عاقصة رموش من تويزرمان || Eyelash Curler by Tweezerman
السلام عليكم
كل بنت تتمنى انها تملك احلى رموش ، طويله وكثيفه ، وانا وحده منهم بكل صرحه
ندور على اساليب جديده تعطينا الجمال اللي نبيه
..
عاقصة الرموش شي ابدا مو جديد بس مفيد تناسب الكل
اللي رموشها قصيره توقفها و اللي رموشها كثيفه راح تكون ثقيله والعاقصه راح ترفعها
وطبعا تبين النتيجه الجميلة مع الماسكرا و فعلا تحسين بالفرق ، عيونك تكون لها نظره غير بالرموش الصح
..
اللي عندي من تويزرمان ، شركه معرفه ومشهوره بمنتجات التجميل
تجي بعلبة من البلاستيك القوي وتحتوي على نشره للمعلومات
و٣ قطع من السيلكون لاعاده التغيير عند التلف ..
مميزاتها :
- مسكتها مريحه جدا للاستخدام .
- سهله وسريعه ، والاداه نفسها قويه وتتحمل .
- سعرها حلو ، مقارنه بعدد الاستخدام واذا انتي من النوع اللي يهتم بادواته بتعمر معاك .
- مناسبه لاي عين واي نوع من الرموش .
- ابدا ابدا ماتقرص العين او اي شي ، تصميمها مناسب لعيني .
- ترفع وتقوس الرموش بشكل حلو ، وبعدها الماسكرا ياسلااام .
- فتحتها مناسبه انك تدخلين كل رمش بحيث انك ماتعيدين على المكان اكثر من مره .
طريقه الاستخدام :
- بعد ماتخلصين مكياج عيونك وقبل الماسكرا .
- افتحي العاقصه على الاخير دخلي رموشك كلها زين واضغطي ضغطه خفيفه ،
عشان تتاكيد انه ماراح تقرص عينك لاسمح الله .
- بعدها اضغطي ٣ مرات وحاولي تطولين شوي فيهم كم ثانيه فقط لا غير .
- بعدها حركيها لنص رموشك وكرري ال ٣ ضغطات .
- والنهايه لاطراف رموشك .
وبس
سعرها تقريبا ٩٠ او ٩٩ درهم مااذكر
..
نوريني معاهم واشتركي
..
ليست هناك تعليقات:
إرسال تعليق