ماسك الفحم من ديرمالوجيكا Charcoal Rescue Masque

ماسك الفحم من ديرمالوجيكا  Charcoal Rescue Masque 

ماسك الفحم من ديرمالوجيكا  Charcoal Rescue Masque 

السلام عليكم 

ماركة ديرمالوجيكا من الماركات المحببة جدا لقلبي ، استخدمها من سنين وفعلا شفت تغيير جميل جدا على بشرتي الحمدلله . ماسكات الفحم معروفه بفوائدها وماشاء الله بالفترة الاخيرة منتشرة في كل الماركات ،صار لي فترة طويلة وانا استخدم هالماسك ووايد حابته




 ماسك بالفحم يقشر وينظف البشرة .. يزيل السموم الدهون والشوائب - ينور الوجة مع الاستخدام المتكرر

فيه نوعين من التقشير العادي و الكيميائي الكيميائي بتحسون فيه مع الاستخدام المتكرر .. .

طريقة الاستخدام :
يمد على كامل الوجة ولمدة ٣-٥ دقايق " ممكن تحسين ب لسعات او قرص - بس بعد كم دقيقة يختفي "




بعدها نبلل الأيدين بشوي ماي ونبدأ نقشر البشرة  نشف الماسك وتبين حبيبات التقشير , هالحبوب تساعد في التقشير القوي للبشرة ، وبعدها نغسل الوجة عادي .

- الماسك يترك البشرة ناعمه جدا
- يشيل كل الدهون من البشرة
- ينظف المسام بشكل جميل جدا
- يشيل الجلد الميت 

 يخلي البشرة بعد الاستخدام شوي حمرا بس بعد ١٠ دقايق يروح اللون


من افضل ماسكات الفحم المقشرة بالنسبة لي 👏🏻 يستاهل التجربة 👏🏻👏🏻👏🏻


 مناسب للبشرة العادية والدهنية

 ماانصح فيه ابدا للبشرة الحساسة والمتهيجة
لانه قوي جدا جدا ، انا بشرتي مختلطة الى دهنية ، ف ناسبني اقدر استخدمه مره بالأسبوع او مره كل اسبوعين

 بعد ماسك الفحم لاززززززم ترطيب قوي ، مممكن تستخدمين ماسك مرطب للبشرة 

ماسك الفحم من اورجنز || origins clear improvement active charcoal mask

ماسك الفحم من اورجنز || origins clear improvement active charcoal mask

السلام عليكم 

انتشرت بالفترة الاخيرة ماركة Origins وصاروا البنات يطلبونها اكثر واكثر بس للاسف الشديد انه الماركة

مو موجودة عندنا .. بس نقول ان شاء الله قريب يوفرونها لنا .. 

بتكلم عن ماسك الفحم واللي اشتهر هالفترة بزيادة .. وبكل صراحة اعجبني وعرفت شنو السبب !!

هالماسك ينقي وينظف البشرة من الدهون ، يشيل كل الدهون الزايدة ويخلي شكل البشرة افضل لانه اذا البشرة دهنية 

وتراكمت الدهون راح تتكون عندنا حبوب صغيرة وبعدها ممكن يكبر ونبدا في مشاكل ثانية ف الافضل العناية المستمرة

وتنظيف البشرة بشكل عميق كل اسبوع .. 

الماسك اهم مكون فيه هو الفحم ، والفحم معروف انه من افضل المكونات اللي تحارب الدهون .. 

طريقة الاستخدام علي بشرة نظيفة تحطين كمية حلوه على كامل وجهك لمدة من ٥ الى ١٠ دقائق او الى ان يجف 

وبعدها تغسلين وجهك وتشيلين الماسك كله .. 

اول ماتحطينه عادي ممكن يحرق بعض البشرات الحساسة والبعض عادي جدا .. بس تحسين بلسعة خفيفة لمدة كم ثانية بس وبعدها خلاص تختفي .. اذا بدا يجف الماسك راح تحسسين بشرتك مشدوووودة جدا وهذا احلى شعور وقتها اصلا

ماتقدرين تتكلمين زين او تسوين اي تعبير بوجهك .. 

النتيجة حلوه بصراحة بشرة نظيييييييفة وخالية  من الدهوووون ماتشوفين اي لمعة بالوجة بس مايجفف الى درجة الجفاف الشديد .. هو يشيل كل الدهون ويترك البشرة نظيفة من الداخل ينظف المسامات بشكل جدا حلو .. 

