November Empties 2014 - اشياء خلصتها في نوفمبر ٢٠١٤

   

November Empties 2014 اشياء خلصتها في نوفمبر ٢٠١٤

السلام عليكم

متابعتكم تعني لي الكثير ..

...

نرجع لهالموضوع الجميل بالنسبه لي ، احب هالمواضيع وابحث عنها ، لانها بالفعل تبين لك فعلا اذا الشخص حب المنتج

ورايه الصريح عنه ، واذا ممكن يرجع يشتريه او لا .. 

هالشهر ركزت اني اخلص الاشياء اللي باقي فيها نص وربع قبل ماافتح شي جديد .. والحمدلله خصلت كميه حلوه 

..

من اليمين : 

- تونك للوجه منHerbline Essentials ، ب ماء الورد والخيار ،

 جميل وخفيف جدا على البشره حبيته بصرحه ، بس سعره

شوي مبالغ فيه حوالي ال ١٠٩ درهم ، ويعتبر خفيف على البشره

 مو شي قويه ويحرق لا ابد خفيف وجميل ..

- غسول للفم من كولجيت ، هالنوع احبه ويمكن ثاني او ثالث مره اشتريه ،

 جدا حلو وممتاز يآدي الواجب وزياده .. 

- الحب ، بايوديرما ، عشق ابدي وشي طبيعي يكون عندي للابد .... 

...

- كريم للشعر من لوريال ، احطه بعد الشاور علي شعري وهالكريم لا يغسل ،

 اكثر منتج شريته في حياتي ، عشق عشق عشق 

مستحيل اتركه ، بس في الفتره الاخيره ماصرت الاقيه كثير ،

 تجي فتره متواجد بكثره وساعات لا ، ماالاقي هالنوع او النوع البرتقالي كامل 

اللي زيت الارغان

.. مااعرف ليه ، بس الللي اعرفه اني اعشق شعري منه .. 

- فيتامين للشعر ، والبشره والاظافر ، مايحتاج اتكلم عنه 

كثير باختصار شي ممتااااز ، وكتبت عنه هنااا 

- امبولات للشعر من بايو سيل لتساقط الشعر ، من زمان 

وانا بكتب عنها وان شاء الله هالاسبوع اكتب عنها ممتاااازه جدا ، الظاهر انها سابع علبه اخلصها ..

...

- عطر سبريه من باث اند بودي ، بريحه مون لايت جميل جدا ، مسك بارد خفيف وحلووو .. احبه 

- عطر للغرفه بريحه البرتقال والعسل من لايف ستايل ، حبيته بالبدايه بس

 بعدين مو كثير ريحته قويه ، بس فرش .. 

...

- شور جل بالصبار من فازلين ، جميل وخفيف ، وصرت استخدمه شور جل وصابون للايدين ... 

- صابون لليدين من فازلين بالصبار بعد ، حبيته صراحه ناعم ويرطب الايد ولا يتركها جافه ...

- ديودرنت من ريكسونا ، اعشق منتجات ركسونا ولا تخذلني ابدا ... 

....

- زيت الجسم بيبي اويل ، احب اخلطه مع اي كريم للجسم عشان يعطيني ترطيب قوي ، 

وخصوصي في هالفتره جسمي بدا يجف وحبيت هالطريقه ..

- كريم مرطب من سيتافيل ، من فتره جسمي ماادري وش كان فيه كانه محسس 

او مااعرف ، نصحتني فيه زوجه اخوي جربته وعشقته ويني عنه من زمااااان 

ترطيب جميل جدا ، جسمي يظل مترطب لفتره حلوه بعده ،

 خصلته وشريت اللوشن منه كتجربه .. 

- كريم دوف للجسم بريحه الفانيلا والشيا ، صراحه ماتوقعت اني راح احبه

 ومااذكر من قبل اني استخدمت اي كريم للجسم من دوف ، بس حبيته 

وممكن ارجع اشتريه ، ترطيب حلو ، وصرت اخلطه مع البيبي اويل او

 زيت الشيا من بودي شوب .. 

- كريم او بلسم للجسم من كرابتري اند ايفلين ، جاني بعلبه زانيدو ،

 ترطيبه حليو ، مو شي واوو ، ماافكر ارجع اشتري ...

...

الميك اب 

هو انا مو دايم اخلص اشياء ميك اب وايد ، بحكم اني مااحط كل يوم .. 

بس فيه اشياء خلصتها وفيه اشياء خلاص ماابيها .. 

