السلام عليكم
اليوم ريفيو لشيء بصراحه متحمسه عليه ، مزيل ومقشر للجلد اللي حوالي الاظافر من سالي هانسن بالذهب
منتجنا اليوم يوعدنا بانه مقشر و مرطب للكيوتكلز او الجلد اللي حوالي الاظفر ب ذهب عيار ١٨
هذا شكله .. هو عصار نضغط شوي ويطلع لنا مقشر الذهب
الحلو فيه انه ٢ في ١ ، جل مقشر + القطعه البيضا هي الاداه الخاصه ب التقشير + اداه تنظيف الاظفر من الجلد الميت
نفس الاعواد الخشب
طريقة استعماله :
نضغط شوي ويطلع لنا المقشر ونحطه على الاظفر والجلد ، خليه كم ثانيه وابدي بعدها بالراس الابيض قشري
الجلد الميت بس شوي شوي بحركه دائرية ..
بتشوفين بنفسك انه الجل جف و الجلد بدا يتقشر معاك مثل الصوره اللي تحت
بعد ماتخلصين ، اخذي مقص الكيوتكلز وقصي الاشياء الزايده فقط مو تقصين الجلد
اغسلي ايدك بالماي و رطبيها زين اول رطبي الجلد باي زيت انتي تستخدمينه للاظافر + كريم اليد الخاص فيك
الافضل غسل اليدين لانه الجل ممكن يلزق او يدبق شوي + انه مااحب انه يبقى شي من الماده على ايدي عشان مايتقشر مكان ماابيه يتقشر ..
...
وهنا صوره لايدي قبل وبعد
عن نفسي حبيت النتيجه جدا ، سهله وسريعه وماتاخذ وقت ابد في اقل من ٥ دقائق خلصت ايدي وبديت بالايد الثانية
النتيجة حلوه وراضيه عنها .. وتقلل شوي من روحتي للصالون ..
وممكن تلاحظون شوي فيه بعد كيوتكلز شوي بس مااحب اقص وايد ، انا اقص الزايد بس
رايي عنه بشكل عام :
- سريع وفعلا يقشر الجلد الميت .
- عملي كل شي موجود فيه المقشر و اداه التقشر .
- تحتاجين كمية صغيرة منه على كل اظفر ، ويعني احسه اقتصادي .
- هم كاتبين انه مرطب للجلد ، صراحه لا ابدا ابدا مو مرطب .. لانه تعمدت اخلي ايدي بدون ترطيب وجفت .
- تحتاجين ترطيب بعده .
- الذهب بصراحه ماشفت له اي داعي ، لانه الجل فيه مقشر يكفي .
سعره ب ٤٩ درهم
ومتوفر باي مكان يوفر منتجات سالي هانسن
