Munch Box

Munch Box

السلام عليكم 

خدمة جديدة في الامارات وفي دبي تحديدا ، علبة جديدة بس هالمرة شي صحي وطبيعي 

ويناسب الكل .. 

الكل يحب انه ياكل شي صحي ، وخصوصي السناك ، والمكسرات والفواكة المجففة احد السناكات الصحية 

ف فكرة الشركة هذي انها توصل لك سناك صحي تاكلينه ...

عندهم ٤ انواع :

١- بوكس المفاجأه " يوصلك البوكس وانتي ماتعرفين شنو السناك اللي داخلة ..

٢- الخفيف " مناسب لاصحاب الرجيم ، او اللي حابه تاكل شي خفيف بالسعرات الحرارية ".
٣- انتي تسوين البوكس الخاص فيك وتحطين اللي حابته .

وفيه خيار انك تجربين البوكس لمره وحده او يوصلك كل شهر مره او كل اسبوع مره .

انتي تحددين وش تحبين او تفضلين .

الشيء اللي عجبني انه كل سناك متوفر خالي من الغلوتين ، نباتي و غير مضاف لك سكر ، وهالشي ممتاز لانه راح يناسب اي شخص عنده مشكلة . 

وفيه تاريخ الصلاحية على كل علبة .

العلبة فيها ٦ علب صغيره تحتوي على المكسرات ، الفواكه المجففة و الشوكولاته .

وكل علبة مكتوب عليها الاسم ، نسبة البروتين ، السعرات الحراية .. مثل ماتشوفون بالصورة .

فيه انواع لذيذة جدا واعجبتني ، بس انا مو وايد احب الفواكة المجففه في البعض حبيته وفيه لا ، بس المكسرات لذيذه
شي محمص وشي عليه تتبيلة حلوووه ، اعجبوني ..

الخدمة بشكل عام حلوه ، وشي جميل انه يكون عندك سناك صحي وجاهز طول الوقت ..



هذا موقعهم http://www.munchbox.ae وطريقة الطلب سهلة وواضحة