الاثنين، 23 يناير 2017

Euphoria by Calvin Klein | عطر كالفن كلاين ايفوريا النسائي


Euphoria by Calvin Klein | عطر كالفن كلاين ايفوريا النسائي





السلام عليكم 

مساء الاثنين المعطر ، كالعادة كل يوم اثنين نتكلم عن عطر جميل يعجبني شخصيا ، 
واليوم بعد عطر من العطور الحلوه ، عطر ايفوريا النسائي من كالفن كلاين 



هالعطر مااتوقع في وحدة ماتعرفة او كان عندها منه ، عطر انثوي ويحبونة الرجال على النساء
ناعم وهادي غير فواح بس جذاب جذا ، يعني العطر انتي تشمينه واللي حولك .. ثابت اكثر على الملابس 

هالعطر نزل في سنة ٢٠٠٥ ، حبيت تصميم زجاجة العطر بس صعبة شوي في التنقل في الشنطة ..

...

نشوف نوتات العطر : 

العليا : رمان 
الوسطى : زهرة اللوتس - اوركيد 
القاعدة : زهرة البنفسج - عنبر- مسك -خشب الماهوجني

تمازج الروايح يعطيك شي دافي خصوصي اذا برد العطر .. انصح فيه 



وانا بعد كنت كاتبة من فترة عن اصدار ثاني من العطر شوفوه هنا 

متوفر بحجمين : 
١٠٠ مل ب ٤٨٠ درهم ، ٥٠ مل : ٣٥٥ درهم 

الاثنين، 9 يناير 2017

عطر عنبر ملكي من شوبارد | Amber Malaki Chopard


عطر عنبر ملكي من شوبارد | Amber Malaki Chopard 





صباح الاثنين المعطر ، كل اثنين نغوص في عالم العطور والروائح الجميلة 
عطر اليوم من دار شوبارد للعطور ، أصدر هالعطر سنة ٢٠١٥ ، هالعطر ضمن مجموعة مكونة من ٣ عطور 
{ عنبر ملكي - روز ملكي - عود ملكي } .. تكملت من قبل عن الروز الملكي تقدرون تشوفونه هنا 

واذا حابين تشوفون العطور الثانية اللي كتبت عنها هنا 



اليوم بتكلم عن العنبر الملكي .. 

انا اعشق العنبر في العطور سواء الصافي او المخلوط ، و هالعطر علي ذوقي ، لأنه مزيج من كذا شي 
على رأس القمة العنبر - البخور - زهرة البرتقال - فانيلا 

التناغم الجميل بين الروائح نتيجة جدا جميلة .. من العطور المسائية وتصلح للمناسبات عيد اعراس وغيره
مناسب للرجال والنساء طبعا .. 

ثباته عالي بصراحة مع شوي دهن عود وبخور ياسلام ، تقدرين تستخدمينه بروحه بس مع البخور والدهن عود شي



حجم واحد فقط ٨٠ مل = ٤٧٥ درهم 

يستاهل بصراحة و يطول معاج في الاستخدام .. 

Boss Nuit


Boss Nuit 


صباح الاثنين المعطر ، من زمان عن يوم العطور ..
باذن الله راح ارجع ل سلسلة كل يوم اثنين اتكلم عن عطر 
وعندي بالمدونة قسم خاص للعطور كل العطور اللي كتبتها تلاقونها في هالقسم .. 

..

عطر اليوم من شركة Boss ، تعجبني عطورهم بس ولا مره شريت منهم عطر الا هذا ، بس بالغالب اشم عطورهم
وتعجبني .. وغالبا روايحهم انثوية .. 

..



Boss Nuit 

أصدر العطر سنة ٢٠١٢ مش جديد لكن عجبني ، ونزلوا اكثر من اصدار بعده .. 
اللي عندي هو اول اصدار .. فيه اصدار ثاني نفس الشي بس بدال الذهبي روز قولد ، ثباته اقوى و زايدين فيه نوتات الخشب .. 

وبعد فيه عطرين واحد لونه ابيض صيفي ومنعش ، والاخير لونه وردي .. 

..

