السلام عليكم
Feet First فيت فيرست
Reflexology & Massage Center -- مركز الريفليكسولوجي و التدليك
مساء الدلع وتدليل النفس ...
كل انثى تحب تدلع نفسها ، خصوصي بالاوقات اللي تكون فيها تعبانه او تحت ضغط كبير
فدائما نلجأ لأماكن تسعدنا وتشيل هالتوتر اللي فينا ونطلع منه واحنا رفرش ورجعنا لطبيعتنا ..
فيت فيرست مركز ممييز للمساج والتدليك ، وهم اخصائيين فيه .. جربته كذا مره بنصيحه من اخوي
لكن اخر مره رحت له كان بدعوه منهم لي ولاختي .. ف استغلينا هالفرصه وحجزت لنا ورحنا ..
المكان نفسه يجبرك انك تفصلين نفسك عن العالم الخارجي ، تخلين تلفونك على الصامت واستمتعي بالهدوء التام
مع الموسيقى الخفيفه وريحه زيوت السبا المعروفه .. فعليا من تدخلين خلاص انسي كل شي يتعبك ..
ومااقول هالشي بس عشان انه دعاية لهم او اكتب بس عن زيارتي لهم ، انا اصلا زبونة عندهم
وحتى استغربوا اني انا نفسها اللي اروح لهم دايما اني انا البلوقر اللي ينتظرونها ..
...
لهم عدت فروع في دبي وبحطها لكم تحت مع الاسعار وكل معلوماتهم ..
الفرع اللي رحت له انا في تاون سنتر "في جميرا " وهو الفرع الوحيد اللي يكون القسم النسائي مفصول عن قسم الرجال
عن نفسي افضل هالشي جدا ..
هذي واجهه المركز
واول ماتدخلين فيه مكتب استقبال صغير و كرسيين للانتظار .. وفيه هذا الباب اللي خلاص يفصلك عن العالم الخارجي
...
ماصورت من داخل لانه الاضاءه خافته وايد و ماحبيت ازعج الحريم اللي داخل بصوت الكاميرا والفلاش
فيه نوعين غرف فيه غرف للمساج الكامل للجسم اللي تحتوي على سرير المساج
والغرف الثانيه فيها كرسي وتكون خاصه بمساج الاقدام اللي مشهورين فيه ..
تجربتي انا هالمره مساج لكامل الجسم لمده ساعه كامله .. واسمه
تدليك الشياتسو او العميق للانسجة او للتقليل من الاجتهاد .. ادري طويل جدا .. قيمته ب ١٨٥ درهم للساعه
وفيه نفسه لمده ٣٠ دقيقه ب ١١٠ درهم ...
...
الغرفه حلوه فيها سرير وجاهز لك ، وفيه مكان اعلق عليه عبايتي وملابسي ، والحلو انك تقدرين تعلين الاضاءه
او تخففينها قد ماتبين وهم في الغالب اول ماتدخل تخفف الاضاءه يعني يالله اشوف عيونها ..
هو المساج لكامل الجسم من راسي الى اصابع رجولي ، اول ماتبدا تروح تجيب مخده وتكون معبيه حبوب وحاره
وتحطها على ظهري .. وبعدها بدت بالمساج بالرقبه والكتوف .. والايدين .. والظهر .. وبعدها للرجل كلها ..
وهذا مدته نص ساعه وبعدها تروح تاخذ هذي المخده وترجع تجيب نفسها حاره وتحطها تحت رقبتي
وتشتغل مره ثانيه للرجول والساق والاقدام لمده نص ساعه .. وفي الاخير ترجع تسوي مساج للوجه والرقبه ...
بتلاحظين وقت المساج خصوصي اذا خلصت من مساج الكتوف واليدين انه اصابع الايد صارت بارررده ، حتى
قلت لها ، فقالت لي انه هذا شي زين انه العضلات ارتاحت وكل شي سيئ طلع ..
صراحه شقول وشخلي بس ... دخلت شي وطلعت انسانه طبيعيه ، عندي مشكله من الجلسه بكتوفي خصوصي اليسار
والرقبه و ظهري .. تعمدت اني مااقول لها اذا فيه شي بجسمي يعورني عشان اشوف النتيجه ، فعلا الاماكن اللي تألمني
ركزت عليها مــــن قلب ... وارتحت عليها حيييل .. حتى بعد المساج اقدر اخذ نفس بشكل طبيعي اكثر والالم الراس
يروح .. هالاشياء انا افرق عليها كل ماسويت مساااج ...
انصح فيه لانه يستاااااهل يستاهل يستاااهل وحلال فيه كل فلس ..
...
وبعد بكتب تجربتي في مساج الاقدام المشهورين فيه " التدليك الارتكاسي للاقدام "
سويته ٥ او ٦ مرات .. راااااااائع راااائع انصح فيه الكل .. اي شخص .. حتى امي تحبه وترتاح عليه جدا
هذا شوي غير تدخلين و تجلسين على الكرسي ..
تجيب ماي حااار وتحطين فيه رجولك ، وبعدها هي تروح تجيب المخده اللي تكون حاره وتحطها على رقبتك
وتمييل الكرسي ويصير كرسي مريح ..
قبل ماتبدا بمساج القدم ، تغسل الاقدام وتسوي لهم سكراب ، وبعدها تبدا بالمساج بزيوتهم الخاصه طبعا
تركز على كل عضله وكل عظم بالقدم .. طبعا تعرفون انه القدم تبين كل شي بالجسم اذا تعبان ..
وانا على طووول اعرفت شنو فيني ، طبعا انا عندي القلولون ، وعندي المعده شوي تتعبني مع انواع معينه من الاكل
طبعا كل قدم لها ربع ساعه مع شويه مساج للساق .. بس المسااج شي شي شي .. صراحه مو عارفه اعبر عنه
بس انه شي واااااااو واااااو وااااو ويستاااااهل التجربه كذا مره ..
..
انصح فيه ؟ ايه طبعا انصح ونص يستاهل
طبعا قبل ماتروحين لازم تكونين ماخذه موعد منهم ، لانه ماشاء الله دايما زحمه وماالقى وقت مناسب
بس يستاااهل ، واللي بتروح تاخذ امها معاها ، امي ترتاح جدا من مساج القدم ، مع انه عندها السكر وماتحب
احد يلمس رجولها الا عندهم عادي ، عارفين اللي عندهم سكر انه القدم والاعصاب حساسه وماتتحمل مساج قوي
بس مع ذلك امي ترتاح لهم ..
ان شاء الله تروحون له ، ويعجبكم .. وانا متاكده من هالشيء ، لانه كل اللي قلت لهم عليه راحوا له واشكروني عليه ..
الفيس بوك ممكن تشوفون صور اوضح فيه
ليست هناك تعليقات:
إرسال تعليق