Wonder'full Wake Me Up from Rimmel

Wonder'full Wake Me Up from Rimmel 

السلام عليكم 

جمال العين محد يختلف عليه خصوصا العيون العربية ، الكل يتغزل فيها 

عيون جميلة ورموش اجمللل ، كلنا نتمنى انه رموشنا تكون طويييلة وكثيييفة .. ف ريفيو اليوم عن هالماسكرا الجميلة من ريميل 

اول شي جذبني لها لونها وسهل انك تلاقينها بشنطة المكياج ، وبعد فيها خلاصة الخيار ومجموعة من الفيتامينات

فشي جديد ، والاغرب انه ريحه الماسكرا خياااااااار ، بس ريحة منعشة 

شكل فرشة الماسكرا على شكل الساعة الرملية ، وشعر مو بلاستك 

اللي حبيته في هالماسكارا انها تفتح عيونك اكثر تخليج مفتحة اكثر وتبرز عيونك اكثر ، تعطيك لوك جميل لانها توصل لكل رمش في عينك ..

ممتازة للصباح ، تعطي لوك صباحي جذاب ، هي تطول الرموش اكثر من انها تكثف ف راح تكون ماسكرا ممتازة انك تخلطينها مع ماسكرا خاصة بالتكثيف .. تكثف الرموش بشكل بسيط جدا .. ولا تكتل معاك اذا كثرتي اكثر من طبقة 

وحتى لو تكلت معاك شوي سهل جدا انك تفككين التكتل ولا تخرب شكل رموشك 

سوادها حلو 

...

انا اعجبتني بروحها تعطي لوك حلو ، واذا حطيتها مع اي ماسكرا ثانية تعطي جمال لعيني اكثر 

لاني احط ماسكرا ثانية تكثف ف النتيجة جميييلة مع بعض .. 

متوفرة بكل مكان يوفر ماركة ريميل 

سعر الماسكرا = ٤٩ درهم اماراتي 

SHIFFA Skin Balancing Facial Toner | تونر موازن للبشرة من شفا

SHIFFA Skin Balancing Facial Toner | تونر موازن للبشرة من شفا 

السلام عليكم 

مسائكم ورد ، اليوم بتكلم عن ماركة كنت دائما اشوفها في سيفورا بس مااشوف لها ريفيو وايد 

مع انها ماركة اماراتية ، ماركة شفا ماركة اماراتية وتصنع منتجاتها في بريطانيا 

واسعار الماركة شوي مرتفعة مثل باقي الماركات الغالية ... 

تواصلوا معاي ماركة شفا وقدموا لي ٣ منتجات ، حاليا استخدم منتجين بس والاخير مقشر للجسم ، ماودي افتحة لين اخلص كم مقشر

مع انه يحمس خصوصي انه مقشر بالقهوه .. 

اول منتج بكتب عنه هو تونر للبشرة 

تعليب الماركة فخم واعجبني ، كل علبة لون الغطا غير و كل علبة عليها شريطة وتعرفين انه محد فتح العلبة الا انتي ، وانا اقدر هالشيء ..

علبة التونر نفسها بلاستك وخفيفة 

التونر هذا مناسب لجميع انواع البشرة بما فيها الحساسة .

من مكوناته : ماء الورد - الصبار - طحالب بحرية  ،  صالح لمدة ٦ شهور من تاريخ الفتح .

نوع بشرتي مختلطة الى جافة + انها حساسة ، اللي عجبني انه ابدا هالتونر ابدا ماسبب لي اي هيجان في البشرة ، وهالشيء ممتاااز 

ينظف البشرة من الدهون الزايدة و يعيد توازنها بشكل حلو ، مايسبب جفاف للمناطق الجافة في بشرتي . 

تونر حلو خفيف ولطيف على البشرة ، وحلو اللي تدور على شي طبيعي ومافيه مواد ضارة .

الماركة متوفرة في سيفورا ، وسعر التونر اما ١٩٥ درهم او ٢٢٥ درهم نسيت بصراحة 

موقع شفا الالكتروني 

www.shiffa.com

September 2015 GlamBox | قلام بوكس لشهر سبتمبر ٢٠١٥

September 2015 GlamBox | قلام بوكس لشهر سبتمبر ٢٠١٥ 

السلام عليكم 

تاخرت في عرض محتويات بوكس شهر سبتمبر لانهم شحنوا العلب بعد العيد 

وهالشي افضل خصوصي انه الاغلب اجازة ومو موجودين بالبيت لاستلام العلبة 

..