- برونز من ايسنس ، جميل وخفيف ينفع لشي يومي ومايبين انك حاطه بروووز ثقيييل ، 

ماخلصته كله طبعا بس خلاص من زمان عندي ..

- ظل للعيون من نكس ، ماحبيت هالنوع ابدا ، افضل اللي يجيون بعلبه كل لون

 بروحه و يكون مربع مو دائره ، اللون ابد ابد مو واضح واحط وااايد يالله عشان يبين 

، وخلاص برميه لانه قديم ، ومايطلع اللون بسرعه ... 

...

- كونسيلر من ايسنس ، فاشل ، ويقلب رمادي ..

- قلوس من كرازا ، صراحه ماادري وش يبي ، ماله داعي ابدا ، وجالس عندي ومااستخدمه وقديم بعد .. 

- قلم الحواجب من ريفلون ، جميل جدا قلم من جهه ، والجهه الثانيه جل ،

 جدا حلو يبين الحاجب طبيعي ومرتب بدون مايين انه الحاجب مرسوم او مرتب

وهذا ثاني قلم اشتريه ...

- ماسكرا من ماركه بايس ، حلوه والله تعطي روموشي طول جميييل وكثافه حلوه ،

 بس اذا زدت شوي بدت تتكل ، وهي من النوع اللي تشوفين انه فيه شي على رموشك 

وهالشي مو كثير حلو بس اذا حطيتها بخفه تطلع جميله .. 

- كريم اساس من بوبي براون ، حلو وطبيعي جدااااا ، يعطي نتيجه حلوه جداااااا 

- ماسكرا من ريفلون ماحبيتها ، وكتبت عنها هنااا 

...

- كلينكس رطب احب استخدمه لكل شي اشيل الميك اب فيه او امسح ايدي بعد الميك اب ... 

- لصقات للانف من Montagne Jeunesse، المغلف هذا فيه ٣ حبات ، وحلوين .. 

- ماسك بالصبار من ذا فيس شوب ، حبيته بصراحه رطب لي بشرتي بشكل حلو ، 

خصوصي انها حاليا جافه مع تغير الجو ..

- قطن دوائر من جونسن ، استخدمه للتونر او اشيل فيه المناكير .. 

...

وبس هذا كل اللي استخدمته في هالشهر ... والوعد شهر ١٢ اذا خلصت شي .. 

...

منتجات خلصتها في يوليو واغسطس - July & August Empties

السلام عليكم ...

اول شي لاتنسوا الاشتراك بالمودنه عشان يوصلكم كل جديدي

اضغطو على المستطيل الازرق

..

من المواضيع اللي احبها واحب اتابعها ، منتجات خلصتها في شهر يوليو و اغسطس ،

وحاولت هالمره اني اخلص كل شي باقي فيه شوي او اذا فيه سامبلز استخدمهم واخفف لانها بدت تتكود وتصير حوسه

في رمضان تقريبا يوميا احاول استخدم شي غير ماسك او منتج جديد جاني سامبل او من العلب اللي توصلني كل شي

والنتيجه هالمره كبيييره

ونبدا سوا

..

من اليمين :

- العلبه الزرقاء مزيل مكياج العيون من كلارنس ، حلو بس فيه ريحه عطر قويه وماحسس لي عيوني بس اخاف مع الاستخدام الطويل يأثر على عيوني بما انها حساسه .

- الحبيب بايودريما ، مايحتاج اي تعليق غير انه رقم واحد بالنسبه لي .

- ماسك مرطب للوجه من كلارنس حبيته ويرطب بشرتي بشكل حلو ، باقي لي كم سامبل منه بعد .

- مناديل للمكياج من ماركه كول اند كول ، ماحبيتها تشيل المكياج بس مو بنفس نتيجه نيتروجينا .

- كريم اساس من لوريال خلصت نصه بصراحه بس عندي من زماااااان وخلاص .

- سامبل لكريم اساس من سيفورا ، حبيته ودرجته حلوه علي ، وباقي عندي بعد سامبل منه .

- قلم كحل اسود من ديور حلو بس خلاص بعد قديم ، ترى كنت اسوي تصفيه بعد اي شي قديم خلاص باي باي .

- محدد للشفايف من لوريااال هذا عشق عشق عشق صح لونه غامق بس احب هالالوان علي المحدد حلو وحتى كان معاه روج جميل بس خلاص خلصته من زماااان .

- قلم كحل تركواز من ايتود هاوس اللون واضح وثابت ، بس خلاص قديم .

