مجموعة Hydrabio من بايوديما الخاصة بالبشرة الجافة

مجموعة Hydrabio من بايوديما الخاصة بالبشرة الجافة 

السلام عليكم 

البشرة الجافة متعبة جدا بالعناية ، لانها تحتاج عناية مستمرة وتستمرين على جدول صباحي ومسائي

من قبل كتبت موضوع عن البشرة الجافة وشلون نحل شوي من مشاكلها .. 

مجموعة اليوم اللي هي مجموعة  Hydrabio " هايدرابو "من بايوديما الخاصة بالبشرة الجافة ،

كانت وصلتني من علبة قلام بوكس ، وصل لي السيروم بالحجم الكامل و ٣ عينات صغيرة .. 

حبيت اجربهم واكتب رائي فيهم خصوصي انه بشرتي حاليا جافة اكثر مع تغير الجو ، انا بشتري مختلطة الى جافة

بس مناطق الجفاف زادت في هالوقت من السنة ..

اول منتج هو السيروم Hydrabio Serum :

طريقة استخدامه على وجه نظيف نحط منه شوي على كل البشرة ، يعطي ترطيب عميق وفوري ..

بسرعة الوجة يتشربة وهذا اهم شي لانه يدخل داخل الشرة ويرطبها .. قوامة جل وخفيف جدا 

والحلو فيه بعد انه باااارد على البشرة ، لانه للبشرة الجافة واللي غالبا تكون حساسة ومتهيجة هذا راح يبرد البشرة

وانا عششششقت هالمنتج جدا جدا ناسبني وناسب بعد اختي اللي بشرتها شديدة الجفاااااف ..

حبيته وممكن ارجع اشتريه اذا خلصته .. 

وهذا شكل السيروم شفاف .. 

..

واخر منتجين عندي من المجموعة .. مرطب النهار مع واقي الشمس و كريم مرطب :

اول شي كريم النهار مع حماية ٣٠ من الشمس ، من احلى الكريمات المرطبة اللي فيها واقي شمس ..
مافيه طبقة بيضا على الوجة بعد استعمالة ، الكريم مرطب حلو والبشرة تتشربة بسرعة ، ويعطي احساس وملمس حلو جدا 
مناسب لوحدة او قبل المكياج .. 

كريم الترطيب المكثف شوي ، هذا مناسب للبشرة الجافة الى شديدة الجفاف .. 
رااااااائع على انه كريم وشوي ثقيل الا انه مايعطي احساس باللزوجة او انه شي ثقيل ويقمت البشرة ، بالعكس كريم يرطب البشرة بشكل جميل جدا والبشرة تتشربة بسرعة .. مناسب يوميا سواء نهار او ليل لكن انا فضلته لبشرتي في فترة العناية الليلية لاني ابي بشرتي تترطب .. 

اللي على اليمين هذا كريم النهار وشوي لونه وردي ، والثاني كريم الليل 

..

فيه منتجات ثانية من نفس المجموعة لكن انا ماعندي اي منتج غير اللي جربته .. 
المجموعة جدا ممتازة حبيتها بصراحة وماعندي اي مشكلة اشتري هالمجموعة كاملة لانها تستاهل ..


...

November glambox 2015 | علبة قلام بوكس لشهر نوفمبر ٢٠١٥

November glambox 2015 | علبة قلام بوكس لشهر نوفمبر ٢٠١٥

السلام عليكم 

العلبة الجميلة قلام بوكس ، ماشاء الله وصلنا الى نهاية السنة ، باقي شهر وان شاء الله

تكون سنة حلوه و السنة الجاية احلى باذن الله ، اتمنى انكم تكونون حققتوا كل امانيكم واحلامكم 

وابدوا بالتخطيط للسنة القادمة ، وان شاء الله تكون سنة انجاز 

..

نشوف علبتنا ل شهر نوفمبر 

اجمل تصميم شفته لهم ياليت لو يعتمدونة لهم لانه ناعم و راقي جداا، جدا عجبني التصميم حييييل 

ونشوف محتوياتها 

مجموعة عناية جديدة من بايوديرما ، مجموعة خاصة بالترطيب القوي للبشرة الجافة جدا ، حبيت انهم اضافوا شي جديد

وهالنوع لانه جديد حلو الواحد يجربه قبل مايشتري الاحجام الكبيرة .. 

وبايودرما اول مره ينزلون شي خاص بالبشرة الجافة .. 

الحجم الكبير هو سيروم للترطيب 

وهذي عينات 

من اليمين كريم للترطيب مع حماية من الشمس ٣٠ 

اللي بعده سيروم للترطيب نفس الحجم الكبير 

الاخير كريم مرطب للبشرة الجافة الى الجافة جدا .. 

ان شاء الله تكون مجموعة حلوه واكيييد راح اكتب رايي فيها اول مااستخدمها 

...

تونر للوجة بالصبار من ذا بودي شوب ، مناسب للبشرة الحساسة ، بصراحة احتاج لتونر جديد 

...

عطور من الرصاصي ، تيستر عطرين جاذبية 

حبيت انهم اضافوا ماركات جديدة ، خصوصي الرصاصي بما انها ماركة قديمة ومعروفة 

...

زيت للاظافر ، الماركة جديدة على فيه فيتامين اي و زبدة الشيا 

احس هالشي ممتاز يكون عن كل بنت لانها لازم تهتم ب الجلد اللي حلو الاظافر 

...

وهذي كوبونات خصم ، كل علبة يكون فيها كوبونات ، وحبيتهم هالمره ..

وبس هذا كل اللي كان بالعلبة 

اذا حابه تشتركين بهالعلبة الجملية من هنا