Zanedo October & November 2014

السلام عليكم

من زمان عن هالعلبه وهالشركه ، هذي اخر علبتين لي معاهم وخلصت اشتراكي معهم ، وممكن في المستقبل ارجع اشترك معاهم ... 

اول علبه لشهر اكتوبر ، وكانت كلها ميك اب لشركه ايطاليه ، اول شي حبيت لون العلب وشي جديد صراحه وتغيير عن الاسود .. 

محتوياتها .. شنطه صغيره وبداخلها ، روج - بودره للوجه - قلوس على شكل فراشه - ايشدو باللون الازرق الفاتح والغامق - وبلشر حسيته غامق ممكن استخدمته ك ايشدو - والاخير اللي على شكل قلم ماعرفت لشنو استخدمه لانه مو مكتوب على العلبه ، بس ممكن مرطب او جل للحواجب .. 

حبيت وعشقت الطبعه انيييقه 

...

وهذا البوكس الخاص بشهر نوفمبر

والبوكس كله من محل Crabtree & Evelyn

وحبيت هالشي صراحه ...

من اليمين : 

صابونه للجسم - كريم للجسم بريحه اللافندر - فرشه للاظافر - كريم للجسم بريحه الليمون - واخر شي سامبل عطر صغير ...

بشكل عام حبيت الشركه و ممكن ارجع اشترك معاهم ، وحبيت اغلب منتجات هالشهرين ...

.....

Zanedo September 2014

السلام عليكم 

مثل كل شهر توصلني هالعلبه الجميله ، ووصلتني من فتره بصراحه وتوني افضى اني احطها 

هالمره العلبه ريحتها جميله حتى فتحتها ومعاي اختي تقولي فيه شي ريحته حلوه ، نشوف وش فيها ..

مجموعه مختاره من جويل بالتعاون مع ماكس فاكتور ...

علبه ظل بدرجات البنفسجي - مناكير بلون ذهبي وحجمه صغير انا احب هالحجم - قلوس ذهبي شفاف - ماسكارا 

والشي الاجمل في العلبه كلها شور جل من دولشي اند غابانا ريحته جميييييييله وانا كنت شامه العطر قبل وعاجبني

بس عندي مجموعه عطور كبيره وابي اخلص شوي منها بس افكر اني اشتري هالعطر بعد مااخلص كذا شي عندي ...

....

المجموعه هالشهر حلوه ، بس احس صار عندي اكتفاء ذاتي من الماسكرات عندي ٥ جدد ولا فتحتهم بس ماعليه عشان مااشتري شي ، بحكم اني حاليا بفتره ماابي اشتري ولا شي الا اذا خلص تمااااما ... 

...

ونشوفكم على خير يارب 

Zanedo July 2014

السلام عليكم 

هالبوكس وصلني من زماااااان ونسيت اني ماكتبت عنه ، نشوف شنو محتوياته هالمره 

٤ منتجات وكلها بالحجم العادي 

من اليمين :

- كريم لليدين من 3M Cavilon اول مره اشوفه ، بس حبيت فيه انه غير معطر ابدا ويرطب الايد بشكل حلو .

- مقشر للوجه من سانت ايفز للبشره الحساسه ، هالمقشر احبه بس كنت اخذ النوع العادي وهالمره بجرب المقشر الخاص بالشره الجافه والحساسه . 

- بودي سبريه للجسم بريحه الفراوله ، انا مو من محبين ريحه الفواكه وايد بس بحاول استخدمه كتغيير . 

- قلم حكل من برجوا كاتبين انه ثابت لمده ١٦ ساعه ، وفيه برايه من فوق وهالشي جميييييل . 

البوكس هالشهر عجبني بس لو حاطين لي ريحه غير الفراوله كان صار احلى ، بس احب هالبوكس ودايما يجددون

بافكارهم 

..

Zanedo June 2014

السلام عليكم 

من كم يوم وصلت لي هالعلبه لشهر ٦ ، ووكان حجمها ثقيل وتحمسسست بصراحه 

اول مافتحتها شفت شي جميل وجديد 

٣ منتجات بالحجم الاساسي من The Art Of Soap 

هالمحل كان لهم كذا فرع في دبي بس للاسف سكروه واللي عرفته انهم خلاص ماراح يكونون موجودين في الدوله

مع انه هالمحل كل شي فيه طبيعي وصنع اليد ، الماركه تركيه .

...

