DIY زيت بالمسك للجسم

السلام عليكم 

آحب المسك بكل وقت خصوصي مسك عبدالصمد القرشي ، بارد ناعم انيق وريحته ريحه نظافه 

كان باقي عندي بالعلبه شوي منه ، بس مايطلع معاي لانها جمد شوي بس فكرت اني استخدم الباقي 

نشوف شلون 

نحتاج مسك - اي زيت عندك والافضل مايكون معطر عشان ماتختفي ريحه المسك 

و عود اسنان 

.. 

اول شي ناخذ عود الاسنان ونحاول نحرك المسك اللي جامد شوي 

..

ونصب الزيت ونحركه مره ثانيه بالعود 

وخلاص ، بس نخليه لكم يوم لين مايتشبع الزيت بريحه المسك ، وبعدها استخدميه مثل ماتحبين 

وتظل الريحه حلوه وثابته ، 

ويسعد لي مسائكم بريحه المسك الجميلة 

Review : Loreal Extraordinary Oil

السلام عليكم 

مراجعه زيت لتجميل الشعر من لوريال

Review : Loreal Extraordinary Oil

زيت للشعر من لوريال متكون من ٦ زيوت مستخلصة من زهور نادرة 

زيت ممكن استخدامه بشكل يومي او بعد كل شور خفيف جدا وغير دهني ، ريحته حلوه .

فيه نوعين منه النوع اللي معاي وهو لجميع انواع الشعر ، وفيه نوع للشعر المصبوغ ولون العلبه احمر .

ممكن استخدامه على الشعر الرطب او الجاف ، انا افضله على الشعر الرطب احطه على شعري 

من نهايه اذني الي نهايه الشعر وازيد الكميه شوي على الاطراف بحكم انه اطراف شعري جافه والفروه دهنيه

فابد مااقربه على الفروه ، بس ممكن اللي شعرها جاف ينفعها خصوصي انه مو دهني ابدا 

فماراح يزيت شعرها . 

وممكن استخدامه كزيت للشعر كامل قبل الشور ، بس انا بصراحه ماجربت هالطريقه ومكتفيه فيه بعد الشور 

لانه يعطيني نتيجه حلوه وعاجبتني . 

تاثيره جميل جدا على الشعر يعطي لمعه حلوه حيويه وصحيه .

انا اشتريته في فبراير و الحين احنا في ديسمبر وعلى قد استخدامي له بعدي ماوصلت الى نص العلبه تقريبا 

وصلت الى عند كلمه جديد ، المنتج اقتصادي جدا ويطول معاك ، فنقطه تحسب له . 

العلبه جدا جميله وانيقة مصنوعه من الزجاج ، بس طبعا العيب الوحيد في المنتج هو لانه زجاج وصعب التنقل فيه بالسفر .

سعر العلبه تقريبا = ٤٤ درهم .