- قلوس من نكس لونه جميل احمر على عنابي شوي كان حلو بس خلاص خلص .

...

- بخاخ لمعالجت تساقط الشعر من لوريال ، عادي ماحسيت انه سوا شي غير انه ريحته حلوه للشعر .

- السيروم العشق كتبت عنه هناااااا وتوني اخلصه اقتصادي بشكل عندي من زماااان ، بس حلووو جدا وانصح فيه .

- سن ان هالشي احبه يفتح لون الشعر كانك صابغته وانا عجبني انا اصلا شعري بني بس يمسك الصبغات والحنه بسرعه وحبيت هالبخاخ انه يفتح لون شعري حيييل حيل حيل حبيته ، فتح لون شعري كذا درجه وصار لون شعري بني فاتح على اشقر حيل حلو انا عن نفسي عاجبني ، واذا رحت لاي صالون يسالوني عن لون شعري او وين صابغته ، بس يجفف الشعر مثله مثل اي صبغه ، شريته من الكويت من صيدليه بوتس بس ماشفته عندنا في دبي يمكن فيه اماكن انا ماشفتها.

- شامبو وبلسم للشعر جاني من العلب اللي تجيني كل شهر ، الشامبو هذا معالج لتساقط الشعر تحطين الشامبو وتسوين مساج لفروه الراس لمده دقيقه وبعدها تغسلينه ، ريحته نعناااع قوي بس منعشششششش ، والبلسم بعد حلو .

- فيتامين للشعر والبشره والاظافر جدا حبيتهم اتوقع ٣ علبه اخلصها ، واللي لاحظت انها تطول شعري بشكل حلو .

...

كلهم مضمضه للفم

- الاخضر ماحبيته بطعم التفاح الاخضر .

- طعم شي لا يطااااق ابد ابد  الحمدلله انه كان صغير .

- كولجيت ، هالنوع ممتااااز بصراحه كان عندي حجم صغير خلصته وجبت هذا وخلصته وتوني جبت واحد اكببر ، ممتاز نصحني فيه طبيبي للاسنان .

- من اورال بي بعد حلو ويشبه كولجيت .

...

- سامبل لعطر من كارتيير حلو بس مو ذوقي ابدا ، بس خلصته .

- تشيري بلوسم من باث اند بودي ، حلو بس ماافكر اشتريه مره ثانيه فيه عطور احلى من باث .

- العشششششق ، سبريه للجسم من كول اند كول خيال خياااال ، احب الروايح اللي تكون بودره ونظافه .

- معطر للغرفه والفرش ، عادي وماكان ثابت ابدا ، اخذته مع مجموعه عطور من القريه العالميه .

...

- مقشر بالملح من شركه بترا ، خياااااااااالي خيااااالي خيالي احب جسمي بعده نظيف ويشيل الجلد الميت من قلب

لهم كشك ب المارينا مول بدبي .

- فازلين ، طبعا استخداماته لا تعد ولا تحصى .

- كريم الجمال من دوف ، ماعمري فكرت اني اشتريه اصلا ، بس جاني من العلب اللي توصلني كل شهر ، بس حبييييييييته حبيته ريحته تكفي تكفي ، شي نظيف وانيق وباااااارد ، كنت استخدمه لجسمي وترطيبه حلو خفيف مايدبق ابد .

- كريم ليلي من ماركه كول وي ، عادي ماحسيت بشي ، واصلا سامبل وصغير .

- لوشن للجسم من سيفورا كان هديه لاني مشتركه بالبطاقه ، بس ماحبيته ريحته قويه وسائل بزياده كانه ماي .

- كريم بالبارفين لليدين من باث اند بودي هاللاين حلو بصراحه ، واستخدم هذا الكريم على ايدي و اقدامي ، ترطيبه قوي وعميق وشوي يدبق بس حلو تحسين بالفرق  بالاستخدام ، يناسب البشره الجافه ، والترطيب اللي فيه من شمع البارفين فعشان كذا قوي .

....

- مرطب من لابيلو بالتوت ، الترطيب حلو بس ماافضله لانه يخلي طبقه بيضا على الشفايف ، يعني ماانصح احد يشوفك فيه .

- عدساتي المفضله من جونسن اند جونسن ، دايما اشتريها وماافكر اغيرها الا اذا نزلو شي جديد ومن جونسن بعد .

