Cailyn Cosmetics || ماركة كيلن

Cailyn Cosmetics || ماركة كيلن

السلام عليكم 

حبيت اعرفكم علي ماركة جديدة علينا في سوقنا الخليجي Cailyn Cosmetics  ماركة كيلن

الماركة ماشاء الله بدت تنتشر اكثر بدايتها كانت في الكويت والحين الامارات ، ولاني دايما اسمع عن الماركة انها ممتازة وجودتها عالية ف حبيت ازورهم واشوف واجرب الماركة بنفسي .. 

لهم محل خاص داخل محلات دبنهامز في كل الامارات ، ف رحت الفرع اللي في دبي مول 

وصورت لكم المكان وبعض المنتجات اللي حبيتها .. 

اول شي تصميم الماركة والتعليب كله بسيط بس عملي بنفس الوقت ، راح تشوفون كحل مع فرشته الخاصة

باودر مع فرشته الخاصة .. 

والماركة ماشاء الله جودة منتجاتهم جدا جدا عالية وانصح فيها ، بما اني جربت كذا شغلة بس الماركة تستااااهل 

الاكحال .. فيه اكثر من شكل القلم العادي و فيه الجل .. القلم جربته في المحل وممتااااز بصراحه ، اما الجل كان عندي منه من قبل اللون الاسود والزيتي ، شي رااااائع جدا الجل لاينر فرشته منه وفيه اللي فوق فرشة وتحت الجل نفسه .. 

واحب هالفكرة جدا .. خصوصي انه الفرشة ممتازة .. 

ونفس شكل التعليب فيه الارواج ، عندهم خيارات منوعة من الارواج بجميييع الانواع العادية والمات والسائلة و العادية واللمعة وكل شي .. 

هم ماشاء الله متميززين في الارواج وفعلا احترت شنو اخذ وشنو اجرب من كثرهم .. الروج اللي بالصورة مكتوب انه لب بالم ، بس ابدا هو مش لب بالم روج عادي بس جمييييل جدا .. اعجبني بصراحة .. 

حاولت بهالصورة اطلع كل الارواج اللي عندهم بس للاسف ماقدرت هم اكثر من اللي تشوفونه .. 

فيه الوان مجنونة مثل الازرق الاصفر الاخضر والاسود ، وغير باقي الدرجات اليومية .. الارواج اللي على شكل قلم حلوين للاستخدام اليومي .. بعد حبيتهم .. 

وهذا الشي الجميل جدا وبعد من المنتجات اللي تنباع بشكل حلو ، cocoon Lip Stain .. مثل القلوس تحطينه على الشفايف لفترة واذا جف تشيلين الطبقة ويبقى الاثر للروج جدا حلو هالمنتج .. وفيه منه باكثر من لون .. 

الارواج السائلة والمات ، صعب اقولكم عن جمالهم شي ماشاء الله رائع جدا جدا ، انتوا تتخيلون انه عندهم منهم ٨٤ لون

ماشاء الله تبارك الله ٨٤ درجة من الارواج ومش درجات غريبة ومحد يحطها لالا لا درجات الكل يقدر يستخدمها وبشكل يومي ، المشكله انه الستاند مايكفي كل هالدرجات للاسف الشديد .. كل درجة تبينها بتلاقينها .. الالوان النيود فيه حوالي ال ٢٠ درجة .. شي ماشاء الله روعه .. بكتب بعدين تجربتي مع الدرجات اللي عندي بالتفاصيل ..

..

وعندهم مجموعة للايشدو ، هذا اللي بالصورة شي قاتل ، اللمعة جميلة جدا جدا ، للاسف نسيت اصورها على ايدي بس بمر المحل مره ثانية واصور لكم ، كمية بسيطة منه ممكن تغير لج اللوك بالكامل .. شي لذيذ 

واجمل شي خليته للاخيييير ، باليت كونتور ، بس فيه اكثر من ميزه حلوه ، فيه كنتور واضاءه و بودرة للوجة .. 

وبعد برايمر للوجه .. الباليت عملي صراحة وفيه اكثر من شي ممتاز للسفر لانه فيه كل الأساسيات .. 