من اليمين : 

- شور جل للجسم بريحه الزيتون ، ريحته زيت زيتوون اصلي قوي بصراحه والريحه يعني ماحبيتها بصراحه 

ولحد الحين ماجربته اللي يخليني اتردد هو ريحته ، بس معروف انه زيت الزيتون ممتاز للبشره . 

- زيت مساج للجسم ب ريحه اللافندر و زهر البرتقال ، الريحه جميله وريحه سبا ، حلوه وتريح الاعصاب . 

- كريم للوجه بنفس ريحه زيت المساج ، حلوه الريحه بس شوي متخوفه يعني انا بشرتي حساسه وهالكريم ريحته قويه واخاف احسس منه ، ف بجربه واشوف ، متحمسه له لانه طبيعي . 

ان شاء الله اذا حبيت شي برجع اكتب عنه بالمدونه . 

اللي حاب يشتري شي منهم موجودين على هالموقع 

www.zanedo.com/art-of-soap

ZANEDO May 2014

السلام عليكم 

المفروض هالموضوع ينزل من زمان بس انشغلت شوي ، و كم يوم كسل ، وكم يوم سافرت 

بس ان شاء الله الجاي آحلى أفكار ببالي كثيره وان شاء الله بكتبها 

..

عوده لصندوقي العزيز من ZANEDO  لشهر مايو 

اللي احبه في هالشركه هي الاحجام الكبيره للمنتجات ، يعني هم يوعدونا ب منتجين بالحجم الاصلي والباقي يكون ب الحجم الصغير او سامبل .

نشوف المحتويات :

١-  سيروم معالج للسيلولايت اللي بالجسم من DermatoPoietin - General Purpose Skin

٢- شامبو منقي للشعر من Elemis

٣- مناكير لونه جميل للفرنش من kinetics

٤- صابونه للجسم من بيت الصابون

٥- شور جل من Elemis

حبيت كل محتويات العلبه ، السيرووم شي جديد علي واكيد بستخدمه ، والشامبو بعد خصوصي انه شعري دهني

ويحتاج لشامبو منقي .

المفروض بعد كم يوم توصلني العلبه الجديده لشهر يونيو ، اول ماتوصل بكتب عنها . 

ZANEDO Life style Beauty Box - March

السلام عليكم 

عوده لعلبه المفاجئات كل شهر وهالشهر المنتجات حلوه وخفيفه 

تقريبا صار لي ٦ شهور من اشتركت معاهم والحمدلله راضيه ، منتجات جديده علي 

وعاجبني انه فيها تنوع وباقي لي بعد ٦ شهور .

من اليمين : 

-عطر صغير عجبني اولا حجمه و ريحته حلوه خفيفه وفرش .

-سيروم للعين رقم ٢ من هالماركه الطبيه " الشهر اللي فات ارسلو لي رقم ١ والحين ٢ " ناويه ابدا فيهم بجد ولانه لهم طريقه استخدام تختلف فودي اجربهم عدل . 

- شاور جل بريحه ازهار الكرز والريحه جميله وخفيفه ، وهالماركه اول مره اشوفها من بريطانيا . 

- واخر شي فرشه للميك اب من ماركه msQ اول مره اسمع عنها بعد بس مااقول لا لاي فرشه تدخل عالم فرشي للميك اب.

وبس هذا كل شي بالبوكس  اللي اعرفه انه سعر السيروم ب ٩٩ درهم يعني غطى على تكلفه العلبه . 

ZANEDO Life style Beauty Box - Fabruary

السلام عليكم 

محتويات بوكس هالشهر من شركه Zanedo 

كل مره يجيبون شغله جديده علي وهالشي احبه فيهم خصوصي انه فيه ماركات ماقد جربت منها شي 

- مبرد للاظافر وحبيت شكله الانيق من جهه مبرد ومن جهه ثانيه تصميم حلو بالجلد 

- العلبه اللي تحت عطر صغير وريحته شي فرش .

- سيروم للعيون من ماركه Dermato Poietin وهي ماركه طبيه . سعره ب ٩٩ درهم 

- اللي فوق السامبل الاسود عطر للشعر جدا حبيت هالفكره وعمليه بهالتعليب .

