السلام عليكم
منتجات خلصتها في شهر نوفمبر
...
نبدا
من اليمين
سامبل مكون من تونر وكريم للوجه من محل ذا فيس شوب .. جدا حلو وناعم ومرطب للبشره
وهذا ثاني سامبل اخلصه لنفس هالمنتج ..
فيتامين البايوتين الرائع .. تكلمت عنه اكثر في موضوع الفيتامينات اللي اخذها موجود بالمدونه .. خلصته وشي اكيد برجع اشتريه ..
لصقات للانف لازالت الرؤوس السودا .. هالماركه حليوه تشيل شي خفيف جدا .. فمااتوقع اني بشتريها مره ثانيه
شامبو من نزيه لتساقط الشعر .. هالمنتج بسوي عنه ريفيو قريب مع الانبولات لتساقط الشعر .. رائعييين
خلص وشريت منه مره ثانيه ..
..
قطن لتونر ولمسح الميك اب .. حلو حبيته كبير ويشيل الميك اب ..
محلول عدسات جديد بس للاسف انتهت صلاحيته .. لاني البس عدسات شفافه وملونه.. وكل مااشتري عدسات ملونه يعطوني محلول جديد فتراكمت عندي المحاليل وجيت استخدمه واكتشف انه صلاحيته انتهت فياليت اللي مثلي ينتبه على التاريخ ..
معجون اسنان من بارودونتكس ..هو معجون اساسه ملح وتشوفون فيه حبيبات صغيره من الملح .. انا عندي مشكله باللثه شوي ضعيفه وكل ماافرش اسنانسي تكرمون يطلع دم خفيف فاخذت هالمعجون لانه مناسب للثه .. وفعلا مااعاني حاليا من هالمشكله .. بس اللي مابرجع اشتريه لانه خلى اسناني حساسه بزياده .. خصوصي مع المشروبات البارده ..
سيروم الشعر من لوريال .. هالمنتج اللي مااعرف اعيش بدونه .. ماادري يمكن ٧ او ٨ علبه اخلصها من حبي له ..
انا شعري ويفي والشعره نفسها ناعمه .. احب احط منه وشعري مبلول يعطيني تموجات ناعمه وحلوه كاني سويت شعري بالفير .. احبه
..
سيروم للشعر من صيدليه بوتس روعه وحبيته لشعري .. وريحته حلووووه ..
مقشر للوجه وجاني هديه ومااعررف من وين صراحه .. ناعم جداا على الوجه انا مااحب المقشرات القويه لانه بشرتي حساسه .. وهذا ناسبني ..
شرايح شمع للوجه من فيت .. استخدمهم ل الشنب .. وحلوين .. وهالفتره افكر بالليزر للوجه ابي ارتااااح ..
...
مجموعه سامبلز خلصتهم .. عندي علبه كبيره متروسه من السامبلز ابي اخلصهم بصراحه ..
من فوق منتج جديد من لوريال على كلامهم يحارب جلسات الليزر في العنايه .. مااقدر اعطيه تقييم لاني جربت عينه وحده
من لانكوم بعد منتج جديد وحاليا فيه منه بالسوق .. عن نفسي حبيته هو فيه لون وتختارين درجه لونك ..
لازم اقرا عنه اكثر عشان اقيمه ..
قطره رفرش للعيون مااستغني عنها .. دايم معاي بالشنطه .. مريحه جدا بعض اي ميك اب بالنسبه لي لانها تريح عيوني
ماسك ترطيب من كلارنس .. حبيييته حبيته حبيته .. وودي اشتريه .. بس عندي منه سامبلز حوالي ٧ .. بخلصهم وافكر جديا اني اشتريه ..
روج من ماركه اوفس سامبل وحبيته لانه ماااات مات مات .. ومايطلع بسهوله .. وانا آحبب هالنوعينه
..
هذي كل الاشياء اللي خلصتها في هالشهر
وشكرا لكم
تدوينة جميلة حبيتها كثير ♥
ردحذفسيروم لوريال الحاجة اللي مستحيل استغني عنها
احبه جدااااا♥♥♥♥♥♥♥♥
تسلمين يالغاليه
ردحذففعلا السيروم روعه
حبيت البوست واايد الصرااحه
ردحذفودي اجرب السيرم لكن اختيه ممكن اتخبريني واتوضحيلي فوائده للشعر ؟؟
زين نبهتينا بعد بخصوص محلول العدسات انا ما اجيك عليه >.<
وعن شرايح فيت ماتحسين انها اوك؟؟ والا
لان انا جربتهم لاماكن معينه بجسمي وحرقني ): الي هو مال الجسم كب هذا مال الويه
اتحسين في فرق مابينهم يعني مال الويه يكون اخف من مال الجسم والا
وسلمتي حبووبه
فديت قلبج يالغاليه
ردحذفالسيروم جربيه ومابتندمين ابد ابد ، ودايما انصح فيه ، جربيه بنفس طريقتي وبعجبج
وممكن بعد تحطين منه شوي او قطرتين على الاطراف قبل السشوار حلو يكون اذا الاطراف جافه واايد
هو سيروم للشعر يخفف النفشه او الشعرات المتطايره عشان ماتزيدين كريم وايد في الشعر ويبدا كانه مب نظيف
وملمسه حلو على الشعر يعطي نعومه ولمعان ،
وشرايح فيت بصراحه مب احسن شي بس ساعات اكون مطره ومااقدر اروح لاي صالون
وانا بعد بشتري حساسه وكم مره احترقت منهم بس انا احط بودره جونسن للاطفال على المكان اللي بشل منه وبعدين احط الشرايح ، شوي اخف يعني بس بعد ساعات
احترق او الجلد يحسس
والله مافيه فرق نفس الشي الجسم والويه
بس شرايح الويه وايد صغيره مب شرات الجسم
وعسب جيه افكر في الليزر ويالسه ادور مكان زين وطبي