Problem Skin Scrub from Herbline Essentials

السلام عليكم .. 

ريفيو كان المفروض اسويه من زمان ، بس انا بطبعي احب اجرب المنتج اكثر من مره او لين اخلصه عشان اقدر

احكم عليه ، مو من الناس اللي تحكم على الشي بسرعه .. 

اليوم منتجنا سكراب او مقشر للوجه من هيرب لاين Problem Skin Scrub

المقشر يوعدك بانه راح يشيل كل مشاكل بشرتك .. 

- مقشر مناسب لجميع انواع البشرة .

- مصنوع من مواد طبيعية وعضوية .

- المواد الداخلة في صناعة المقشر هي : 

           ماء - شمع النخيل - طين - زيت عباد الشمس - كركم - قشور الجوز 

اللي راح نلاحظه انه المواد كلها طبيعيه وهذا شي حلو ويطمن .. 

طريقة الاستخدام : 

تحطينة على وجه مبلول بماء دافي ، وتفردين كميه صغيره على كل وجههك ، ماعادا منطقة العيون 

وتحركين اصابعك بشكل دائري بخفففه وبعدها غسل الوجه بماء دافي . 

أو 

تحطينه وتتركينه يجف على وجههك " ك ماسك " وبعد مايجف تماما تغسلينه بماء دافي .. 

عدد مرات الاستخدام : 

من مره الى مرتين بالاسبوع 

+ الكميه اللي بالصوره مناسبه جدا للوجه كله .. 

رائيي فيه : 

- له رائحه " ممكن مو الكل يتقبلها " بس تروح بعد الغسيل بفتره ، ريحته تشبه كريم ميبو للحروق .

- يترك الوجه ناعم بعد كل استخدام .

- ينشف الاماكن الدهنية اللي بالوجه .

- ينشف الحبوب .

- يقشر بشكل جميل ولطيف ابد ابد مو قوي على البشرة .

- يشيل الجلد الميت او اذا كان عندك اماكن او بقع جافه يشيله من اول مره . 

عن نفسي حبيته ومناسبني جدا ، ماسسب لي اي تهيج او احمرار .

ممكن ارجع اشتريه .. 

مكان تواجده : 

عن طريق الطلب من موقعهم هنا 

او 

في صيدلة بوتس في دبي . 

سعره اذا ماكنت غلطانه ١٤٠ درهم 

Herbline Essentials هيرب لاين إسنتشيالز

هيرب لاين إسنتشيالز هي مجموعة من منتجات التجميل الطبيعية للوجه والجسم و الشعر.

جميع المنتجات مصنوعة من مكونات طبيعية 100 ٪ مستخلصة من جبال الهيمالايا وعلى مبادئ الأيورفيدا لتوفر الفائدة على المدى الطويل لصحة الجسم .

الحلو في هذي الشركه انه جميع منجاتها خاليه من  البارابين والبارافين وماتختبر منتجاتها على الحيوانات ، ومصنوعه في الامارات .

وصلتني هالكيسه الجميله منهم ، اولا حبيت التصميم هو بسيط بس آحب التصاميم اللي اساسها اللون الرمادي بدرجاته . 

نشوف محتوياتها : 

ارسلو لي ٤ منتجات ، ٢ اخترتهم بنفسي و٢ هم اختاروه لي للي يناسب بشرتي 

من اليمين : 

- تونك بماء الورد والخيار للبشره العاديه والجافه . 

- جل للعيون مناسب لجميع انواع البشرات . 

- مقشر لمعالجه مشاكل البشره للبشره العاديه الى الدهنيه .

- مرطب للشفايف . 

انا اخترت المقشر و المرطب ، وبصراحه جربت كل شي ولحد الان حلوين بشرتي ماتضررت منهم بشي 

بس اكيد بكمل فيهم وبكتب رائي الصريح فيهم . 

الماركه هذي موجوده في اغلب الصيدليات بالامارات او ممكن تطلبون من الموقع الشحن مجاني لداخل الامارات 

ولخارج الامارات تحسب تكلفه الشحن . 

الموقع الرسمي وممكن الطلب منه :www.herbline-essentials.com

الفيس بوك : www.facebook.com/HerblineEssentialsArabia

تويتر : www.twitter.com/hessentials

،،

لاتنسوا الاشتراك بالمدونه عشان يوصلكم كل جديد