اما عطرنا أنثوي وناعم بارد ، ينفع يكون يومي ، غير فواح .. بس من العطور اللي تشمينها فيك واللي قريب منك راح يشمها 

الثبات .. على الجلد يطول ل ٦ ساعات وأكثر ، على الملابس تشمينه إلى ٣ ساعات تقريبا .. 


نوتات العطر : 

العلوية : خوخ 
الوسطى : ياسمين - البنفسج - الورد الابيض 
القاعدة : صندل - نوع من انواع الطحالب " مالقيت لها ترجمة بالعربي "

مثل ماتشوفون العطر بين الورد والخوخ ، بس طبعا تشمونهم اول ماترشون العطر بس اذا برد ، تبدا تطلع نوتات القاعدة
الصندل طبعا ..

عن نفسي جدا حابته ويناسب اي وقت لانه غير فواح ، انثوي وناعم .. 

العطر متوفر ب ٣ احجام ال ٣٠ مل .. ال ٥٠ مل .. و ال ٧٥ مل .. 

اللي عندي ال ٣٠ مل ، وللاسف مااعرف سعره .. 

سعر ال ٥٠ مل = ٣١٥ درهم
سعر ال ٧٥ مل = ٣٩٥ درهم 

الجمعة، 6 يناير 2017

أرواج اربن ديكاي | Vice Lipstick


أرواج اربن ديكاي | Vice Lipstick



السلام عليكم 

ارواج اربن ديكاي الجديدة ، اللي سوت ضجة اول مانزلت لها نزلت ب ١٠٠ لون !!
تتخيلون ماركة تنزل ١٠٠ لون مره وحدة ، هذا بحد ذاته انجاز كبير .. الكل كانت عينه على هالارواج وشنو الشي المميز فيها .. 

ف كان لي نصيب فيها ولله الحمد عشان اجرب كذا نوع .. ليش كذا نوع لانهم اصلا نازلين ب ٦ تركيبات متنوعة لتناسب جميع الأذواق والاحتياجات 

...


التركيبات ال ٦ : 


MEGA MATTE: لون كثيف غير لمّاع.

COMFORT MATTE: أكثر ألواننا غير اللماعة كريمية القوام.

CREAM: الأصلي: الكريمي الفاخر والجريء.

METALLIZED: كريم بنسبة عالية من مسحوق اللؤلؤ.

SHEER: لون غني بمظهر نهائي لماع عالي الشفافية.

SHEER SHIMMER: مظهر نهائي شبه شفاف بمسحة من مسحوق اللؤلؤ وملمس ناعم.

انا عندي اول ٤ منهم .. 

...


النوع الكريمي .. وهو المفضل عندي ، من تسمعين كريمي تقولين لا راح تكون رطبة وكريمية بزيادة وغير ثابته ، طبعا العكس تمااااما ، لون غني من مسحة وحدة يبين
وثبات جدا حلو لعدد ساعات " طبعا مع الاكل والشرب تبا تخف " بس يظل فيه لون .. الروج يعطي شكل انه الشفايف صحية ورطبة ..  

...


المات ، فيه نوعين منه ، المات القوي والاخف شوي .. 
عن نفسي فضلت الاخف شوي لانه اسهل بالمد على الشفايف ، بس الاثنين ثباتهم جدا جدا حلو .. وودي ارجع اخذ كذا لون بعد .. 

...


النوع الاخير اللي عنديMETALLIZED ، اللي يحب هالنوع راح يعشق هالارواج ، اذا تحبين الشي الغريب والمميز خصوصي انه اللون يبين مو بس لمعه او شيمر خفيف ، لا لون بمعني لون واضح .. والثبات عادي مع الاكل والشرب يروح اللون .. 

.. 

كل الدرجات مع السواتشز لهم .. 




نصيحة اذا بتروحين تشترين اولا حددي النوع اللي تحبينه وبعدها غوصي بالدرجات لانه ١٠٠ لون يخليج تحتارين ولا تعرفين شنو تاخذين .. 

واربن ديكاي فتحوا لهم محلهم الخاص في السيتي ووك ، المحل جدا جميل ومريح .. 

سعر الروج = ٩٢ درهم