السلام عليكم
هالمره غيرنا الاتجاه الى مطعم لبناني اسمه زهر الليمون ، متواجد في دبي في سوق البحار
وزيارتنا له كانت غدا ومقابل النافوره .. الجو وقتها كان جميل ويحمس انه الواحد يقعد بره يتغدا ..
المطعم ديكوراته حلوه وجلساته بعد اعجبتني ، له جلسات داخليه بس احنا اخترنا الداخليه ..
صورت صورتين للاسف اصلا ماكنت ناويه اسوي تقرير عنه بس قلت يالله ممكن احد حاب يجربه ..
....
طلباتنا كانت طبقين رئيسيين والباقي مقبلات ...
اخذنا شيش طاووق و شاورما دجاج .. والمقبلات كانت " حمص - فتوش - بطاطا حره - سلطه زهره "
الاكل حلو ومرتب ، وحبيت انه الاطباق الرئيسيه فيها اشياء جانبيه اكثر وشي حلو ،
اعجبتني سلطه الفتوش لانها بدبس الرمان واصلا جابو زياده ،
وعجبني انه اغلب اطباقهم مافيها زيت بزياده او قلي وايد .. يعني يعتبر صحي اكثر ...
بشكل عام المكان حلو والاكل حلو بس فيه اماكن احلى واطعم بنظري ، الشي اللي مااحبه في اي مطعم انه فيه شيشه
وهذا اللي ابد مااتقبله ، ولا حبيت اننا اول ماجلسنا على طول الجرسون سالنا تبون شيشه ولا اكل ،
هو اولا اشكالنا مو تبع شيشه و ثانيا اللي مثلا مثلا وده راح يطلب انت بكل الحالات راح تجيب المنيو ...
هو مااعرف انا بس ولا فيه احد مثلي انا احب اروح المطاعم صح اني باكل بس احب اعيش تجربه حلوه ،
وشي جديد و مااحب اشوف شي مايعجبني ... بس هذا رايي بالاول والاخير ..
ليست هناك تعليقات:
إرسال تعليق