November 2014 Glambox

السلام عليكم 

رجعنا من جديد ، هالمره ولاول مره العلبه توصل لي بسرعه وصلت لي الجمعه ، 
وهالمره البوكس برعايه محل ذا فيس شوب ، وجتني دعوه احضر الاعلان عن محتويات البوكس في مول الامارات
بس للاسف ماقدرت احضرها ، بس ان شاء الله في المرات الجايه ، 

حبيت انه هالمره البوكس كامل لمحل معين ، نشوف وش محتوياته 

اول مانفتح العلبه فيه بروشورات وخصومات 
وهالمره خصم ١٥٪ من محل ذا فيس شوب 

..

- ماسك بالصبار وهذا الحجم الاصلي وسعره ب ١٥ درهم 

- المغلف اللي باللون الابرتقالي سامبلز مجموعه خاصه بالحمايه من الشمس 

..

- مجموعه تبيض تونر ولوشن وسيروم 
- كريم للايدين ب انواع التوت ب ٢٥ درهم " حجمه جميل للشنطه "
- مرطب للشفايف بزبده المانجا وبريحه الرمان ب ٤٠ درهم 

..

المنتجات حلوه بس استغربت ماحطوا شي من مكياجهم 
مع انه فيه اشياء حلوه ، بس ماعليه حلو نجرب شي جديد 

لانه اصلا المحل جميل جدا 

..
وبس هذا كل شي في العلبه ... 

اذا حابه تشتركين بهالعلبه الجميله من هنا سجلي واختاري المده اللي تبين تسجلين فيها ٣ او ٦ شهور او لمده سنه 

من هنااااااااا

..

عندي كود خصم  ٢٠٪ هديه مني لكم 

TWu93raj6T

...

Favorite Lipsticks

السلام عليكم 

حبيت احط لكم ارواجي المفضله ، احب هالدرجات واستخدمهم دائما ، واستخدامي لهم للمساء او في المناسبات

٤ منهم الوان غامقه ولون وحيد فاتح 

من اليمين :

١- روج جميل جدا من محل The face shop وميزه هالروج انه روج ومرطب بنفس الوقت " من داخل الروج فيه بالوسط مرطب " وثباته وسط .

٢- روج احمر رائع جدا من ميك اب فور ايفر واخذته لاني كنت ادور هالدرجه من الاحمر حتى الموظفه هناك نصحتني فيه وانه من الافضل اللي عندهم روج احمر كريمي بس رائع جدا . 

٣- روج عنابي غامق جدا ويعتبر من اغمق الدرجات اللي عندي واحبه في بعض اللوكات ، روج من ريفلون من كلر ستي

ميزه هاللاين ثبات عالي احط منه واخليه شوي وبعدها ينشف ويثبت لانه اول شي يكوون كريمي بزياده بس المهم ينشف عشان يعطي الثبات المطلوب .

٤- هالروج من ريفلون يعتبر مات ومن احب الارواج على قلبي ، واللاين هذا المات من ريفلون رائع عندي ٤ الوان منه وناويه اجيب الباقي كله ، الثبات حلو بس مع الاكل يبدا يروح ، وكثير يقارنونه ب رشن ريد من ماك يعتبر بديل رخيص له .

٥- لون لحمي على نيود مااعرف اوصفه بس احبه جدا سواء لشي يومي او لميك اب للمساء ، وثباته حلو نفس اللي قبله . 

* هنا الدرجات والارقام 

* وهنا السواتشز لكل الدجات " شوي الالوان غير بالصوره عن الطبيعه "

الالوان جدا جميله خصوصي على الشفايف ممكن تجربونهم بالمحل قبل الشراء وانصح فيهم كلهم .