السلام عليكم
Sephora Cream Lip Stain
أنا وحده اعشق الارواج المات وخصوصي اللي تكون ثابته ، وكثير سمعت عن هالروج وتقريبا الكل يمدحه
ماشفت احد ذمه ، فقررت اجربه ، اخذته من فرع سيفورا اللي دبي مول في رمضان .
شكله مثل اي علبه قلوس ، ريحته حلوه مع اني توقعت اني بشم ريحه مش حلوه لانه في الاغلب الارواج اللي
ثباتها عالي تكون فيها ريحه مزعجه شوي ، بس هذا لا حبيتها ريحه لطيفه وتختفي بعدها .
من مميزات هالروج انه بزيت الافوكادو .
نصيحه لازم تطبقونها على هالروج او اي روج مات و ثابت لساعات طويله :
حطي اول طبقه وخليها تنشف بالكااااامل بس ابد ابد ابد لا تطبقين شفايفك على بعض والروج بعده ماجف
لانه راح يخرب ثباته .
بعدها حطي طبقه ثانيه اذا حابه وخليها تنشف ، واذا بتصلحين اي غلط بالروج اول خليه ينشف زين
وبعدها عدلي عليه مثل ماتحبين .
بعد ماتنشف بالكامل مستحيل تطبع على اي شي ، وهالشي فوق الممتاز عندي خصوصي اني حاليا مركبه تقويم
وكل الارواج تقريبا تطبع في التقويم وتحوس الدنيا ، فصرت افضل المات واللي يكون ثباتها عالي .
وهالروج خفيف جدا على الشفايف يعطيك احساس انك مو حاطه اي شي اصلا .
ممكن اللي يحب يحط قلوس فوق الروج .
درجه هاللون حلوه حلوه حلوه مو احمر ولا وردي ولا لون الفراوله اقدر اقول عنه ، لون جدا جميل حبيته بصراحه
وبسيفورا فيه ٥ الوان ، بس اشوف بموقع سيفورا الاجنبي اكثر من لون وفيه عندهم لون احمر عجيييييييب
ابيه بكل صراحه ، بس ودي انهم يجيبون كل الالوان عندنا ويزيدون من درجات الالوان لانه انا ماعندي مشكله اجيب الكل.
ثبات عالي عالي عالي حتى مع الاكل والشرب مايتحرك ابدا ، ممكن مع الاكلات الدسمه اللون يبدا يخف
وممكن يطبع مثلا على الكلينكس بس مايطلع من حدود الشفايف ويحوس الدنيا ، حتى الطبعه ترى قليله لو تقارنينها باي
روج مات عادي مافيه ثبات قوي بس هذا روعه .
اللون نفسه قوي وواضح جدا .
عن نفسي مو بس حبيته الا عشقته .
مكان الشراء : سيفورا
السعر : ٦٩ درهم اماراتي
درجه اللون : 03
لا تنسوا تشتركو في المدونة عشان يوصلكم كل جديد
ليست هناك تعليقات:
إرسال تعليق