Typo | محل تايبو

Typo | محل تايبو

السلام عليكم 

زيارتي لمحل تايبو ، محل جدا جدا جدا جميييل ، وبتعرفون ليش اصلا هو جميل .. 

هالمحل من دخلته وحسيت اني طفلة في محل العاب ، اعشق هالنوعية من المحلات ، اللي فيها كل شي 

ديكورات و دفاتر واقلام واشياء للبيت .. 

خل نشوف جولتنا فيه 

شوفوا الجمال ، مخدات واكواااب و حتى مفارش للطاولات والسرير .. شي رائع ماشاء الله

هالاحرف الجميلة ، حلوه ك ديكور للغرفة ، او حلو الحرف الواحد تضيفينة مع اي هدية بتهدينها لاحد .. 

...

اكواب وصحون حلوه حيييل وغريبة شوي بس اشياد جميلة وبالطبيعة بعد احلى من الصور

اكواب للقهوه ، وساعات ، كروت و علب

شوفوا اخر رف بالصورة ، كلها اشياء للاكسسوارات ، تساعدك انك تنظمين الاكسسواررت اليومية على التسريحة ..

..

جزء من مفارش السرير ، وشموع 

..

عندهم دفاتر بتصاميم جدا جدا انيييقة وناعمة ، وبتناسب كل الاذواق .. انا اخذت منهم البلانر او منظم الوقت اللي دايما تسالوني عنه بالانستقرام .. عندهم اشكال واحجااام منه فيه نفس الحجم اللي عندي وفيه اصغر وفيه اكبببببر ، الكبير جدا جدا حلو .. 

وعندهم بعد كل شي تفكرون فيه ، الات حاسبة - مقالم - شنط - دفاتر - اقلام اي شي يخص القرطاسية والمكتبات بتلاقونة متوفر وباشكال جدا حلوة .. 

...

ونوصل للديكورات

عندهم لمبات للزينة ، للعيد ميلاد او لاي حفلة ، قطاعات - طوابع - اختام - حروف خشب باحجام صغيرة 

المحل ماشاء الله فيه وايد اشياء حتى مو كلها طالعة بالصور ، وبالحقيقة اجمل من الصور بوايد لانه من كثر اللي فيه 
ماعرفت شنو اصور.. يبي له زيااااارة 

عندهم محلين في دبي ، الاول البوكس بارك في شارع الوصل 
والثاني شوي اصغر في دبي مول في الطابق الثاني في مدخل المترو

The Brownie Box

The Brownie Box

مساء الخير 

لكل عشاق البراوني ، لقيت لكم مكان جميل جدا جدا ، لذيذ جدا جدا 

الذ براوني ذقته في حياااااتي !!!!

يستحق التجربة 

محل جديد في دبي الجميلة ، محل مختص بالبراوني وهالشي ماشفناه من قبل عندنا ، وحبيته بصراحه 

المحل صغير وحلو ، فيه طاوله وحده داخل المحل ، وفيه جلسات خارجية تقريبا ٤ او ٥ طاولات .. 

+ الجلسة رايقة بصراحة 

..

داخل المحل صراحة ماقدرت اصور وايد لانه كانت فيه عائلة داخل ومااحب ازعجهم بالتصوير اخذت صوره للاشياء المتوفره عندهم .. 

انواع وايييييد من البراوني ، وبصراحة التشكيلة راح ترضي الكل ..  انواع حلوه وتحتارين بصراحة وقت الاختيار .. 

والمحل يقدم اشياء ثانية غير البراوني ، كيك وكوكيز ، والقهوه والشاي .. 

..

طريقة التقديم روعه ، تشكلية مصغره من الانواع اللي عندهم ، مع ايس كريم ، وصوص تشوكليت ... يمممممم 

صراحه كل ماذقت نوع عجبني اكثر ، بس اكثر شي حبيته من اللي ذقته الككاو و الككاو الفدج ..   الباقي حلوين بس انا عن نفسي افضل الككاو ... 

عندهم " ككاو بالنعناع - بالقهوه - ب زبدة الفول السوداني - رايس كرسبي - بالتوت - مارشميلو - بالككاو الغامق - بالبسكوت المالح - بجوز الهند وغيرها من الانواع الثانيه " 

خدمتهم حلوه وسريعة ، صاحبة المحل " جيهان " متواجدة هناك دايما .. روحها حلوه وطيبة الانسانة 

الله يوفقهم يارب ويرزقهم .. فعلا مكان جميل وفكرته جديده ، عن نفسي حبيته جدا .. 

وانصح فيه .. 

الفيس بوك : thebrowniebox.ae

الانستقرام : thebrowniebox.ae

مكان المحل في المشروع الجديد بوكس بارك في دبي 

شارع الوصل 

هذا رقم المحل :971434347781