Huil Prodigieuse Nuxe | زيت نوكس

Huil Prodigieuse Nuxe | زيت نوكس 

السلام عليكم 

نوكس Nuxe ماركة فرنسية مشهورة ومعروفة في العالم كله ، تعرف هالماركة انها تستخدم كل شي من النباتات 

وهذا شي جميل ... 

وهالماركة عندهم منتج مشهور جدا وهو افضل منتج مبيعا .. 

زيت نوكس متعدد الاستعمالات ..Huil Prodigieuse Nuxe

من احب الزيوت على قلبي ... 

زيت نوكس هو الزيت الجاف المكون من زيوت نباتية وهو زيت متعدد الاستخدامات وآمن على الاطفال 

الزيت هذا خليط من ٦ زيوت اهمها المكاديميا ، البندق ، واللوز الحلو ، ايضا فيه فيتامين اي الممتاز للبشرة . 

يستخدم للجسم ، الشعر وبشرة الوجة  .

شخصيا افضل استخدامه فقط للجسم .. 

ارشه على كل جسمي وخصوصا بعد الشاور ولانه زيت جاف بسرعه الجسم يتشربه ولا يترك اثر دهني علي الجسم 

وممكن بعدها شوي من اي كريم للجسم عندك .. وخلاص الترطيب والنعومة ليوم كامل باذن الله 

احب ترطيب هالزيت ويخلي البشرة فيها حيوية 

ووايد جربوا هالطريقة وحبوها .. اصلا اذا حطيتي الزيت وبعدها كريمك المفضل الكريم بسرعه يمشي علي البشرة ويدخل فيها .. 

وفيه نوع ثاني من نفس هالزيت يكون فيه لمعة للجسم وحلو هالشي للسهرات .. 

هالزيت فيه ميزة بعد انه ريحته جدا جدا جمييييلة واللي شخصيا افضلها واحبها .. 

مزيج بين زهرة البرتقال والخوخ ك نوته علوية و الوسطى ورد ومسك والماغنوليا و القاعدة 

جوز هند و الفانيلا .. 

خلطة جميلة جدا والريحة ناعمة ... 

ومن كثر ما الناس حبت ريحة الزيت ماركة نوكس نزلت عطر بنفس ريحة هالزيت .. 

Prodigieuse le perfum

وطبعا لازم يكون عندي .. لاني احب ريحته .. 

ماركة نوكس متوفرة بكل الصيدليات و ايضا في سيفورا 

Nuxe Micellar Cleansing Water

Nuxe Micellar Cleansing Water 

السلام عليكم 

مزيل المكياج من نوكس ..

في رمضان تواصلوا معاي ماركة نوكس وحبوا انهم يرسلون لي منتجات اجربها .. ونوكس ماركة فرنسية ومعروفة ..

ونزلت صورة في الانستقرام عن منتجنا اليوم ، وقلت لكم بجربه واكتب رائي فيه .. تقريبا باقي ربع العلبة واخلصها ف قدرت احكم عليه بشكل ممتاز .. 

+ يناسب البشرة الحساسة .
+ للوجة والعيون والشفايف .
+ له رائحة الورد ، بس خفيفة وماتزعج .
+لون الماء على اصفر شوي .
+ ماسبب لي حساسية لعيني الحساسة .
+المنتج يزيل المكياج و ينقي البشرة و ينعمها ، ماله اثر زيتي ابدا لانه اصلا ماى .
+ ماركة نوكس متوفرة باغلب الصيدليات .
+ له حجمين ال ١٠٠ مل اللي معاي و فيه ٢٠٠ مل . 


رائيي عنه : 

انا جربته في رمضان والعيد ولحد الحين ، يشكل مكياج الوجة كله ولا يترك شي ، يشيل الكونسيلر الثقيل بدون اي مشكله ..
ويشيل مكياج العيون ، بس اذا كان الميك اب ثقيل مو كله بصراحة ، يبقى كحل خفيف عند خط الرموش ، وبعد يبٍقى شوي من الماسكرا ، مع اني اغرق القطنة بالمنتج واحطها على عيني عشان يبدا كل شي يتفكك وسهل المسح ، لاني مااحب امسح بقوه ...

واذا غسلت وجهي بالغسول بعدها ، الاقي اثر بعد للماسكرا والكحل ، وهالشي ماعجبني بصراحة .. 

ف اللي تستخدم كحل او ماسكرا ضد الماي مااتوقع يناسبها .. 


هل راح اشترية ، بصراحة لا .. فيه افضل منه بالنسبة لي انا .. 
يعني فيه انواع انا اشوف انها ممتازة وتناسبني وماتناسب البنات ، ف لازم تعرفين انه مو كل شي يناسبني راح يناسبك وكذالك العكس .. 

وبس هذا كل شي .. اذا جربيته اكتبي لي تجربك عشان نستفيد ..