نشوف محتويات هالشهر 

شامبو وبلسم من لوريال الفيف 

انا احب ماركة لوريال وخصوصي منتجاتهم للشعر ، تناسب شعري ، على حبي لهم الا اني ماجربت 

هالنوع ، ف فرصة حلوه اني اجرب هالنوع ، لاني دايما اخذ السيروم وكريم الشعر بنفس هاللاين بس ولا مره اخذت الشامبو والبلسم .. 

..

كريم للايدين من لوكستيان ، احب هالكريم حب مو طبيعي وهالحجم الكيوت جدا مناسب للشنطة .

لوشن للجسم من بالمرز بزبدة الزيتون ، شي جميل انه عندهم غير زبدة الككاو هي حلوة بس مااستحمل ريحتها ابدا 

وهالنوع افضل بالنسبة لي الريحة وااااايد حلوه بعكس زبدة الككاو .

..

كوبون خصم ١٥ بالمية من موقع لوكستيان ، وعلى فكرة الموقع صار يوصل للامارات والسعودية 

عينة عطر ميكاليف بشنطة صغيرة .

والاخير عينة عطر من كارتير ب صراحة مااعرف ليش حاطينة يعني بس اشم الورقة مثلا 

ش سوي فيها ، ماحبيت هالحركة منهم .

وبس هذا كل اللي في العلبة لهذا الشهر ، اتمنى انه الشهر القادم يكون افضل 

اذا حابة تشتركين من هنا 

وهذا كود خصم ٢٠ ٪ YOUTUBE

Review: Benefit Erase Paste Concealer || ريفيو : بينيفت اريز بيست

السلام عليكم 

ريفيو اليوم عن كونسيلر من بينيفت .. انا اجرب انواع من الكونسيلر لحد ماالقى شي يرضيني

انا مشكلتي هي تحت عيوني ، هالات وشوي داخله على داخل ، ف صعبه ، لازم كوركتر و كونسيلر يكون غامق شوي

ف تلاقوني كل مره اجرب شي جديد لحد مااحس اني لقيت شي راضيه عليه نوعا ما .. 

هالمره وقع الاختيار على كونسيلر Erase Paste ، بالنسبه لي استخدمه ك كوركتر ، لاني لازم احط كوركتر مشمشي

وبعدها الكونسيلر .. هذا ناسبني لونه جداااا ... 

-هالكونسيلر يجي ب ٣ درجات فقط .. فاتح - وسط - غامق 

انا عندي الغامق اللي هو رقم ٣ ، مناسبني جدا .. 

-العلبة فيها بلاستيكه تحمي المنتج من الجفاف ، وهذا شي ممتاز لانه المنتج كريمي .

-الكونسيلر هذا مناسب للهالات و للوجه و الحبوب .. تقيمي له بس للهالات الباقي ماجربته بصراحه .. 

-الكمية الموجوده بالعلبة كبيره وراح يطول معاك بالاستخدام . " صار لي استخدمه اقل من سنه وبعدني ماوصلت للنص "

-بالعلبة مثل ماانتو شايفين فيه اداه تساعدك انك تاخذين الكمية المناسبه بدون ماتلمسين الكونسيلر ، بالنسبه لي ماحبيتها

اصلا تطلع كمية كبيره انتي مو بحاجه لها . 

-المنتج نفسه كريمي و كمية صغيره تكفي ، ماتحتاجين وايد ، لانه اذا كثرتي راح يخطط معاك .

- لازم تثبتينه ببودره خفيفه جدا او لوس باودر افضل .

- افضل طريقة لوضعه هي : الاصبع ، لانه بحراره الاصبع يذوب الكونسيلر ويندمج اسهل ، ماحبيت الفرشه معاه لاني حسيته يبين الخطوط الرفيعه بزياده .

- جربته بالبيوتي بلندر وايضا كان حلو ، عن نفسي حبيت امده باصبعي . 

- ثباته حلو اقصى مده جربتها فيه لمده ٥ ساعات ، ف مااعرف اذا ثباته اكثر من هال٥ ساعات او لا . 

بشكل عام المنتج حلو ،انصح فيه ومناسب لشي يومي ، وفعلا يغير شكل الهالات يخففها بشكل ملحوظ 
اقتصادي 
- ممكن يعيبه شوي انه شوي سعره مرتفع ، الكميه كبيره اللي فيه وراح تطول معاك 
ف يعني اشوف انه عادي دام اني راح استخدمه لمده طويله .

السعر مو متذكره بصراحه بس كانه فوق ال ١٠٠ درهم 

وطبعا مكان تواجد ماركه بينفت في سيفورا و وجوه . 

