أرواج مكياجي Mikyajy 22k
السلام عليكم
أرواج من ماركة مكياجي ، دائما اسمع مدح حلو على ارواجهم ، صراحه مااذكر اذا جربت الارواج من قبل ...
قبل من زمااان حيل كنت مجربه الكحل والايشدو ..
عندي روجين منهم الاول مطفي والثاني شيمري شوي ..
- 22K Charming Matte Lipstick
- 22K Celestial Metallic Finish Lipstick
...
بتكلم عن الروج المات او المطفي اول :
لون وتركيبة رائعه جدا ، هالروج صار من مفضلاتي ، الدرجة جميله جدا واحسها تناسب جميع درجات البشرات ..
تركيبة غنية مع انها مطفية الا انها ترطب الشفايف ، لون غني يبين من مسحه ..
ثباته عادي يروح مع الاكل والشرب ، حلو مع محدد قبله عشان يثبته اكثر ..
درجته حلوه وردي على لحمي ، حلووه بصراحه .. 01 Think Pink
وعادي ارجع اشتري كذا لون .. لانه التركيبه حلوه ..
فيه ٢٧ درجه من هالنوع .. وسعر الروج الواحد = ٦٩ درهم
الروج الثاني :
شيمري وميتالك او معدني ، تركيبة غير عن النوع الاول هذا خفيف يحتاج تعيدين عليه كم مره عشان يطلع اللون ..
ثباته عادي يروح مع الاكل والشرب ، فيه ترطيب حلو ..
انا عن نفسي مااحب ابدا الارواج اللي فيها شمر و لمعه ، ابدا ابدا مااحبها ..
بس اللي يحب هالنوع ممكن يعجبه هالروج ، لانه خفيف ويرطب بنفس الوقت ..
فيه ١٢ لون منه و سعره = ٦٩ درهم
...
حاليا عندهم عروض على مجموعة ال 22K :
إستفيدي من العروض التالية :
3 بسعر 129 على جميع منتجات العيون من 22K ( ماعدا المسكارا)
3 بسعر 129 &3 بسعر 149 على منتجات الشفاه من 22K
3 بسعر 179 على جميع منتجات الوجه من 22K
3 بسعر 99 على جميع منتجات الأظافر من 22K
العرض اخذت تفاصيلة من حسابهم بالفيس بوك ...