وهذي الاشياء اللي عندي من هالماركة ، والماركة بعد انشهرت بالفرش الجميلة جدا خصوصي الفرشة اللي بالصورة 

ووايد لها تقليد بس الاصل من عندهم طبعا .. باختصار هالفرشة سحر في فرشة ، ناعمة على الوجه بشكل وحلوه لكل شي

كونسيلر ، كريم الاساس وكنتور .. واااايد حلوه .. وعندهم فرش بعد ثانية بس مااخذتهم بس بحط لكم موقع الماركة وتقدرون تشوفون كل شي عندهم .. 

http://www.cailyncosmetics.com

تزيّني في أكتوبر الوردي مع «لايف ستايل»‎

ب ٧٠ درهم  

ب ٣٥ درهم  

ب ٣٥ درهم

ب ٤٢ درهم

ب ٣٥ درهم  

ب ٣٦ درهم 

ب ٤٠ درهم 

ب ٢٩ درهم 

"لايف ستايل" تقدم مستحضرات التجميل Misslyn لأول مرة في الإمارات‎

"لايف ستايل" تقدم مستحضرات التجميل Misslyn لأول مرة في الإمارات‎

قامت "لايف ستايل" بإطلاق علامة Misslyn المختصة بمستحضرات التجميل والماكياج للشابات اللواتي ينبضن بالأنوثة والحيوية، وتتميّز علامة Misslyn بمجموعتها المستوحاة من كل جديد في عالم الموضة والمشاهير لتمنح كل فتاة فرصة التمتع بإطلالة الفنانات الجذابة والفاتنة. 

وتضم مجموعة مستحضرات Misslyn تشكيلة واسعة من كريمات BB والكونسيلر والبودرة المضغوطة وحمرة الخدود وغيرها من المستحضرات التي تدوم لفترة تصل إلى 24 ساعة، كما تضم المجموعة مستحضرات العناية بالبشرة وكريمات الأساس المضغوطة لتمنحك بشرة صافية ومشعة، بالإضافة إلى كريمات إخفاء العيوب وكريمات معالجة منطقة تحت العيون إلى جانب العديد من المنتجات الأخرى.

ولا تتوقف مجموعة Misslyn عند ذلك فحسب بل تضم منتجات مختارة للماكياج مثل الماسكارا ومحدد العيون وظل العيون ومحدد الحواجب والرموش وغيرها من أدوات الماكياج المبتكرة، وتتميّز مستحضرات Misslyn بألوانها الساحرة من الكحل وظلال العيون وأقلام تحديد العيون لتمزجي بينها وتحصلي على إطلالتك الساحرة.

كما تضم مستحضرات الماكياج مجموعة واسعة من حمرة الشفاه وملمع الشفاه وأقلام تحديد الشفاه والتي تأتي جنباً إلى جنب مع منتجات العناية بالأظافر وألوان واسعة لطلاء الأظافر العصرية كالألوان الكلاسيكية والمعدنية وألوان النود الجديدة.

تتوفر جميع مستحضرات Misslyn لدى متاجر "لايف ستايل" في سنتر بوينت برجمان والعين مول ومردف سيتي سنتر ومشرف مول ودبي فيستيفال سيتي بالإضافة إلى عرض خاص عند شرائكم بقيمة 150 درهم أو أكثر ستحصلون على قلم تحديد العيون وملمع غني مع حقيبة هدية من Misslyn.

Review : Shimmer Brick Compact in Bronze Bobbi Brown

السلام عليكم 

Shimmer Brick Compact in Bronze Bobbi Brown

ريفيو اليوم عن شي جميل جدا جدا 

هايلايتر من بوبي براون ، هالماركه الانيقه 

جربت منها كذا شي اساس ، كوريكتر ، كونسيلر ، كريمات للوجه والعين 

كل شي جميل منهم ، الا من فتره صار الكونسيلر يخطط بس مناسب اختي وممتاز معاها . 

