير ب صراحة مااعرف ليش حاطينة يعني بس اشم الورقة مثلا 

ش سوي فيها ، ماحبيت هالحركة منهم .

وبس هذا كل اللي في العلبة لهذا الشهر ، اتمنى انه الشهر القادم يكون افضل 

اذا حابة تشتركين من هنا 

وهذا كود خصم ٢٠ ٪ YOUTUBE

August Glambox 2015 | قلام بوكس لشهر أغسطس ٢٠١٥

السلام عليكم 

قرب يخلص شهر ٨ ، يعني علبتنا الجميلة وصلت لنا ، علبة قلام بوكس 

اللي احبها وتعجبني منتجاتها .. نشوف محتويات هالشهر .. 

اذا حابه تشتركين بهالعلبة الجملية من هنا 

واستخدمي كود الخصم لانه راح يخصم لك ٣٠ ٪   GBHANAN

...

اول شي في العلبة 
بديل الزيت المغذي من رويال الفيف ، عندي منه من الاول وجدا جدا ممتاز ، احبه لشعري لانه اطراف شعري جافة ،وهذا الشي العجيب ينعم الشعر ويخليه متغذي ، عجبني انهم حطوه لنا لاني اكيد اكيد راح استخدمه خصوصي اللي عندي باقي فيه شوي .. سعر الحجم الكبير ب ٢٥ درهم .  " انصح فيه وبشدة "

عطر من كنزو Flower by Kenzo L'Elixir 
عطور كنزو لها ريحة مميزة وتطلعينها من بين اي عطر ، عجبني بصراحة  
سعر الحجم الكبير ب ٤٢٠ درهم . 

غسول للوجة من VLCC، منقي لطيف ، بالكركم البري ، ثاني مره يحطون لنا منتجات من VLCC 
صراحة ماجربت شي منهم لحد الحين بس ناوية عليهم خصوصي انه احجامهم حلوه وصغيرة 
بخلص من اللي استخدمه حاليا وابدا فيهم .. سعر الحجم الكبير ب ٢٣ درهم .

نوصل لمنتج الشهر .. كريم اساس من محل ذا فيس شوب ، تقنية جديدة وهي الكريم الاساس كوشن 
من الاشياء الكورية الجديدة ،اللي كنت محتمسة اجرب شي منهم .. 

المنتج فيه حماية من الشمس بنسبة ٥٠ ، مدة ثباته عالية ، وخالي من الزيوت 
مااقدر احكم عليه الحين يبي له تجربه واكثر من مره ، جربته حاليا سريع وعملي ..

بكتب رايي فيه بعد اكثر من استعمال ، حاطين لنا المنتج بالحجم الكبير وسعره ١٢٠ درهم 

وهذا شكله من الداخل ، بصراحة يونس ومغري للاستخدام لانه شي جديد ، والاسفنجة اللي معاه حلوه 

وبعد حاطين لنا تعبئة للكريم اساس ، ف شي حلو ، مااعرف كم سعر التعبئة او انه بالاساس هي تجي معاه .. 

مافتحته عشان يبقى جديد ولا يدخله هوا .. 

وبس هذي كل منتجات هالشهر ، وانا اشوف انها حلوه يعني شي للشعر ومكياج وللبشرة 

وعطر .. انا احب هالاشياء .. 

وان شاء الله اننتوا بعد تعجبكم .. 

..

June Glambox 2015 | قلام بوكس لشهر يونيو ٢٠١٥

June Glambox 2015 | قلام بوكس لشهر يونيو ٢٠١٥ 

السلام عليكم 

موضوعنا الجميل لعلبة قلام بوكس لهذا الشهر 

ثيم هذا الشهر الليالي العربية ، وهم حققوا هالشي في المنتجات اللي في العلبة 

نشوف المحتويات مع بعض :

- تاتو للجسم من ماركة TAYU BIJOUX سعر الحجم الكامل ب ١٥٥ درهم .

- عطر Evidence من ايف روشية ، واخيرا هالماركة افتحت عندنا ، علي كثر مااشوف ريفيو لمنتجاتهم ، العطر ريحته ورد مع مسك ف اكييييد الريحة حلووووه ، بصراحه عجبني جدا ، وناوية عليه باذن الله . سعر الحجم الكبير منه ٢٧٥ درهم 

المحل فتح ف الغرير سنتر في دبي ، وفي ابوظبي في ابوظبي مول و ياس مول ، وقريب بعد راح يفتح في مردف سيتي سنتر دبي . 

- روج من وجوه ، ثباته حلو ، وطبعا ماااات ، سعر الحجم الاصلي ب ٨٥ درهم وطبعا متوفر في كل محلات وجوه ..

- مناكير من سالي هانسن ، درجتة حلوه Night Watch , ورقمه ٨٣٢ ، سعر مناكير سالي هانسن ب ٣٩ درهم .

