The Body Shop Haul

السلام عليكم 

مشترياتي من محل ذا بودي شوب من فتره 

...

كنت حابه اجرب شغلات جديده ودخلت اخذت كذا شيء 

دخلت وشفت هالعلبه الجميله قدامي 

محتوياتها " شور جل - زبده للجسم - مقشر للجسم - صابونه - ليفه " 

كلهم بزبده الشيا ، واحبها خصوصي من بودي شوب ناعمه وغنيه بالترطيب وتبقى بالجسم لفتره 

مااعرف سعر العلبه الاصلي بس يوم اخذها كان سعرها = ٩٩ درهم 

..

واخذت هالشي الجميل مرطب للشفايف او زبده الشفايف بالشيا 

واضح اني فعلا احب الشيا ، اول مره اجرب مرطب للشفايف من بودي شوب 

وسعره = ٣٦ درهم 

واخذت بعد صابونه للجسم بعد بالشيا بس صورتها فوق ونسيت اصورها بروحها 

سعر الصابونه = ١٥ درهم 

....

اخذت بي بي كريم ودرجته 00 هو لون بس بدون لون ، يصفي بشرتي ويعطيها لمعان صحي حلو 

جربته كذا مره ولحد الحين حابته  سعره = ٨٢ درهم 

وآخر شي الانستبلر اللي اصلا كنت رايحه عشانه لانه بودي شوب قدموه هديه لي " واشكرهم عليه " 

لاني حبيييييته و كتبت عنه ريفيو كامل  هنـــــــا 

وسعره = ٨٢ درهم . 

وبس هذا كل اللي اخذته من بودي شوب 

وحاليا هاليومين بدأت التنزيلات عندهم وطبعا معروف بودي شوب اشيائهم جدا حلوه 

شفت عندهم عروض جميله على علب الهدايا واسعارها ممتازه ، لا تفوتكم . 

....

Glambox May 2014

السلام عليكم 

آحلى علبه ممكن توصلك كل شهر هي من هالشركه الروعه .. GlamBox 

هالشهر اللي هو شهر مايو كان كله خاص بماركه بينفت ، مين بس مايحبها ، 

احب افكارهم دائما جديده ، وعلبهم وتصاميمهم غريبه وانيقه جداا .. كنت متحمسه جدا لهالشهر 

.. 

 نشوف محتويات العلبه ل هالشهر ..

...

من اليمين : 

Big Easy : كريم اساس تغطيته بين الخفيف والمتوسط واحلى شي انه خالي من الدهون . 

سعره = ١٨١ درهم 

They're Real : هالماسكرا الجميله الكل تقريبا يمدحها 

سعرها = ١٢٠ درهم 

The Porefessional : برايمر لاخفاء المسامات ، هالشي اللي مستحيل استغني عنه 

سعره = ١٤٨ درهم 

Fake Up : كونسيلر مميز كونسيلر مع كريم للعيون بنفس الوقت ، شي جديد علي

دائما اشوفه بس مافكرت اشتريه بجربه واذا عجبني بكتب لكم 

سعره = ١١٥ درهم 

ونجي لاخر منتج واجدد اختراع من بينفت  قلم جل للعيون 

They re Real Push up liner : قلم وداخله جل لاينر ، اختراع عن نفسي متحمسه له اكثر شي

خصوصي اني من محبين الجل لاينر بشكل عام ، بس هذا الشي حبيته من قبل لااشوفه لانه ٢ في ١

بدال الفرشه للرسم 

جربته وحلو بس بكتب رايي الكامل عنه في تدوينه خاصه فيه 

راح ينزل عندنا في الخليج شهر ٧ يوليو وسعره = ١٢٥ درهم 

....

اللي حاب يشترك ب قلام بوكس  GlamBox 

عندي كود خصم ب ١٥٪   وقت الاشتراك ، فيه مكان تحطون فيه الكود   

GLAMBOX15

اشتركو وتمتعو بالخصم الجميل " فيه اشتراكات ل ٣ او ٦ او ١٢ شهر " 

Review The Body Shop All in One Instablur كريم انستبلير من ذي بودي شوب

السلام عليكم 

اليوم بتكلم عن منتج جديد من محل بودي شوب ، The Body Shop All in One Instablur

ونزلت خبر عنه هنا في المدونه تقرون توشوفونه من هالرابط  هنااااا

1- يتميز بتركيبة فريدة من نوعها تحتوي بودرة حبيبية عاكسة للضوء عن سطح البشرة فتعطيها اشراقة طبيعية كما ان تركيبته تتميز بخصائص في ملء الفراغات بشكل ذكي.

2- يحتوي على فيتامين E لترطيب البشرة وحمايتها من الشوائب وعوامل الجو المؤذية.

3- تركيبته الفريدة تعمل على تصغير المسامات واخفائها بشكل كبير.

4- له تأثير فعال في اخفاء البثور.

5- يوحد لون البشرة ويثبت المكياج لفترة طويلة دون الحاجة الى تعديله من وقت الى اخر خلال النهار،

يستخدم على البشرة بعد وضع الكريم اليومي المعتاد وقبل المكياج من اجل خلق اساس ثابت للمكياج واعطاء مظهرا صحيا للبشرة.

....

رايي فيه بعد التجربه وكذا مره وبكذا مكان 

- شكل العلبه انيق وحلو وملسمها قريب انه يكون مات يعني اسم على مسمى،  اسم العلبه وملمسها .

- ملمس الكريم نفسه ، غير ان اي برايمر جربته ، جل جامد، ثقيل ،لونه شفاف ومطفي .

- مافيه ريحه تذكر ريحته خفيفه جدا جدا جدا وماتشمينها ، يعني مناسب للي مايحب الروايح بالمنتجات .

- يوضع بعد الكريم المرطب الخاص فيك ، وقبل الكريم اساس . 

- التحكم بالدهون رائع " انا بشتري مختلطه " ولاحظت انه مافيه اي لمعان بمنطقه التي زون .

- ثبات المكياج جدا حلو ، البلشر والكنتور واضح وثابت الي اخر اليوم مااحتجت اني اعيد عليهم ،

وثبات الكريم اساس ممتاز . 

- يخفف من المسامات ، مايشيلها بشكل نهائي بس ماتكون واضحه وبارزه .

- كميه قليله من المنتج تكفي ، ماتحتاجين كميه كبيره " ممكن بس على التي زون "

- منتج مناسب لسعره ، لانك بحتاجين كميه قليله منه ، وصالح للاستخدام لمده سنتين . 

- مناسب لاستخدامه مع او بدون المكياج .

- لونه شفاف ويناسب جميل الوان البشره .

- جربته مع كريم اساس ميك اب فور ايفر HD ، الBB كريم من بودي شوب ، وممتاز مع الاثنين . 

- ومناسب للكل مااحس فيه وحده ماتحتاجه . 

- اذا كان عندك مكان فيه جفاف انصحك ترطبين بشرتك قبل زين ، او يفضل انه ماتحطين من البرايمر عليها ،

عشان ماتطلع لك بقع جفاف على البشره . 

رايي فيه 

منتج جدا حلو وماعندي شي يشبهه فاكيييد راح يكون من ضمن مكياجي الدائم 

عتبي الوحيد عليه انه مايخفف المسامات بشكل كبير ، طبعا هذا بالنسبه لي انا ممكن مع غيري يكون ممتاااااز

ومايشتكون من شي .

سعره = ٨٢ درهم اماراتي

وعشان كذا تقييمي له ٤،٥ من ٥ .