ماسكرا مكياجي الذهبية لـ تكثيف وتطويل الرموش

السلام عليكم 

ماسكرا مكياجي الذهبية لـ تكثيف وتطويل الرموش 

22K أميزينغ مسكارا لتحديد وتكثيف الرموش

22K Amazing Volume & Define Mascara

هي ماسكرا ٢ في ١ مكثفة و رفيعة 

المنتج نفسه كريمي و الحلو فيه انه مايخلي الرموش جاف او يابسه 

حتي لو استخدمتي الماسكرا لفتره طويلة ، عجبني هالشي 

بتكلم عن الرفيعة اول :

حبيتها لانها تعطي شكل برىء للرموش .

تفتح العين اكثر وتبينها اوسع .

ثباتها حلو . 

تاخذ شويه وقت لين تجف تماما . 

حلوه انها تكون ماسكرا يوميه .

حلوه بعد للرموش السفلية . 

- الشي السلبي الوحيد انه يطلع كمية شويه من المنتج بزياده وانا امسحه قبل مااحط الماسكرا . 

المكثفة :

- تطلع كبيرة كبيييره من المنتج يكتل ويلطخ ويحوس بصراحه .

لازم تمسحين هالكمية واكتفي بشي بسيط على الفرشه وبعدها زيدي قد ماتحبين .

تعطي كثافة " وسط " انا رموشي طويلة واحب الماسكرات اللي تكثف . 

ماافضل انك تحطين اكثر من طبقة لها شوي تكثل .

+ رائي بشكل عام + 

عن نفسي افضل الرفيعة على المكثفة ، عطتني شكل حلو ، اما المكثفه عادي

بالنسبه لي ، لانها مااعطتني شكل واااو .. 

تقييمي لها بشكل عام ٣ من ٥ 

سعرها = ٧٥ درهم 

ومتوفره بكل محلات مكياجي 

Paese Opal Golden Brown

السلام عليكم 

ريفيو اليوم عن ايشدو من ماركة بايس 

الماركة عندهم كذا نوع من الايشدو وانا اخترت " اوبال " 

شنو اللي يميز اوبال ؟

اللون ساتان وناعم جدا ، والحلو فيه انه ٣ في واحد ، ٣ الوان متناسقة في علبة وحده ..

اللون اللي اخترته اسمه Golden Brown ، من الدرجات اللي احبها بصراحه وتناسب الصباح والمساء 

وماتبين انها ثقيلة ...

حجمه حلو صغير بس ترى بالصور طالع كبير ، عملي للسفر .. 

الحلو فيهم انه منتجاتهم خاليه من ماده البارابيين .. 

والمكونات الداخله في صناعه هالايشدو هي : 

 فيتامين A , C , E و جوز الهند ... ومتجاتهم لها ريحه حلوه خصوصي انهم يستخدمون اشياء طبيعه .. 

... 

الالوان جميله جدا وثباتها جدا حلو بعد وقويه ، يعني بالصوره بس مسحت مسحه على اللون وطلع معاي 

مايحتاج وايد عشان تطلع لك نفس الدرجه اللي بالعلبة ، وهذا ممتاز 

سعره ب ٤٦ درهم 

ومتوفر ب كشك المحل و لهم عده فروع في الامارات .. 

وسويت ريفيو لمنتجين من قبل من نفس الماركه 

مناكير من بايس PAESE  و  روج بزيت الارقان من بايس Lipstick with Argan oil from PAESE

موقعهم الرسمي : www.paesecosmetics.com

الفيس بوك : هنــــــــــا

الانستقرام : paese_uae

فروعهم في الامارات 

ابوظبي : مشرف مول 

دبي : دبي مول - ابن بطوطه - سنشري مول 

الشارقه : مركز صحارى - متاجر مول القوز - متاجر مول الخان 

رأس الخيمة : مول رأس الخيمة

الفجيرة : الفجيرة سيتي سنتر

Review neuLASH تجربتي مع نيولاش

السلام عليكم 

في رمضان وصلت لي عينات من هالمنتج الخاص بالرموش ، وكتبت موضوع عنه شوفوه هنااااا

وقلت بكتب تجربتي عن هالمنتج ،،، 

هو سيروم للرموش يطول ويكثف الرموش في خلال ٣٠ يوم 

طريقه الاستخدام على عين نظيفه مافيها اي ميك اب .. 

مره باليوم بالليل طبعا ، وتحطينه مثل الاي لاينر بالضبط ومره وحده وبس وتكررين هالشي لمده ٣٠ يوم ...

...

المنتج بصراحه خياااالي شوي عليه ممتاز وفوق البطل بعد ....