- لوشن للجسم من جرجنز بالعود ، ريحته عود خفيفة ، ترطيبة وسط ، بس حلو ، وسعر الحجم الكبير منه ب ٢٤ درهم .

وبس هذا كل مافي البوكس لهذا الشهر 

اذا حابت تشتركين ادخلي هنا وسجلي عشان توصلك العلبة كل شهر 
وتستمتعين  بفتحها مثلي .

May Glambox 2015 || علبة شهر مايو من قلام بوكس

May Glambox 2015 || علبة شهر مايو من قلام بوكس

موضوعنا الشهري الجميل ، قلام بوكس 

احب هالشركة واحب فكرتها وانها هدية لنفسك كل شهر 

هالشهر كان شهر تعاومنهم مع ماركة بايوديرما Bioderma

من اليمين :  

- مزيل المكياج المشهورsensibio H2O وب صراحه احس الناس اعرفت الماركة من هالمنتج الجميل  سعر هالحجم الصغير = ٣٥ درهم .

- كريم للحماية من الشمس بدرجة ١٠٠ photoderm max ، هالنوع درجة حمياته عالية و مناسب للبشرات الحساسة ، خالي من العطور وضد الماي سعره ب ١١٣ درهم . 

- غسول فوم او رغوة sebium gel moussant , مناسب للبشرة المختطلة الى الدهنية ، خالي من الصابون ، مايسبب الجفاف سعر الحجم الاصلي ٩٢ درهم .

- كريم خفيف يشبة السيروم  sebium global ، مناسب للبشرة اللي تتعرض للحبوب ويخفف من الرؤوس السودا والحبوب سعر الحجم ال ٣٠ ميل ب ٩٩ درهم .

- هدايا منهم شنطة صغيرة ، حبيتها .

- المغلف هذا جل للعيون eye contour gel  مناسب للعيون الحساسة .

- العلبة الصفرا ، photoderm Aquafluide  كريم حماية من الشمس بس فيه لون ، سعر الحجم الاصلي ١١٨ درهم.

- سوار للايد ، فكرته حلوه جدا ، بعد ماتحطين كريم الحماية على جسمك تحطين نقطة من الكريم على الدائره الصغيره

اللي بالاسواره وراح تطلع لك اي لون كل ماطولتي فتره طويلة بره في الشمس يتغير اللون ، عشان تعرفين متى

تحطين كريم حماية مره ثانية . 

اذا حابه تشتركين بهالعلبه الجميله من هنا سجلي واختاري المده اللي تبين تسجلين فيها

٣ او ٦ شهور او لمده سنه 

من هنااااااااا

..

عندي كود خصم  ٢٠٪ هديه مني لكم 

TWu93raj6T

April Glambox 2015 || علبة شهرابريل من قلام بوكس

April Glambox 2015 || علبة شهرابريل من قلام بوكس

السلام عليكم 

رجعنا بموضوعنا الشهري ل قلام بوكس .. 

نشوف محتويات البوكس هالشهر .. طبعا البوكسات راح تختلف من وحده الى الثانية

على حسب البروفايل الخاص فيك ، يعني الاشياء اللي تحبينها او لا وعلى اساسه يتم اختيار البوكس لك ..

...

...

من اليمين : 

- Witch Hazel and Rose Water Gentle Face Wash من VLCC 

غسول الوجه اللطيف بالهاماماليس وماء الورد ، مناسب للبشرة الجافة والحساسة 

سعر الحجم الكبير = ٢٣ درهم وموجود باغلب السوبرماركت ..

- Sun Sport Gel Protection من لانكاستر 

كريم واقي للشمس ، ناعم جدا علي البشره ولا يترك اثر دهني مثل باقي كريمات الحمايه عن نفسي حبيته ،

وله ريحه عطر حلوه . سعر الحجم الكبير = ١٥٠ درهم 

ومتوفر باي اغلب محلات التجميل مثل سيفورا وجوه باريس غاليري .

- عطر Dahlia Divin Eau de Parfum من جيفنشي 

ريحته جميله جدا ، سعره =٥٣٥ درهم ، وطبعا بتوفر بكل المحلات اللي تبيع العطور .

-Silk Hydration Face Lotion SPF 30

مرطب وواقي حماية من الشمس بنسبه ٣٠ ، يرطب لمده ١٢ ساعه . 

سعره = ١٨ درهم .

- Biore Deep Pore Charcoal Cleanser 

منظف الفحم للمسام العميقة من بيوريه ، جدا تحمسسست له ، خصوصي كنت اشوف الاجانب وايد يمدحون 

منتجات بيوريه وانها مناسبتهم ، وماكانت تتوفر عندنا منتجات بيوريه الا لصقات الانف لازاله الرؤوس السودا ، 

ف شي متحمسه اني اجربه ..