اذا كانت بشرتك جافة جدا ماافضلة لها ، اما اذا مختلطة حطية على الاماكن الدهنية فقط .. واذا بشرتك دهنية فهو افضل ماسك ممكن تستخدمينة بشكل اسبوعي .. 

انصح فيه وبشدة .. 

الماسك اللي عندي بالحجم الصغير وكان مع مجموعة ماسكات بجربها واقولكم رائي عنها بعد التجربة .. 

Caudalie Instant Detox Mask

Caudalie Instant Detox Mask

السلام عليكم 

كودالي من الماركات الجميلة جدا واللي بدت تنتشر بالخليج اكثر واكثر ، هي ماركة فرنسية 

تعتمد على المنتجات النباتية في صناعة منتجاتها ، وفي كل منتجاتها يستخدمون العنب 

العنب نفسه او الورق الساق البذور ، جربت كذا شي من منتجاتهم وابدا ماخيبتني 

اليوم بكتب عن ماسك من مجموعتهم الجديدة ، من فترة نزلوا ٤ ماسكات للوجة وكل واحد له مفعول غير 

بتكلم عن واحد منهم اليوم والباقي بعدين ، لحد الحين تحت التجربة .. 

..

 Instant Detox Mask

ماسك ينظف وينقي الوجة 

مكونات الماسك : الطين الوردي - القهوه - العنب - مستخلص البابايا 

طريقة الاستخدام : 

تاخذين كمية صغيرة من الماسك وتمدينها على كامل الوجة  " ماعادا العيون طبعا ، وخليه من ٥ الى ١٠ دقايق . 

بعدها اشطفيه بماي ، ورطبي وجهك بمرطبك اللي انتي تستخدمينة . 

يستخدم مرتين بالاسبوع .

الماسك بسرعة يجف على البشرة ، وبتلاحظين انه تغير لون الماسك الوردي وصار وردي فاتح .

الماسك يشد البشرة ، وهذا شي ممتاز . 

اذا جف الماسك راح تشوفين نقط ، هذي هي الدهون اللي اطلعت من السامات ، ترى شعور جميل تشوفين هالدهون تطلع من البشرة ، عشان تنظف وتتنفس . 

نوع بشرتي : مختلطة  الى جافة  ، دهنية في التي زون وباقي الوجة جاف ، وحساسة جدا .

+ الماسك يقلل ويصغر المسامات اذا استمريتي عليه . 

+ ينقي الوجة من الدهون الزايدة .

+ يعيد توازن الدهون في البشرة . 

+ مناسب لجميع انواع البشرات .

+ نعومة مع الاستعمال .

+ اذا بشرتك حساسة ، هالماسك راح يناسبك لانه ابدا ابدا مايهيجها ، ولا فيه حرارة قوية اللي ممكن تاذي البشرة الحساسة . 

+ تنظيفة ممتاز ولا يترك البشرة جافة بعد الاستخدام . 

+ سريع وسهل في الاستخدام .

+ حلو استخدامة قبل اي مناسبة مهمه .

+ ممتاز للبشرة الدهنية واللي فيها حبوب . 

+ سعره حلو وكميته كبيرة ، اصلا ماتحتاجين كمية كبيرة ، في كل مره تستخدمينه . 

+ مدة صلاحيته هي ٩ شهور من تاريخ الفتح . 

+ العلبة جميلة وانيقة ، الغطا الخشب انيق جداااا . 

+ كودالي ماتجرب منتجاتها على الحيوانات ، ولا تدخلها في صناعة منتجاتها .

سعره = ١٣٨ درهم 

ومتوفر في صيدليات ابن سينا و سيفورا " مارينا مول - ذا بيتش - مول الامارات "

مشتريات و تجارب من لش | Lush Haul & Review

مشتريات و تجارب من لش | Lush Haul & Review 

السلام عليكم 

مساء الدلع ، كل نفس لها حق تتدلع باي طريقة كانت ، واليوم مسانا دلع مع منتجات حلوه من محل لش .. 

مشترياتي وتجاربي مع منتجات من لش ، حبيت اشاركم فيها عشان تستفيدون منها ، وانتوا بعد فيدوني باي شي 

جربتوه وحبيتوه من هالمحل المميز .. 

RUB RUB RUB

 جل مقشر للجسم بملح البحر .. يقشر الجسم بطريقة لطيفة اذا استخدمتيه وانتي تحت الشور ، وممكن استخدامه بتاثير اقوى اذا كان جسمك جاف اخذي كمية صغيرة منه وقشري جسمك فيه وبعدها اغسلي جسمك تحت الشور ، راح يعطيك نتيجة جدا حلوه ، وعلى كلامهم ممكن استخدامه للشعر 

بس مستحيل استخدمه لشعري .. احسه قوي على فروة الراس .. 

