Project Pan All L'occitane \ Update 2

Project Pan All L'occitane \ Update 2 

السلام عليكم 

انا تاخرت جدا في هالموضوع واللي المفروض ينزل من شهر بس كنت كسوله واعترف بهالشي 

وللاسف ماكملت والتزمت اني استخدم منتجات لوكستيان كلها اللي عندي بس خلصت ٦ منتجات 

المجموع الاصلي كان ٤٩ منتج .. واخر موضوع هنا خلصت ١٤ منتج 

واليوم خلصت ٧ ف المجموع النهائي  اللي عندي ٢٨ منتج ، صح وايد لحد الحين بس ماعليه خلصت 

٢١ منتج وهذا يعتبر شي جميل جدا والحمدلله .. صح تمنيت اني خلصت اكثر بس ماعليه 

بخلصهم باذن الله .. 

الموضوع الاول 

الموضوع الثاني 

- كريم الجسمNÉROLI & ORCHIDÉE

انا اولا اعشق هالريحة فحبيت كريم الجسم هو خفيف وسائل شوي بس ترطيبة حلو للجسم ومعطر ، مناسب للاستخدام مع العطر . 

- كريم القدم من لوكسيتان فيه زبدة الشيا بنسبة ١٥ بالمية ، وهالرقم جدا حلو ، انا استخدمه تقريبا يوميا 

ترطيبة حلو يرطب القدم وابدا مو ثقيل .. غير دبق 

..

- مرطب للشفايف ، بنسبة الشيا ١٠ بالمية ، ترطيبة خفيف بس يعطي شويه لمعة للشفايف .. 

- عطرNÉROLI & ORCHIDÉE ، جميل جدا ومن العطور اللي احبها وافضلها في لوكستيان .

..

- شور جل من مجموعةVERBENA حلوه جدا هالمجموعة ومنعشة .. 

اذا بشتري باخذ الشاور جل بس الكريم حسيت ريحته قويه شوي واصدع منها ..

وبعد خلصت صابونه اللي على شكل ورقة حبيتها لانه فيها مقشر بعد .. 

- صابونة الحليب ، هذي جدا جدا جدا حلوووووه ومن احلى الانواع اللي عندي ، ريحتها هادية جدا وترطب الجسم 

جدا جدا حابتها .. 

..

وبس هذا كل اللي خلصته في هالفترة من لوكستيان 

واذا خلصت شي منهم بعد راح تشوفونه في مواضيع الاشياء اللي خلصتها .

Project Pan All L'occitane \ Update 1

Project Pan All L'occitane \ Update 1 

السلام عليكم 

اشتقت للكتابة !! وادري اني مقصرة في حق المدونة لكن كل شي راح يتغير باذن الله للافضل 

اذا تذكرون من شهر بالضبط نزلت موضوع عن كل منتجات لوكستيان اللي عندي وقلت اني راح استخدمها كلها

قد مااقدر لمده ٣ شهور و النتيجة باذن الله راح تكون بتاريخ ٩ - ٨ 

وان شاء الله اكون حققت هدفي  اللي ماشاف الموضوع ممكن من هنااااا 

هم ٤٩ منتج منتوعة بين الاحجام العادية والوسط والعينات ، ف بديت ب اصغر الاشياء وكملت على الاشياء اللي انا كنت اصلا استخدمها .. ولله الحمد خلصت ١٤ منتج .. ورقم جدا جميل و راضيه عنه 

ومثل ماوعدتكم كل منتج اخلصه بكتب رائي فيه بشكل كامل 

...

- IMMORTELLE ESSENTIAL WATER|مياه الخلود الأساسيّة

تونر للبشرة استخدمه بعد مااغسل وجهي يشكل كل بقايا الميك اب والاوساخ اللي بقت .. استخدمه يوميا الصبح والمساء

تونر خالي من الكحول .. مفعوله حلو وخفيف علي البشرة .. 

هل برجع اشترية ؟ لا لانه عادي جدا واستخدمت الاحلى منه .. صح ينظف وينقى البشرة بس مو وااااو .. 

- عطر FOLIE FLORALE من زهر الكرز

جميل وخفيف عجبني جدا للصباح وللبيت بعد الشاور .. ناعم جدا ولا يزعج .. 

هل برجع اشترية ؟ ممكن ليش لا .. بس حاليا لا عندي عطور وابي استخدمها قبل مااشتري شي ..

...

مجموعة VERBENA

عندي منها كريم الايدين - شاور جل - لوشن - وصابونه صغيرة وصابونة كبيرة ..

خلصت كريم الايدين و شاور جل واحد .. و ٢ لوشن .. بصراحة كنت احب ريحه المجموعة بس يوم استخدمتها كلها مع بعض، بديت اصدع من قوة الريحة خصوصي اللوشن ، اما الصابون والشاور جل عادي ممكن ارجع اشتري منه لانه منعش وحلوه الريحة بالحمام .. 

باقي لي من هالمجموعة " صابونة على شكل ورقة وحاليا استخدمها - صابونه كبيرة - شاور جل استخدمه حاليا " 

وعندي ملاحظة على العلبة قاسية وماتقدرين تضغطين عليها عشان يطلع الكريم ف تعبتني شوي ..

....

- SHEA BUTTER BODY LOTION || لوشن الجسم بزبدة الشيا

هذا اللي اقول ويني عنه من زمااااان .. مرطب للجسم فيه زبدة الشيا بنسبة ١٥ بالمية ، ترطيبة جدا حلو ، والجسم يتشربة ويبقى مترطب .. وفيه ريحة خفيفة نفس ريحة زبدة الشيا العادية اللي عندهم 

هذا لازم ارجع اشترية .. 