سعره ٣٠ درهم ، ومتوفر باي مكان يوفر منتجات بيوريه . 

وهذا كل شي كان بالعلبة مع اوراق لمحلات فيها خصومات ...

اذا حابه تشتركين بهالعلبه الجميله من هنا سجلي واختاري المده اللي تبين تسجلين فيها ٣ او ٦ شهور او لمده سنه 

من هنااااااااا

..

عندي كود خصم  ٢٠٪ هديه مني لكم 

TWu93raj6T

March Glambox 2015 || علبة شهر مارس من قلام بوكس

March Glambox 2015 || علبة شهر مارس من قلام بوكس 

السلام عليكم ... 

تاخرت هالمره في عرض محتويات علبة قلام بوكس لشهر مارس ، هالشهر كان اخر شهر لي معاهم 

لانه خلصت سنه كامله من الاشتراك معاهم .. 

وجددتها مره ثانيه لسنه كامله ، وان شاء الله من شهر ابريل الحالي ابدا معاهم سنة جميله باذن الله .. 

بس بعدني مااستلمت اول علبة ، و انا اخترت اني ادفع عند الاستلام ، الخدمة اشوفها بعدها موجوده 

لانه شفت من تعليقات البنات انه الخدمة مش موجوده للكل ، بس عندي طالعه يمكن لاني في دبي ، مااعرف

عن باقي المناطق بس الخدمة موجوده اذا حابين .. 

نشوف التفاصيل والمحتويات : 

من اليمين : " يارب اجعلنا من اصحاب اليمين " 

- Photoderm MAX spf 100 cream :واقي للشمس بتركبيه جديده وفعاليه اكبر من منتجهم القديم

 سعر ال ١٠٠ ميل ١١٣ دهم ومتوفر بكل الصيدليات . 

- Dove Conditioning Facial Cleanser : غسول وجه مرطب من دوف ، اللي عندي عينه خاصه بالبشرة العادية والجافة ،بجربه ان شاء الله وبكتب عنه سعره بالاسواق ٢٤ درهم للحجم ٢٢٠ غرام . 

- Enchanteur Moisturising Cream : كريم للجسم من انشانتر غني بالصبار و زبدة الزيوت ، سعره الحجم الكبير ب ١٤ درهم .

- Matricium : من بايوديرما شي جديد علي بصراحه ، هو مجدد لانسجة البشره ، بجربه وبكتب عنه باذن الله ،

العلبة فيها ٥ امبولات صغار ، العلبة اللي عندي سامبل بس في الورقه مكتوب انه الحجم الاصلي للمنتج ،

وسعره ١٩٩ درهم لهذي العلبة ومتوفر بكل الصيدليات . 

- Contouring Brush : من قلام بوكس عندي فرشة منهم من قبل ، وشي حلو اضافوا فرشة كنتور جديدة ، الفرشة ناعمه 

واحسها حلوه ، بجربها وان شاء الله تعجبني .. 

وفي البوكس بعد كان فيه كوبونات واشتراك لنادي ، ودي اروح واجرب خصوصي انه نادي جديد علي .. 

وبس هذا كل شي كان بالبوكس .. 

اذا حابه تشتركين بهالعلبه الجميله من هنا سجلي واختاري المده اللي تبين تسجلين فيها ٣ او ٦ شهور او لمده سنه 

من هنااااااااا

..

عندي كود خصم  ٢٠٪ هديه مني لكم 

TWu93raj6T

...

February Glambox 2015 || علبة شهر فبراير من قلام بوكس

السلام عليكم 

شهر جديدة وعلبة جديدة من قلام بوكس ، نشوف محتوياتها معاكم 

اول ماافتح العلبة دائما يحكون كوبونات هدايا هالمره ل منكيير مجانا .. وشي حلو 

من اليمين : 

- سامبل عطر من اسكادا ، عطر صيفي مزيج من الورود والمندرين والصندل  ريحته هاديه وحلوه .. سعر الحجم ٧٥ ميلي ب ٢٥٥

- زيت للشعر يقلل من نكشه الشعر سعر ال ٣٠ ميلي ب ٨٥ درهم وال ١٠٠ ميلي ب ١٧٩ درهم 

- بخاخ حامي من حراره الشمس من نيفيا واساسه ماء يعني مايدبق ، جربته خفيف وحلو على البشره ب ٥٣ درهم

- لوشن للجسم بزبده الككاو من نيفيا ، ترطيب هالكريم روعه ، مع اني مااحب ريحه زبده الككاو ابدا مااطيقها

بس بهذا اللوشن شوي اخف ب ١٤ درهم 

- روج من من قلام قلاس مااات ، احمر ، ورائع درجه اللون حلوه وثابته ب ٣٩ درهم 

... 

البوكس هالمره حلو وكل الاشياء اللي فيه بستخدمها ان شاء الله ..