كنت مسافره على خطوط طيران الامارات واستغليت طبعا العروض الموجوده 

ولقيت عرضين جميلين على بوبي براون الاول ل لكحل الجل اسود وبني مع فرشه صغيره لرسم الكحل 

والعرض الثاني وبتكلم عنه اليوم هايلاتر جميل جدا مع فرشه للوجه

وتقريبا اذا مو غلطانه الاسعار كانت بين ال ٢٥٠ الى ٣٠٠ درهم مو اكثر ولا اقل 

ويعتر لقطه . 

....

العلبه انيقه جدا من البلاستك الاسود مع مرايه حجمها جدا حلو والعلبه سهله الفتح . 

 الاستخدامات : 

- هايلاتير طبعا ممكن تدمجين الالوان كلها سوا وتعطي نتيجه خياليه بروز على ذهبي 

او 

    مثل ماانا احب استخدمه اني اخذ الفرشه وامشيها على اول ٣ الوان من فوق واحط على اعلى مكان

في الخد وبعدها امرر الفرشه مره ثانيه على ٣ الوان الباقيه واحطه بمكان الكنتور  اللون واللوك فتنه 

- ظل للعيون ايه ظل للعيون جميل جدا اختاري اي لون وحطيه كظل وروعه واحب اخذ اول لون واحطه تحت الحاجب

للسهره يعني اضاءه حلوه للحاجب .

- احط منه في السهرات او الاعراس على جسمي بفرشه كبيره وجميل جدااااا 

على الرقبه و الكتوف 

- وبعد يستخدم كبلاشر واحب حلو مع الدرجات الثانيه خصوصي انه فيه منه فوشي ومشمشي ف بيصلح كبلاشر 

...

-القليل منه كفي ويبقى ثابت على الوجه ، مسحه خفيفه تعطي نتيجه حلوه .

-يعطي لوك لبشره صحيه ونظره لوك ديوي .

-اللي عندها مسامات واسعه تبعد المنتج شوي عن المسامات لانه اي شيمر يبين المسامات 

-بس ممكن استخدام خافي للمسامات مثل بروفيشنال من بنفت ممتاز لحل هالمشكله . 

-درجه البروز تناااسب جميع البشرات بجميع الدرجات . 

فيه شغله بنوه عنها 

الهايلاتر سهل الكسر على كلام كذا وحده حتى قريبتي انكسر عندها 

انا الحمدلله ماعانيت من هالشي بس الافضل احفظوه بعلبته عند التنقل 

وفيه مثل الفلين فوق الهايلاتر خلوه دايم لانه هو اللي يحميه من الكسر 

الخلاصه هايلاتير انصح اي وحده يكون عندها ويكون من الاساسيات 

لانه رائع واكيد بشتريه مره ثانيه اذا خلص 

مع اني كثير استخدمه بس مو باين اني استخدمه وكانه جديد مع انه صار له سنه وشوي عندي

منتج اقتصادي جدا وسعره فيه 

بس اللي اعرفه انه اسعار بوبي براون كل مالها وتصير اغلى .

( التصوير كان باضاءه الشمس وماحطيت تاثير او تشبع لوني للصور عشان تشوفون الدرجه صح ) 

Review Mavala Double Lash - مراجعه لماسكرا مافالا للرموش

السلام عليكم 

ريفو او مراجعه لماسكرا مافالا للرموش والحواجب 

سيروم يوضع ليلا على الرموش والحواجب ومختبر من دكتور للعيون يعني امن ولا منه خوف

يساعد على كثافه الرموش والحواجب وتطويلهم .. 

علبته زجاج وهالشي حلو وعجبني بعد انه الفرشه مثل فرشه الماسكرا  يعني سهله وسريعه ماتاخذ وقت 

اهم شي يوضع على رموش وحواجب نظيفه 

وبالنسبه لي منتج احبه وشفت فرق بصراحه رموشي صارت اطول وبدت تصير اكثف وهالشي جدا حابته 

واستخدمته على حواجبي لانه عندي فراغات وابي اعبيهم ماشفت اختلاف كبير بس فيه تحسن 

الحواجب تطول بسرعه بس الفراغات احس يبي لها وقت لين تتعبى

اعطيه ١٠/١٠

مكان الشراء: قزاز الظهران مول

السعر: ٥٣ ريال واذا فيه عروض ٤٥ ريال