- اخر  شي مرطب للبشره من جرجنز بالصبار . سعره ب ١٠ دراهم 

ZANEDO Life style Beauty Box - January

ZANEDO Life style Beauty Box - January

عوده ل هالعلبه الرائعه اللي توصلني كل شهر وكأنها هديه كل مره شي جديد ومميز

وهالشهر حبيت علبتهم جدا 

نشوف محتوياتها من اليمين 

قناع الطين ويستخدم من مره الى مرتين بالاسبوع ( كان في نفسي بصراحه بقناع طين من زمان وعيني على قلام قلو بس بجرب هذا و بكتب تجربتي معاه بعدين ) سعره هذا لوحده ١٦٠ درهم  " غطى على قيمه العلبه كل شهر وزياده " 

بودي لوشن " حبيت انهم كتبو على العلبه ايش محتواها لانه اخر مره جابو كريم ولا عرفت لايش يستخدم " 

شامبو و بلسم للشعر هو مفيد للتساقط ويطلع الشعر الجديد وريحته مميزه ريحه نعناع قوي مثل معجون الاسنان 

بجربهم بكتب رايي فيهم خصوصي اني اصلا ادور اشياء توقف تساقط الشعر 

وسعر الشامبو والبلسم الحجم الاصلي ٩٠ درهم للواحد . 

واخر شي مزيل للعرق برائحه جدا جميله عن نفسي ماكنت بشتري ديودرت بريحه عطر فرنسي بس من باب التجربه بجرب وبالبيت  اما بره وغيره افضل ريكسونا . 

بشكل عام حبيت المنتجات وجاري التجربه الكامله واي شي يعجبني اكيد بخصص له موضوع . 

ZANEDO Life style Beauty Box - November

السلام عليكم 

من كم يوم وصلت لي هالعلبه وقد تكلمت عن هالشركه في بوست سابق تقدرون تطلعون عليه 

..

طبعا وصلت لي متاخره ودخلنا في ديسمبر ولا جابوها وكلمتهم واعتذرو 

وعوضوني بعلبه غير 

نشوف محتوياتها 

كلها ميك اب من elf وانا ماقد جربت شي من هالماركه 

المحتويات وحسيتها قليله مقارنه باول علبه 

علبه ظل مع فرشه للعيون - لب قلوس - ٣ الون من الكحل السائل 

حبيت الالوان وانا احب الالوان الترابيه ، ولحد الحين ماجربتها على العين ولا اعرف ثباتها بس كالوان حلوه 

القلوس لونه حلو في العلبه بس جربته جدا خفيف يعني لون مورد للشفايف بشكل خفيف جدااا 

وحلو فوق اي روج ، بس شوي دبق 

٣ الوان لحكل سائل

يعني ماحبيتهم حيل ، وسائلين بزياده وماينشف بسرعه ، يعني ممكن يحوس لك الميك اب كله 

البني لونه برونزي او بني فاتح جدا ، والفضي ممكن استخدامه للوك غريب 

هذا كل اللي كان بالبوكس ، يعني تميت يكون فيه اكثر بس نشوف بوكس شهر ديسمبر شلون بيكون 

وشكرا لكم 

ZANEDO Life style Beauty Box

السلام عليكم 

احب اشوف البنات في اليوتيوب وخصوصا اللي يتكلمون عن المكياج والتجميل بشكل عام 

وكنت حابه فكره ال beauty box اللي توصلهم خلال كل شهر 

فبحثت عن شركه هنا في دبي ولقيت ٢ glambox واللي اشتركت فيها  ZANEDO

 ZANEDO  Life style Beauty 

وقع اختياري على الشركه الثانيه لانها لايف ستايل و جمال مع بعض 

واشتركت لمده ١٢ شهر وسعر الاشتراك = ٧٥٩ درهم والتوصيل مجاني للبيت 

" الشركه هذي بس للامارات "

ووصلتني اول علبه 

حبيت العلبه جدا قويه ومو مثل العلبه العاديه خفيفه وحبيت التغليف رايق وانيق 

 شامبو من الفيف من لوريال سعره = ١٧ درهم 

كريم الجمال من دوف = ٩ دراهم اتوقع هذا سعره 

مناكير من china glaze = ٣٦ درهم  " اللون جميل جدا فسفوري وفاقع جدا بس مااات ايه نعم مات شي جديد وحطيت صوره تحت فيها درجه اللون "

سبري ماي من evian = ١٢ درهم 

عطر صغير من لانكوم هيبنوز 

و٣ تيستر من Elemis 

تقريبا سعر محتويات العلبه = ٧٤ درهم 

وسعر الشهر الواحد ٦٣ درهم يعني انا ربحت اكثر 

جدا حبيت هالشي و توصلك هديه كل شهر وكل مره شي مختلف وممتع .

هذا لنك الموقع www.zanedo.com

وهذا ل www.glambox.me

وان شاء الله كل شهر بكتب عن كل علبه تجيني ووش محتوياتها 

ونشوفكم قريبا