ترتيب و تنظيم جزء من ملابسي
السلام عليكم
الحمدلله على كل النعم اللى ربي منعم علينا فيها ، الف الحمدلله عليها وعساها نعمه تدوم للابد
في هالفترة انا عندي حملة تنظيم وترتيب غرفتي ، ف اول قرار اني مااشتري شي هالفترة الا اللي محتاجة له فقط
لاني اكتشف انه عندي اشياء وايد ولا اقدر استخدمهم مثال يعني الميك اب والعناية
ف كان قراري اني مااشتري شي لمدة ٤ شهور ، ادري شوي صدمة حتي لنفسي يعني
بس اذا ماسويت هالشي برجع اشتري مني ومناك على الاساس اجرب وغيره بس خلاص ٤ شهور باذن الله
مااشتري استخدم فقط ...
وهالشي خلاني اشوف اماكن ثانية بالغرفة مزززدحمة ، مثل كبت الملابس ، صراحة اتمنى انه يكون عندي
غرفة خاصة للملابس بس للاسف ماعندي هالشي حاليا ، ف الواحد لازم يستغل المساحة اللي عنده بس بطريقة حلوه
الموضوع اليوم عن طريقة ترتيب جزء من الكبت وهو الخاص بالقمصان و البلايز والبناطيل والتنانير
...
هذا المنظر بالبداية
حوسه شوي ،مو مرتب ، اول شي سويته اني طلعت كل شي بره ، نظفت كل شي من الداخل
وعطرته بعد ..
بعدها بديت اولا اني اشوف كل قطعة ملابس ، اللي ابيه او لا
واللي يبي له تصليح او تعديل بسيط ، لاني ساعات اشتري الشي ومايكون قياسي مضبوط
ف خليت كيسين قريب مني ، شي للتبرع فيه والثاني للخياط عشان يضبطة
وكملت لين خلصت كل شي .. بعدها بديت بالترتيب ..
اشتريت هالاشياء الجميلة والمفيدة من محل تشيبو ، هالمحل بكبره احبه
اخذت منظمات للمبلابس ب ٣ اشكال .. كل قطعة سعرها ب ١٩ درهم بس
الاول للقمصان ، وهو اللي احتاجة اكثر
كلهم مرتبين مع بعض ،
الحلو بهذا احسه مناسب للي تداوم يوميا
ممكن تاخذين ٢ منه ، وترتبين ملابسك للدوام فيه من قبل ، يعني القميص مع التنورة لانه فيه مكان
تقدرين تحطين فيه التنورة او غيرها ، ويسهل عليك بدال ماكل يوم تفتين الكبت وتقررين شنو تلبسين
يوم في نهاية الاسبوع تقررين لبس الاسبوع كامل ، ترتيب وتنظيم للوقت بعد ..
...
والثاني للتنانير القصيرة
رتبتهم كلهم مع بعض
والثالث لل بناطيل
وصورت لكم البديل اللي كان عندي من قبل ، واخذته من محل هوم سنتر
..
تم الترتيب بس ابي اخذ منظم زياده بس مالقيت اخر مره رحت المحل
ف ماعليه ، اذا لقيت راح اخذ اللي ناقصني ..
...
وهذا الشكل النهائي ، يمكن مايكون مرتب لكم
لكن انا عارفة مكان كل شي ، وناوية اخذ منظمات اكثر وارتبة آكثر ، بس هذا اللي كان متوفر في المحل وقتها
...
بس اكثر شي حبيته اني بعد الترتيب وشلت كم قطعة خلاص مااحتاجها
طلعت ٣٠ علاق .. يسسسسسسسس
شعور جمييييل بالانجااااااز
اجمل شعور انك تحط لنفسك هدف وتقدر تحققة والحمدلله على هالشي ، لو كان شي بسيط جدا
بس المهم تحقق شي من اهدافك