ريحته حلوه ومنعشة ، والملح والليمون يساعدك على توحيد لون الجسم ..

سعره ب 100 درهم ، ويتوفر بحجم واحد بس  

EAU ROMA WATER 

سبرية الوجة بالورد واللافندر " خاص بالبشرة الجافة "  اخذته لاني كنت ادور على تونر لبشرتي ونصحتني فيه ..

جربته كم مره خفيف جدا على البشرة وماتحسين انه تونر قوي وممكن يحسس او يهيج بشرتك ، لانه ممتاز للبشرة الجافة والحساسة يخفف من التهيج .. عجبتني لانه عندي منطقة الخدود دائما جافة وحساسة مااقدر استخدم اي شي لانها تهيج وتحرقني في بعض الاوقات .. 

المنتج هذا موجود بحجمين  : صغير ١٠٠ غرام ب ٤٥ درهم " هو اللي عندي " والكبير ٢٥٠ غرام ب ٩٠ درهم .

شامبو Rehab 

صديق الشعر الدهني ، اعشششششقة ولا استغني عنه ابدا ابدا ، لانه شامبو منقي للشعر الدهني ، استخدمه مره في الاسبوع ، ومناسب جدا قبل اي مناسبة لانه يخلي الشعر نظيييف تماما وحلو مع السشوار .. 

وكتبت عنه ريفيو هنا ممكن تشوفونه .. انصح فيه وبشدة 

وفيه منه ٣ احجام الصغير ١٠٠ غرام ب ٦٣ درهم ، الوسط ٢٥٠ غرام ب ١٢٦ درهم ، الكبير ٥٠٠ غرام ب ١٩٠ درهم .

Angels on bare skin 

منظف ومقشر خفيف للبشرة ، شكله غريب صح ! .. هالمنظف ممتاز للبشرة المختلطة الى الجافة ، والحساسة بعد ، فيه زيت اللوز و اللافندر و الورد .. 

طريقة استخدامه : تاخذين قطعه صغيره منه وتبللين ايدك بشوية ماي وبعدها لين ماتذوبين القطعة اللي اخذيتها وراح يتكون عندك سائل وتغسلين وجههك فيه بشكل دائري عشان تقشرين الوجه بنفس الوقت .. 

خفيف ولطيف جدا على البشرة مايحسسها او يهيجها ، بعد ماتغسلين وجههك بالمقشر راح تحسين بوجه مترطب .. 

موجود بحجم واحد ١٠٠ غرام ب ٧٣ درهم .

Full of Grace 

بالبداية بتشوفون كآنها صابونه بس لا ، سيروم للبشرة بس على شكل صابونه ، ممتازه للبشرة الجافة والحساسة ، وتناسب البشرة المختلطة ، هالشيء الجميل تسوون فيه مساج للبشرة ويعطيها نعومه حلوه ، ممكن تستخدمون كميه قليله قبل المرطب الخاص فيكم ، او ممكن قبل اي ماسك للوجه .. 

طريقة الاستعمال تذوبينها شويه على ايدك وبعدها تسوين مساج لوجهك .. او تاخذينها كلها وتمررينها على وجهك وهي راح تذوب بسرعه .. ماانصحك تكثرين منها لانك راح تلمعين ، كميه بسيطها منها تكفي والبشرة تتشربها بشكل حلو .. 

من مكونات السيروم الفطر ، بس ريحته حلوه ..

لازم تحفظ بمكان جاف ، لانها راح تذوب .. 

السيروم ب ٩٥ درهم وحجم واحد فقط .. 

soft Coeur 

زبدة تدليك للجسم ..غنية بزبدة الككاو ، وبكل صراحة انا اكرهه زبدة الككاو عشان ريحتها مااقدر اتحمل الريحة بس فوايدها عجيبة للجسم ، الحلو ب هالشي اللذيذ انه شي سريع ، تاخذين هالزبدة وتدلكينها على جسمك وتبدا تذوب ، حلوه بعد الشاور وترطيبها غني ، صراحه الريحه تخف وماتكون واضحة بزيادة .. هذا اهم شي بالنسبة لي ، عجبني ترطيبها جدا .. 

سعر هالشي الجميل ب ٦٠ درهم .