- لصقات للانف من بيوريه ، عشق عشق عشق ، احبها لاني من احطها احس بحراره وبعدها خلاص من تجف تشيل كل شي تقريبا ، ممتااازه صح انه غاليه وتعتبر اغلى شي بالسوق من اللصقات بس ممتازه ، سعرها ٣٣ درهم .

- ديودرنت من ريكسونا ، هذا بعد العشق ، وهذا بريحه البودره عشق ماايحتاج اتكلم صرتو تعرفون حبي للبودره .

.....

- امبولات الشعر الجميله ، صار لي قرن وانا بكتب عنها بس جميله اخذوها بدون تردد .

- افشل شامبو جاف استخدمته هالنوع بالذاااات اللي مخصص للشعر البني ، مو حلو ابد ابد

اذا لمست شعري ايدي تصير بنيه واذا سبحت اشوف اللون ينزل مع الماي ، ماحبيته ابدا.

....

- مسك من عبدالصمد القرشي ، خلصته وبعد ماخلصته كان فيه بقايا ف سويت DIY هناااااااا طلو على الموضوع وخلصته بعدها .

- سامبل  من كارتير خلصت قبل واحد وهذا الثاني .

- زيت للفواحه من باث اند بودي بريحه القرفه ، احب ريحتها بس هذا الشي كل ماحطيته صدعت وحسست واعاطس فخلاص مااقدر عليه .

- عطر للفواحه جميييييييل بريحه المشمش حبيته بس ريحته نظافه تهبل ، اخذته من سبينس مالقيت هالماركه بمكان ثاني .

- عطر توهقت فيه بصراحه اخذته بالغلط وطلع ريحته ياسمين ، ماحب هالريحه اببببد  حاولت يمين يسار بس كلش مااقدر استحملها ف خلاص يعني .

- رش للغرفه بنفس ريحه الاخ اللي فوق ، هذا شوي اخف من الزيت بس مااقدر عليه يتعبني .

...

- كريم للاقدام من بوتس جميييل جدا ، ممكن اشتريه مره ثانيه بس عندي الحين كذا شي ابي اخلصهم بس حلو .

- مضمضه صغيره من كولجيت ، بخلي هالعلبه اعبي فيها من الكبير اخليها للسفر او لاي مكان لانه حجمها حلو .

- محلول عدسات ، اكثر محلول حبيته ممتاااااز ، اشتريه من محل النظارات اللي بالهنا سنتر في دبي ، مااعرف اذا فيه محلات ثانيه تبيعه .

- عدسات توتي خلاص خلصت مدتها " بحط لها صوره تحت "

- مقشر للجسم من بودي شوب حلو بصراحه وكتبت عنه هناااا 

...

هذي عدسات توتي المحدده ، جمييييله بصراحه واحبها علي ، هذا اللون البني من المجموعه المحدده بس على العين يكون عسلي ، بس حلوه وتحلي العين ، عن نفسي احب الالوان العسليه علي وتطلع حلوه وكانها طبيعيه .

....

- ماسك من اولاي ، عادي ماشفت شي واااو باقي ٢ باستخدمهم .

- كوريكتر من بوبي برواااان ، عشق عشق عشق يخفي هالاتي وممتاااز بصراحه وبرجع اشتريه باذن الله .

- كونسيلر من ماك استخدمت كميه كبيره بس خلاص بدا يخطط ويحوس الدنيا ووقفته من فتره وخلاص هو اصلاا من زمان عندي ومابرجع اشتريه ، افضل برو لونغ وير .

- كريم اساس من ماك ، خلص من قرن بس توني اشوف العلبه وبخليها اذا خلصت اشياء من ماك عشان باك تو ماك

مابرجع اشتريه لانه يطلع لي حبوب و عندي الافضل منه .

.....

- قطن دوائر اشيل فيك الميك اب او استخدمه للتونر .

- ماسك للشعر من بايولجي من ماتركس هذا للشعر الضعيف يهببببل هو والشامبو والبلسم خلصت الباقي من زمان ،

ريحه المجموعه هذي تهبببببل جميله جدا ، شعري بعد الشامبو والبلسم احسه زبده من كثر النعومه . ممتاز .

- زيت للشعر من دابر امبلا ، كنت استخدمه اذا حطيت لشعري زيت الجدايل على الجذور كنت احط من هذا على الاطراف.

وبسسسسس خلصصصصصصت ، شعور جميل يوم تخلصين كل شي ومنها عشان اعرف اللي احبه واللي مااحبه .

شاركوني تجاربكم مع اي منتج من اللي جربتهم او شي تنصحوني فيه .