- SHEA BUTTER LIP BALM STICK||إصبع بلسم الشّفاه من زبدة الشيا

مرطب للشفايف ، هذا كله زبدة شيا بالكامل ، يعتبر مرطب ثقيل بس ساعات احبه وساعات لا 

لانه بعض الاوقات تكون شفايفي متقشرة بحكم التقويم بس مايرطبها لي بالشكل اللي احبه 

ف مااتوقع اني برجع اشترية ..

- سامبل كريم للوجة بالشيا 

هذا للبشرة الجافة جدا ، ثقيل وصج يرطب واحسه ممتاز للي بشرتها جدا جافة او تستخدم الروكاتان ..

بس لي كان وايد ثقيل كنت احط منه نتفة على وجهي على المناطق الجافة فقط .. 

مااتوقع اشترية لانه ترتطيبة قوي ومايناسب بشرتي 

..

شامبو وبسلم من مجموعة مصحّح للشّعر الجاف والمتضرّر

انا جربت من قبل الشامبو والبلسم بس ك سابل وعجبوني 

بس يوم استخدمت هالعينات الوسط ، يعني بصراحة صح الشامبو ينظف الشعر زين بس ماادري فيه شي ماحبيته ، لانه فيه زيوت ف كان شوي يدهن شعري اسرع بحكم انه شعري اصلا دهني .. بس البلسم جدا جدا حلو .. 

ممكن ارجع اشتري بس البلسم .. 

...

- كريم مرطب للوجه .

دورت عنه اكثر اب اشوف الحجم الكبير بس مالقيته يمكن شالوه ونزلوا بدالة اللي فوق العينة اللي قلت لكم انه يناسب البشرة الجافة اكثر .. نفس التركيبة و الريحة .. ك تركطيب بطل بس مايناسبني انا .. بس جدا حلو للبشرات الجافة جدا ..

- كريم مهدئ للوجه بزبدة الشيا

كريم للوجه فيه نسبة الشيا ٥ بالمية ، ويعتبر مرطب جدا ممتاز ، استخدمته اكثر شي في وقت كان فيه جونا ابرد من الحين 

لكن يوم بدا الجو يصير حار احتجت اغير المرطب .. بس هالمنتج كترطيب جدا جدا حلو وتحتاجين كمية بسيطه جدا منه ويرطب كل الوجه .. راح يناسب البشرات الجافة اكثر .. انا بشرتي مختلطة الى جافة .. بس عن التي زون بشرتي تدهن اكثر اذا حطيته .. ف صرت احطه بالاماكن الجافة بس واصلا كان فيه شوي لاني كنت استخدمه اغلبة من قبل 

بس انصح فيه اكثر للبشرات الجافة .. واصلا هالمجموعة الجديدة واااايد حلوه للبشرات الجافة 

....

وهذي هي المنتجات اللي خلصتها خلال شهر من منتجات لوكستيان .. راح ننتظر الشهر الجاي ونشوف شنو خلصت 

خصوصي انه اغلب الاشياء الصغيرة خلصت .. وراح نبدا بالمنتجات اللي بالجحم الاكبر .. بس ماعليه تحدي جميل 

نستخدم كل المنتجات اللي عندنا ونعرف فعلا اذا كانت تعجبنا او لا عشان نعيد شرائها ..

كانوا ٤٩ منتج - خلصت ١٤ منتج = والباقي ٣٥ منتج .. 

واللي يحب يجرب منتجات لوكستيان ترى عندهم موقع الكتروني ويوصلون لكم 

والدفع عند الاستلام 

                                        موقع لوكستيان الالكتروني

٤ خطوات لمعالجة جفاف اليدين

٤ خطوات لمعالجة جفاف اليدين 

السلام عليكم 

جفاف اليدين ، واللي نعاني منه حاليا بسسب جونا الجميل ، خصوصي اليوم في دبي 

الله يديم علينا هالاجواء الجميلة .. 

٤ خطوات سهله وسريع ماتاخذ وقت ابد ١٠ دقايق وانتي مخلصة 

١- تقشير اليدين : 

باي مقشر عندك ، او انتي سويه شوية سكر مع زيت زيتون وخلاص ، قشري ايدك وهي جافة لا تبللينها بماي

عشان تتقشر عدل وكل الجلد الميت يروح . 

٢- ترطيب الجلد اللي حوالي الاظافر :

باي زيت عندك ، انا عندي هذا اخذته من الصالون وحلو للجلد عشان يرطبة زين ولا يخليه جاف ويتقشر مع الوقت 

وشكل الاظافر مايكون حلو وقتها . 

اذا ماعندك " اسهل واحلى طريقة ، علبة وحطي فيها شوي زيت زيتون وخلي اصابعك فيها لمدة ٥ دقايق،

كانه حمام زيت لاظافرك " ترى طريقة حلوة جربوها " 

٣- ترطيب الاماكن اللي جافة :

تاخذين شوي من زبدة الشيا وتحطينها على المفاصل ، لانها هي تكون جافة اكثر ، وتحتاج ترطيب قوي .

٤- ترطيب اليدين : 

باي كريم عندك مخصص لليدين او للجسم ، حطيه على كل اليدين وسوي لهم مساج بنفس الوقت عشان 

يتغلغل الكريم الى داخل الجلد . 

وبس هذي ال ٤ خطوات سهلة وسريعة ، وتخلي ايدك ناعمة ولا تعاني من جفاف باذن الله .