Ted Baker Sugar Sweet Collection

Ted Baker Sugar Sweet Collection

السلام عليكم 

تيد بيكر هالماركة الجميلة جدا ، احب هالماركة واشتري منها دايما من فترة نزلوا مجموعة العناية بالجسم 

للشاور وبعد الشاور .. بس هالمجموعة نزلت حصريا في صيدليات بوتس 

وعجبني هالشي لانه كل الماركتين من بريطانيا و هالتعاون حلو ..  

Ted Baker Sugar Sweet Collectio هالمجموعة تضم مجموعتين كل وحدة احلى عن الثانية 

الاولى مجموعة Fruity Floral Mint وهي اللي بتكلم عنها ، والثانية Soft Floral Pink ...

Fruity Floral Mint

ريحة هالمجموعة حلوه وناعمة ابدا مااحس انه فيها فواكهة ، شوي شوي سويت بس هادية الريحة مع شوي فانيلا وعنبر وباتشولي .. انا اعشق العنبر مع الباتشولي ..  الريحة جدا حلوه وثابته لكم ساعة .. حلوه جدا للبيت وبعد الشاور 

..

المجموعة تتكون من ٥ منتجات انا عندي ٤ منهم .. نشوفهم 

اول شي البودي سبرية .. وهذا انا اشوفه نجم المجموعة .. الريحة تقريبا تكون ثابتة لمدة ساعتين على الجسم والملابس  ..

سعره = ٥٠ درهم .

غسول الجسم .. ريحته قوية وقت الشاور بس الريحة تخف بعد فترة ، اذا مااستخدمتي المجموعة كاملة .. بس حلو وكمية راهية .. سعره = ٥٥ درهم .

رغوة الحمام او الببل باث ..  الريحة نفس الشي وترغي بشكل جدا حلو ، بس اللي ماحبيته انه العلبة زجاج ومااحب اي شي زجاج في الحمااام .. سعره = ٨٠ درهم .

نوصل للحب بودي سوفليه كريم للجسم بين الكريم العادي والزبدة .. جدا جدا حبيته وحبيت ترطيبة بسرعة البشرة تتشربة والريحة ثابته في الجسم .. عجبني جدا هو والسبرية وبرجع اشتريهم .. سعره = ٦٥ درهم .. 

وعندهم بعد لوشن للجسم بس انا احب الزبدة اكثر والسوفليه جميل جدا جربوه .. 

بشكل عام المجموعة حلوه جدا هذي المجموعة والثانية وكل الروايح حلوه وتستاهل التجربة ، كان عندي من المجموعة الوردية احجام صغيرة وخلصتها .. حبيتهم بعد .. 

تلقون كل المجموعتين و مجموعات خاصة بالهدايا تكون مع شنطة او غيره "  وحلو يعني تستفيدون من الشنط " في بوتس في كل الخليج ..