 Sandstone 

طبعا لش مشهورين ب انواع وايد من الصابون ، اشكال وروايح عجيبه ، كل نوع يناسب شي معين ، انا هالصابونه اخذتها من قبل وجدا جدا حبيتها رجعت اخذتها من جديد ، صابونه تنظف الجسم من قلب مع تقشييير حلووو جدا .. احب تقشير هالصابونه لانه يطلع الشعر اللي تحت الجلد ، هالشي حببي فيها .. 

احب ريحتها ليمون مع زنجبيل .. والشي المميز ب هالصابونه موجود في اسمها ، المقشر اللي بالصابونه هذي عباره عن رمل ، ف يقشر الجسم ويعطي نعومه حلوووه .. جربوها .. تستاهل بصراحة .. 

الصابون تاخذين بالحجم اللي انتي تبينه ، تقريبها هالقطعه ب شي و ٦٠ درهم .

 Catastrophe Cosmetic 

ماسك بخلاصة التوت الازرق ، هذا الماسك طبيعي ولازم ينحظف بالثلاجة وصالح للاستخدام لمده ٣ اسابيع 

فيه التوت الازرق وزيت اللوز و البابونج ، مناسب انه يهدي البشرة 

طريقة الاستخدام : 

تمدينة على بشرتك ماعادا العيون طبعا و تتركينه من ٥ الى ١٠ دقائق ، 

استخدمته مرتين ، وبكل صراحه ماعجبني ابدا .. اولا ماينمد زين على الوجه يتكتل ويحوس الدنيا ..  مع انه شكله تحسين انه راح ينمد بطريقة حلوه بس لا .. 

والشي الثاني انه بشرتي تحسست منه و اطلعت لي حبوب اول مره اشوفها .. وفي اماكن مااطلعت لي حبوب فيها من قبل ..

ماحبيته بصراحه .. ولا انصح فيه .. ممكن الانواع الثانية تكون حلوه بس هذا لا .. 

وسعر الماسك ب ٦٠ درهم . 

وبس ، شاركوني تجاربكم ب منتجات من لش .. 

Skin Republic ماسكات

السلام عليكم

ريفيو اليوم عن ماسكات من شركة جديدة اسمها Skin Republic

ارسلوا لي نوعين اجربهم واكتب رايي عنهم

الاول ماسك للرقبة ، اول مره اشوف احد يهتم ويسوي ماسك للرقبة دايما مهملينها

Neck + Decolletage Repair 

- طريقة الاستعمال يكون على بشره نظيفة ومغسوله .. تحطينه لمده ٢٠ دقيقه .. السائل الباقي ممكن تحطينه على كتفك 

لانه ماشاء الله السائل اللي بالمغلف واايد .. 

- اول ماحطيته كان باااااااااارد بارد بارد بارد ، وبعد دقيقتين حسيت بحكه ومثل الشي اللي يلسعني ، كنت بشيله بصراحه

بس خليته قلت بكمل كم دقيقه اذا استمرت الحكه بشيله شوي وبعدها صار عادي ، كملت فيه الى ٢٠ دقيقه وشلته .. 

+ بصراحه ماحسيت بشي وااااو ، لا بشرتي مترطبه وشوي مشدوده ، شي خفيف جدا .. 

+ هو غالبا ينصحون بالماسك مرتين بالاسبوع ولمده شهر عشان تشوفين النتيجه .. 

...

الثاني خاص بشد الوجة  Platinum Lift

طريقة الاستعمال .. على وجه نظيف تحطين الماسك لمده ١٥ - الى ٢٠ دقيقه .. وبعدها تشيلينه ، اي سائل يبقى

استخدميه لرقبتك .. لانه الكميه كبيره ..

+ نفس الاحساس بماسك الرقبه ، بارد وبعدها بدا وجهي يحكني وشي يلسع تقريبا دقيقه وبعدها خلاص اختفى الاحساس.. 

+ اللي عرفته ومن خلال بحثي يعني انه الماسك بدا مفعوله على البشره ، بس انا بشرتي حساسه واخاف عليها 

بس ماسبب لي اي حساسيه ولله الحمد 

+ بس بعد ماشفت نتيجه خياليه ، لا والله بشره مترطبه ... 

+ ممكن اذا جربت الماسك لمده شهر يعني فيه فرق بالنتيجه 

بس صراحه مااتوقع اني بجربهم مره ثانيه ، لاني ماشفت اي تغيير غير الترطيب .. 

...