في رمضان بس وخلاص ١٥ يوم حسيت بالفرق وفي رمضان ماكنت احط ميك اب ابدا 

حطيت يوم العيد وانصدمت من شكل رموشي بالماسكرا شي خياااالي وربي ، رموش طويله وحلوه 

وفيها كثافه شوي من المنابت ، بس الطول فرق ويبين ، حتى بدون الماسكرا اشوف الفرق 

الرموش نفسها اطول وترتفع فوق من نفسها بدون اي شي ، وهالشي حبيييييته جدا جدا ،، 

بس فيه شي فيه فترات احس بشي مو مرتاحه فيه من عيني مو الم بس تضايقني وتدمع كثيررر 

وهالشي همم منبهين عليه انه ممكن يصير ، انا حسيت بهالشي ٤ او ٥ ايام وبعدين عادي جدا 

..

خلصت طبعا الشهر ، وتعمدت اني اوقف ابي اشوف هل رموشي تطيح او شي او احس باختلاف ، ماحسيت بشي

وكل شي طبيعي ، جدا .... 

....

هم ينصحون باول شهر تستخدمينه لمده ٣٠ يوم 

الشهر الثاني يوم ايه ويوم لا ..

الشهر الثالث مرتين في الاسبوع 

تقيمي له ١٠ من ١٠ 

ممتااااااااز ممتاااااز 

+ المنتج غالي وسعره الحجم الصغير ب ٤٥٥ درهم 

والكبير ب ٧٩٥ درهم 

ويوصلون لاي مكان ... 

هذا موقعهم www.neu-cosmetics.com/ar

Review Revlon Double Twist Mascara

Review Revlon Double Twist Mascara

السلام عليكم 

ريفيو سريع لماسكرا دبل توست من ريفلون 

الفرشه غريبه وجديده وهالشي هو اللي شدني لهالمنتج 

الفكره = فرشه ماسكرا عاديه + فرشه ماسكرا بلاستك 

حسيت انها ممكن تكون حلوه وتعطي مفعول رائع 

الايجابياااات 

للاسف الشديد مافيه ولا شي 

لانها من اسواء الماسكرات اللي جربتها واستخدمتها بحياتي 

كل شي فيها سييء 

..

العيوب :

- حجم الفرشه كبير و صعب انها تطلع من العلبه عشان الاستخدام 

- الفرشه البلاستك اللي لونها احمر تدخل بالعين يعني لازم اكون حذره جدا خصوصي انا البس عدسات

- تلطخ شوي وبعد فتره الاقيتها تتفتت وتنزل اجزاء منها على الوجه 

- المنتج صعب ازالته من الرموش ومتعب خصوصي انها ضد الماء وهالشي متعب اكثر 

- اول مااحطها حلوه وترفع الرموش بس بعدها فتره مااحس اني حاطه ماسكرا من الاساس 

Review : Loreal Extraordinary Oil

السلام عليكم 

مراجعه زيت لتجميل الشعر من لوريال

Review : Loreal Extraordinary Oil

زيت للشعر من لوريال متكون من ٦ زيوت مستخلصة من زهور نادرة 

زيت ممكن استخدامه بشكل يومي او بعد كل شور خفيف جدا وغير دهني ، ريحته حلوه .

فيه نوعين منه النوع اللي معاي وهو لجميع انواع الشعر ، وفيه نوع للشعر المصبوغ ولون العلبه احمر .

ممكن استخدامه على الشعر الرطب او الجاف ، انا افضله على الشعر الرطب احطه على شعري 

من نهايه اذني الي نهايه الشعر وازيد الكميه شوي على الاطراف بحكم انه اطراف شعري جافه والفروه دهنيه

فابد مااقربه على الفروه ، بس ممكن اللي شعرها جاف ينفعها خصوصي انه مو دهني ابدا 

فماراح يزيت شعرها . 

وممكن استخدامه كزيت للشعر كامل قبل الشور ، بس انا بصراحه ماجربت هالطريقه ومكتفيه فيه بعد الشور 

لانه يعطيني نتيجه حلوه وعاجبتني . 

تاثيره جميل جدا على الشعر يعطي لمعه حلوه حيويه وصحيه .

انا اشتريته في فبراير و الحين احنا في ديسمبر وعلى قد استخدامي له بعدي ماوصلت الى نص العلبه تقريبا 

وصلت الى عند كلمه جديد ، المنتج اقتصادي جدا ويطول معاك ، فنقطه تحسب له . 

العلبه جدا جميله وانيقة مصنوعه من الزجاج ، بس طبعا العيب الوحيد في المنتج هو لانه زجاج وصعب التنقل فيه بالسفر .

سعر العلبه تقريبا = ٤٤ درهم .