ايفنت جوسي كتور لاطلاق مجموعة صيف ٢٠١٥
JUICY COUTURE SUMMER 2015 COLLECTION
السلام عليكم
يوم الاربعاء الماضي لبيت دعوه من محل جوسي كتور لحضور عرض
كولكشن الصيف ل ٢٠١٥ في محلهم في دبي مول
الدعوه كانت لفطور و عرض الكولكشن الجديد ، بكل صراحه استعمت جدا تعرفت على كذا بلوقر
وكذا شخصيه كنت اعرفها بس من النت وحلو اني اشوفهم وجه لوجه
..
حبيت حبيت حبييييت السنتر بيس للطاولات ، شي شي شي ، عطر جوسي وفوقه ياسمين طبيعي ، روعه روعه
الكل تكلم عنه وحبه ، والاغلب كان وده ياخذه كهديه ، وفعلا فكرت اسوي نفس الفكره على مكتبي ..
..
نشوف العرض .. هو صراحه مرت كم قطعه ونسيت اصورها مع الفهاوه .. ماكنت شاربه قهوه الصباح
تركيزهم هالمره كان للطبعات والورد ، والالوان بحكم انه للصيف ..
عندهم شنط الظهر ، حلوه وعمليه للبنات بالجامعه والمدارس
الستايل حلو .. واللي لفت نظري الكلتش ، فخم كله كرستال والتسكيره هابي فيس ..
الفستان هذا جميل جميل جميل ، كانت العارضه لابسته مع جاكيت اسود ، انيق وشيك
انا وحده احب اكسسوارات جوسي كتور ، وهالعقد اسرني ، الصوره هنا ظالمته ، لمعته روعه وكله فيونكااات شي اخذ قلبي
فستان و جاكيت ب طبعات جوسي المميزه المورد والمخطط ، حبيته ، العقد مميز كذا طبقه مع بعض ، والشنطه عمليه جدا
وهالمره جوسي غيروا ستايلات الشنط و جايبين اشياء روعه بصراحه ، الكروس بودي ، والشنط الثانيه جلد وعليها سكارف
واللوقو غير بس كاتبين جوسي كتور بالانقلش .. انا اشوفها نقله لهم ..
هذي الشنطه جميله ، والمميز في شنطهم انه داخل الشنطه ملونه بالوان السكارف ..
ولاول مره ينزلون كولكشن احذيه صنادل واحذيه سهره ، وتعاونوا مع ستيف مادن يصمم لهم ..
...
وبعد ماخلص العرض قلت باخذ جوله واصور لكم شوي من المحل ..
اسرني هالحلق
عجبني هالطقم ، ناعم واول مره اشوف شي عندهم باللولو
صراحه كان يوم جميل جدا واستمتعه فيه ... ماركه انا اصلا احبها وحبيت اني في يوم حضرت شي رسمي لهم
#coutureoasis
#coutureoasisUAE
ليست هناك تعليقات:
إرسال تعليق