الماركه عندهم ماسكات متنوعه ... اغلبها للوجه طبعا بس عندهم لليد والقدم بعد ، ممكن تتطلعون عليهم من موقعهم 

theskinrepublic.com

الماسكات متوفره في صيدلية بوتس وتقريبا ب حدود ال ٢٠ درهم للماسك الواحد 

ماسكات من Montagne Jeunesse + هدية لمتابعاتي

السلام عليكم 

من فترة راسلتني شركة Montagne Jeunesse  عشان اجرب منتجاتهم واكتب عنهم ريفيو 

قريت عنهم بالبدايه وحبيت فكرتهم خصوصي اني دايما اشوف منتجاتهم بس 

ماجربت ولا شي منها ،، منتجاتهم طبيعيه وخاليه من اي مواد ضاره وماتجري

تجاربها على الحيوانات وهالشي جميل جدا 

وبصراحه اعجبني هالشي وقبلت فيه ، وماقصروا ارسلوا لي ماسكات تناسب بشرتي بعد مااسالوني وش نوعا ، 

و وصلت لي الماسكات بهالشكل الجمييل 

العلبه جميله جدا ، وفعلا هديه حلووه .. حبيت اهتمامهم بالتفاصيل 

ارسلو لي ٥ اشياء ... ٤ منهم ماسكات و الاخير لصقات للانف ... 

ماسك بزيت الزيتون والشيا - ماسك بالرمان وزهره الباشن - وماسك لتبييض البشره - و ماسك بالككاو الابيض 

....

بجربهم باذن الله وبكتب رايي الصريح فيهم ومابجامل باي حرف ... 

......

نجي للهديه الحلوه اللي قدموها لمتابعااتي 

بتوصلك بكيس جميل منهم ، وفيه ٥ انواع من الماسكات ..

ماسك حراري ضد الاجهاد - ماسك بالملح والطحالب - ماسك بالصبار - ماسك بالطين - والاخير ماسك بالفواكه 

...

عشان تربحين هالماسكات كل اللي عليك انك تسوينه :

١- الاشتراك بالمدونه عن طريق الضغط على المستطيل الازرق وتابعي التسجيل 

٢- تسوين لايك على صفحتهم بالفيس بوك MontagneJeunesseUAE

٣- تكتبين رد هنا وفيه اسمك اللي اشتركتي فيه بالمدونه واسمك بالفيس بوك 

وبس 

اخر يوم للاشتراك تاريخ ٢٧ / ١٠ 

و بعلن النتيجه بتاريخ ٢٨ / ١٠  

مشتريات بسيطه من بودي شوب

السلام عليكم 

يوم الخميس كنت في دبي مول واتمشى بدون اي هدف " مشكلتني اذا ماعندي هدف امشي واشتري " 

وطبع ابي اتخلص منه ، اصلا اصلا مو محتاجه اي شي شريته ، بس خلاص شريته 

وناويه مااشتري شي هالفتره واستخدم اللي عندي وبسوي موضوع عن هالشي قريب 

المهم الحين ماعلينا نشوف وش شريت 

..

اول ما دخلت المحل وحاطين بوجهي ستاند كامل للمنتجات الجديده 

واللي اهمهاااا مجموعه زيت الارغان ، المجموعه كبيره صراحه ومنتجات جديده فيه اشياء موموجوده بباقي المجموعات

منها الزيت الصلب . 

اخذت شييئين من هالمجموعه - زبده الجسم انا اعشق هالشي من عندهم 

- والمقشر جربته عندهم بالمحل ورائع بصراحه حبيته حبيته حبيته

المجموعه رائعه والريحه شي شي شي ماادري شلون اوصفها بس جربوها وبتحبونها اكيييييد 

وانا لو ماعندي كريمات وحوسه كان اخذت المجموعه كامله ، تستحق الاقتناء 

هالمجموعه ومجموعه الشيا اقدر اقول انهم التوب عندي من محل بودي شوب 

الزبده والمقشر ب ٧٥ درهم للواحد 

....

اخذت لفيه للوجه او اسفنجه مقشره للوجه " حبيتها ، استخدمتها امس وروعه " ب ١٦ درهم 

واخذت نوعين من الماسك للوجه شي جديد بس موجودين عند الكاشير بجربهم واكتب راي عنهم . الماسك الواحد ب ٥ دراهم 

وهذي كل مشترياتي 

المفروض ماانزل اي موضوع مشتريات 

بس فيه موضوع جاي اشياء شريتها من قبل ولا حطيتها 

ف بحطها بموضوع واحد قريب .